सोळा आण्यांची गोष्ट - पाहुणे - प्राचीन

सरयूदास महाराजांच्या प्रवचनांना नियमित येणारा हरिराम आज आलेला नव्हता. हरिराम हा अगदी नेहमी प्रवचन मनापासून ऐकणारा परंतु साधा सरळ अशिक्षित मनुष्य. त्याच्या कानांवर जे काही पडत असे, त्यातील कितपत समजले असेल हे महाराजांना
नेहमीच गूढ वाटत असे ;त्याच्या भाबडेपणाची काहीशी कीवही वाटायची.
योगायोगाने प्रवचनाहून परत येताना सरयूदास महाराजांची
हरिरामशी भेट झाली.
"का बरं आला नाहीस आज सत्संगाला?"
"क्षमा असावी. महाराज. पाहुण्यांना निरोप देण्यात गुंतलो होतो."
"कोण एवढे महत्त्वाचे पाहुणे आले म्हणून सत्संग चुकला?" जरा नाराजीनेच महाराज विचारते झाले.
"माझा मुलगा महाराज. गेली पंधरा वर्षे माझ्याकडे तो पाहुणा होता. देवाघरचं बोलावणं आलं त्याला. त्यामुळे त्याला चांगला
निरोप द्यायला नको का? "