आपल्या समाजात पुरुषांवर कमवायचे आणि कमावत राहायचे दडपण असते का?

धाग्याचा विषय काय?
मधेच स्त्री बॉस/ पुरुष बॉस वर काय बोलत सुटलेत लोक?

माबोकर विषयाला(च) धरून बोलत नाहीयेत म्हणजे सगळे आलबेल आहे.

तिथे लोकं बोलत आहेत की काहीही विषयावर धागा आहे>>>>>>>>>>> त्यांना इथेच बोलायचं असेल. त्या धाग्यवर मी आपल्या समाजात पुरुषांवर कमवायचे आणि कमावत राहायचे दडपण असते का? ह्या विषयावर प्रतिसाद लिहिते. मग तिथे ही चर्चा सुरु होईल.

मला वाटतं हो. पुरुषांवर कमावण्याचे दडपण असतेच. किंबहुना किती कमावतो ह्यावरूनच पुरुषांचे कर्तृत्व मोजले जाते. हे अतिषय अन्याय्य आहे हे मान्य करावेच लागेल.
प्रत्येकाने - स्त्री अथवा पुरुष, स्वतः ची आर्थिक जबाबदारी उचलायला हवी. परंतु तसे होत नाही. आपल्या समाजात पुरुष कमावणारे आणि स्त्रीया घर - मुले सांभाळणार्‍या अशी विभागणी पडून गेली आहे. ही विभागणी हल्ली थोडी शिथील होताना दिसते आहे. थोडी या साठी म्हणेन कारण स्त्रीया कमावू लागलेल्या आहेत. परंतु त्यांच्यामागचे घर - मुले हे व्याप अजूनही तसेच आहेत. त्यामुळेच जरी स्त्रीया कमवत असल्या, तरी त्यांच्याकडून कमावण्याची सरसकट अपेक्षा नसते. स्त्रीयांची कमाई ही अजूनही बहुतेक घरांमध्यी 'पुरुषाला आधार' अशीच बघीतली जाते. जोवर पुरुष स्त्रीयांच्या बरोबरीने घरचे व्याप सांभाळत नाहीत, तोवर हे असेच राहील असे दिसते.

त्यामुळेच जसं स्त्रीयांकडून घरकामाची अपेक्षा करणे अन्याय्य आहे, तसंच पुरुषांकडून कमावण्याची अपेक्षा अन्याय्यच म्हणावी लागेल.

मला अजून एका पैलूवर प्रकाश टाकावासा वाटतो.पुरुष असो वा स्त्री,लवकरात लवकर आणि जास्तीत जास्त कमावण्याचे दडपणसुद्धा जास्त आहे.याला कारणे शिक्षणाचा भरमसाठ खर्च,पालकांची मानसिकता, दृष्टिकोन, स्वतःकडून अपेक्षा,प्रतिष्ठेच्या कल्पना, चंगळवाद,महागाई, गरजेच्या वस्तूंमध्ये वाढ इ. इ.आणि अनेक आर्थिक, सामाजिक कारणे असू शकतात.मी स्वतः अशा दडपणातून गेले आहे, जाते आहे. काही जणांना आपल्या श्रीमंतीचे आपल्यापेक्षा कमी उत्पन्न गटातील लोकांसमोर प्रदर्शन करण्याची खूप सवय असते.त्यामुळे मीही लवकरात लवकर जास्त कमावले पाहिजे. म्हणजे मी अमुक वस्तू घेईन, तमुक वस्तू घेईन असे स्वतः ला वाटून खूप दडपण येते(अर्थात हा वैयक्तिक अनुभव आहे)
मी किमान स्वतःच्या पालकांच्या आर्थिक परिस्थितीच्या बरोबरीने असावे ही अपेक्षा असतेच स्वतः कडून. आणि हल्ली सेटल झाल्याशिवाय लग्न करत नाहीत. हेही एक कारण आहे या दडपणामागे.

हा धागा, ह्या प्रतिक्रिया... एक वर्ष झालं तरी मेमरेबल आहेत काही काही प्रतिक्रिया...

काही जणांना आपल्या श्रीमंतीचे आपल्यापेक्षा कमी उत्पन्न गटातील लोकांसमोर प्रदर्शन करण्याची खूप सवय असते.त्यामुळे मीही लवकरात लवकर जास्त कमावले पाहिजे. म्हणजे मी अमुक वस्तू घेईन, तमुक वस्तू घेईन असे स्वतः ला वाटून खूप दडपण येते>>>+१

हा धागा चक्क सेंसीबल आहे. कमावण्याचे दडपण पुरूषांवर जास्त असते असे माझे निरीक्षण आहे.. काही मैत्रिणी, कझीन बहीणी शिकून सवरून घरची अडचण नसून ही होम मेकर असणे पसंत करतात, तसे भावा, मित्रांचे नाही. १ ही केस माहितीत नाही.
या उलट ऑफिस मधे फिलिपिनो स्त्री आहे ती कर्तुत्ववान आहे, पती होम मेकर आहे आणि ती म्हणते की हे फार कॉमन चित्र आहे त्यांच्या देशात. असे असून ही पती बाजारहाट, स्वैपाक ह्यात म्हणावा तसा हातभार लावत नाही. बाजारात गेला की सिगारेट वर जास्त खर्च करतो, त्यामुळे तिला दोन्ही जबाबदार्या पार पाडाव्या लागतात