ज्योतिष आणि नातेसंबंध

ज्योतिष आणि नातेसंबंध
.कुंडलीतील ग्रहांचा जातकाच्या आयुष्यातील प्रत्येक घटकांवर प्रभाव असतो ,ग्रहांचा जातकाच्या जवळील व्यक्तींवरचा पडणारा प्रभाव पुढीलप्रमाणे पडतो .
1.तृतीय स्थानी गुरु असता जातकाला एक तरी भाउ आसतोच ,काही व्यक्तींना दोन ,तीन भाउ असण्याचीही उदाहरणे आहेत .
2.तृतीय स्थानी सूर्य असता जातकाला बहीण असण्याची शक्यता जास्त असते .
3.पंचम वा लाभ स्थानी गुरु असल्यास पुत्र संतान होण्याची शक्यता जास्त असते या स्थानी सूर्य वा मंगळ असल्यास फक्त पुत्र संततीच होते .
4.पंचम वा लाभ स्थानी शुक्र असल्यास कन्या संतान होण्याची शक्यता जास्त असते .
5.लग्न किंवा सप्तम स्थानी गुरु असता जातकाला त्याच्या अनुरूप जोडीदार मिळतो .
6.लग्न किंवा सप्तम स्थानी शुक्र असल्यास नवरा बायको दोघेही दिसायला सुंदर असतात .
7.लग्न ,चतुर्थ वा सप्तम स्थानी मंगळ असल्यास जातक दिसायला अगदी साधारण जरी असला तरी जोडीदार मात्र त्याला सुंदर मिळतो .
8.लग्न वा सप्तम स्थानी मंगल शुक्र युती असल्यास जातकाला अतिशय सुंदर जोडीदार मिळतो .
9.लग्न वा सप्तम स्थानी शनि असल्यास जातकाचा जोडीदार हा काहीसा थोराड आणि रुक्ष असतो .
10.अष्टम वा बाराव्या स्थानी सूर्य असल्यास जातकाला त्याच्या पित्यापासून दूर रहावे लागते जर सूर्य हा राहू किंवा शनि युतीत असेल तर पित्याला अल्पायु योग असतो .
11.वरील बाबीं विचारात घेता इतर ग्रहांचे युती योग ,ग्रहद्रुष्टी, भावेशाचे कार्यत्व यांचाही विचार करावा लागतो .