दोई पोतोल पोस्तो (पारम्परिक बंगाली पाककृती )

छान

मस्त

पाककृतीचा फोटो खल्लास एकदम !!!! तोंपासु .
निरामिष म्हणजे काय ????

पाककृतीचा फोटो खल्लास एकदम !!!! तोंपासु .>>>>> +१.

निरामिष म्हणजे काय ????>>>>> शाकाहारी . सामिष म्हणजे मांसाहार.

मस्त !! इथे(जर्मनी त ) मिळते हि भाजी पण त्याचं काय आणि कसं करायचं माहित नसल्याने कधी आणली नाही .. आता आणून बघेन .. मला ती आधी जून झालेली तोंडली आहेत असं वाटायचं
निरामिष म्हणजे काय ????>> आमिष नसलेली म्हणजे मांस नसलेली ..

मस्त पाकृ! फोटो तोंपासु! कालच मीठ हळद लावून तळतात आसामात तसे केले होते... आता अशी करून पाहीन.

शेवटचा फोटो भारी आहे

मस्त रेसिपी. ही. भाजी कधी आणली नाहीए पण फोटो एवढा तोंपासू दिसतोय की एकदा करून बघणार नक्की.

अगदी पारंपरिक. मस्त आहे रेसिपी.
दही आणि बेसन चांगले फेटून घ्यायचे.
भाजीत घालताना मोठा एक चमचा दही घालून चांगले हलवायचे. मग परत एक-एक चमचा आणि हलवणे.
याने भाजीत दही फाटत नाही.
निरामिष म्हणजे फक्त शाकाहारी नव्हे तर कांदा, लसूण, मसूर डाळ इ. तामसी काहीही नसलेले.

Amisha i.e. आमिष is a Sanskrit word that means meat, flesh, etc. Bengali borrowed this word from there. Hence:

Samish-सामिष = स+आमिष = with meat i.e. non-veg.

Niramish-निरामिष = निर्+आमिष = without meat i.e. veg.

This nomenclature is used in Marathi as well.

आंजावरून साभार.

छान पाककृती.
<<इथे हि भाजी पण त्याचं काय आणि कसं करायचं माहित नसल्याने कधी आणली नाही .. आता आणून बघेन .. मला ती आधी जून झालेली तोंडली आहेत असं वाटायचं>>>+१ मलाही तसेच वाटायचे. एकदा मी हे परवल आणले होते. पण कसे करावे कळेना. मग भरली वांगी करतात तसे भरले परवल केले.

प्रकरण छान दिसतंय.
या परवलची मिठा ई विष्णू मनोहर यांनी कलर्सवरच्या कुकरी शोमध्ये दाखवली होती.
परवल उकळताना पाण्यात काहीतरी घातल्याने ते पारदर्शक झालं होतं आणि सुंदर रंग आला होता.

पडवळाच्या किंवा तोंडल्याची काचऱ्या करतात तशी या परवलांची परतून भाजी करता येते का ? कोणी केली असल्यास सांगा ना मला

हो , काचर्या करून करतात , भेंडीसारखी परतून करायची

हो , काचर्या करून करतात , भेंडीसारखी परतून करायची<<थँक्स .. मग आता दिसली भाजी कि झडप घालते!!.. एकदा अशी अन एकदा तशी करून बघेन

काचर्‍या करून? मी आजवर कधी ऐकली नाहीये. अगदी कोवळी सोडली तर आत टणक बिया असतात की. काचर्‍या करताना जरा अवघडच जाईल असं वाटतंय
शेंडा बुडखा थोडा थोडा छाटून तीन किंवा चार जाड काचर्‍याच्या दिशेने चिरून घेऊन बटाट्याबरोबर रस्सा होतो. तसंच उभे चार भाग करून ते परतून पण भाजी होते (खसखशीचं वाटण लावायचं). चार भागाऐवजी उभं दोन भागाच चिरून घेतलं तरी चालतं.

वरची पाकृ रोचक वाटली. आम्ही दोई पोटोल, शोरषे पोटोल (मोहोरी लावून) किंवा पोस्तो पोटोल वेगवेगळं रांधतो. एकत्र कधी कुठे खाल्लं नाहीये. चवींची जरा जास्तच गर्दी होईल असं वाटतंय.

छान.

वरदा :*आम्हीही काचऱ्याच करतो. शेंडा बुडखा थोडा काकडी सारखा कापून मग सालं सोलाण्याने काढतो. अर्थात आतील बिया कोरून काढायच्या. मग अर्ध वर्तुळाकार बारीक चिरून परतायची भाजी. बटाटा व्यंजन म्हणून. चोरटी होते परतल्यावर. पण चांगली खमंग लागते.

आम्हीही काचऱ्याच करतो. शेंडा बुडखा थोडा काकडी सारखा कापून मग सालं सोलाण्याने काढतो. अर्थात आतील बिया कोरून काढायच्या>>> इथपर्यंत आम्हीही असेच करतो, मग त्याच्या लहान फोडी करायच्या अन झणझणीत तिखट अन कांद्याच्या फोडणीत परतायचे, मग त्यात थोडे पाणी अन भिजवलेली चणाडाळ घालून शिजवायचे. रस्सा पूर्ण आटवायचा नाही पण पातळ पण नको. खूप छान लागते ही भाजी. फक्त तेल अन तिखट मसाला घालताना कंजूसी करायची नाही☺️

मस्त पाकृ!

छान रेसिपी. करून बघेन..पण आलं लसूण असताना निरामिष कशी? की सणा-वाराला आलं लसणाशिवाय करतात?

पडवळाच्या किंवा तोंडल्याची काचऱ्या करतात तशी या परवलांची परतून भाजी करता येते का ? कोणी केली असल्यास सांगा ना मला >> आलू-परवल होतो ना..
परवलाची साले काढून उभ्या फोडी करून घ्यायच्या, मधल्या बिया काढायच्या आणि बटाटेही तसेच उभे चिरून घ्यायचे. तेलाची जिरे घालून फोडणी करायची. त्यात थोडी हळद-तिखट घालायचं आणि परवल-बटाटे घालायचे. जरा परतून घ्यायचे. मग त्यावर आमचूर पूड, मीठ घालायचे. पुन्हा परतायचे. झाकण घालायची गरज नाही...तसेच परतत रहायचे बारीक गॅस वर. ..भाजी होत आल्यावर गरम मसाला घालायचा. भाजी तयार. छान लागते.

https://youtu.be/TElN0QYLrpQ

potol barbeque

मस्त रेसिपी. फोटोही सॉलिड.

आम्ही परवर म्हणतो आणि काच-या करतो, बरेचदा कोवळी मिळतात पण जुन असतील तरी काचऱ्या छान होतात. खरपूस करायच्या, जरा करपलेल्या टेस्टी लागतात. अतिशय पौष्टिक असतात परवर. फक्त बिया काढतो आम्ही, सालेही नाही काढत. फोडणी तिखट मीठ, फक्त या तीन गोष्टीवर पण छान होतात. बाकी कढीलिंब, कोथिंबीर, दाण्याचे कुट, ओलं खोबरं, आलं लसूण मिरची ठेचा घातला तर अजून बहारदार. बरेचदा फोडणी, तिखट मीठ आणि थोडी मिरपूड हे घालून करते मी.

फक्त बिया काढतो आम्ही, सालेही नाही काढत. >> शिजतात का मग ते निट, अन करकरीत नाही लागत का?

शिजतात, पाण्याचा हबका मारून झाकण ठेवते. किंचित कमी शिजल्या तरी आवडतात आम्हा दोघांना. खूप शिजवून रस्सा करायचा असेल तर भाजी कुकरमध्ये एक किंवा दोन शिट्या काढायच्या. तसं केलं नाही कधी.

अरे व!! बऱ्याच रेसिपी (रेसिप्या ) आल्या कि .. आता फक्त परवर मिळायला हवं .. "हे परवरदिगार" , मिळूदेत लवकर एकदाचे परवर मला"