आगळी आहे कहाणी हीच येथे

Submitted by निलेश वि. ना. शेलोटे on 12 April, 2020 - 13:18

आगळी आहे कहाणी हीच येथे
मांडला बाजार होता नीच येथे

वाटले शब्दास होते मोल काही
तोडणारी वायदा सारीच येथे

जाणला त्यांचा विखारी खेळ जेव्हा
जाळले काळीज माझे मीच येथे

नेमका आक्षेप कोणी घेत नाही
बोचरी आहे कशी डोळीच येथे

फार काही पाळले ना सोवळे मी
बोलतो मीही मला पापीच येथे

निलेश वि. ना. शेलोटे
वृत्त : मंजुघोषा (गालगागा गालगागा गालगागा)

Group content visibility: 
Public - accessible to all site users