Name: हिवाळा स्पेशल लज्जतदार ओल्या तुरीचे (तूरदाण्यांचे) पराठे
Cook time: १.५ तास
Yield: 2

Submitted by मनिम्याऊ on 20 November, 2018 - 06:22

प्रत्यक्षात लागणारा वेळ:

१.५ तास

लागणारे जिन्नस:

तुरीच्या शेंगा १/२ किलो
लहान कांदा १
लहान टोमॅटो १
कोथिंबीर बारीक चिरलेली
आले लसूण पेस्ट १ चमचा
लसूण ४-५ पाकळ्या
हिरव्या मिरच्या १-२
जिरे १ चमचा
तेल फोडणीसाठी
हळद १ चमचा
मीठ चवीनुसार
मळलेली कणीक
हाताशी भरपूर वेळ

क्रमवार पाककृती:

प्रथम शेंगा सोलून तुरीचे दाणे काढून घ्या. (हे फार कंटाळवाणे काम आहे तसेच शेंगा सोलताना नखे व बोटांची पेर काळी होतात. योग्य ते खबरदारी घेणे)
कुकरमध्ये मीठ आणि किंचित हळद (हळद ऑपशनल) घालून २-३ शिट्या देऊन वाफवून घ्या. (मी सरळ अख्या शेंगा मीठ-हळद घालून कुकरला उकडून घेते आणि मग दाणे काढते. फारच पटकन निघतात.)

यानंतर दाणे चाळणीवर घेऊन पाणी निथळून घ्या.

पॅनमध्ये एक लहान चमचाभर तेल गरम करून त्यात जिरे लसूण आणि मिरचीवर तुरदाणे चांगले खमंग परतून घ्या.

थंड झाल्यावर मिक्सरमधून बारीक वाटून घ्या (हवे असल्यास किंचित पाणी घालावे)

आता परत एकदा पॅनमध्ये फोडणीसाठी तेल गरम करा. त्यात बारीक चिरलेला कांदा आणि आलेलसूण पेस्ट घालून गुलाबी रंग येईस्तोवर परतून घ्या. आता त्यात टोमॅटो आणि कोथिंबीर घालून तेल सुटेपर्यंत शिजवा.

यानंतर वाटलेले तूरदाण्यांचे मिश्रण घालून थोडे थोडे पाणी टाकत साधारण बटाट्याच्या सारणासारखी कंसीस्टंसी येईपर्यंत वाफेवर छान शिजवून घ्या.