अमेरिका: थंडी सुरु होण्याच्या अगोदर घरात कुंड्या आणताना तुम्ही काय काळजी घेता?

Submitted by अजय on 11 September, 2017 - 11:40

आयुष्यात दुसर्‍यांदा काहीतरी बागेत लावायचा प्रयत्न केला. पहिल्या प्रयत्नात झणझणीत मीर्च्या लावल्या होत्या काही वर्षांपूर्वी. पण ज्या आल्या त्या काकडीसारख्या खाता येतील अशा सपक आल्या. त्याचं खापर बोस्टनच्या हवेवर फोडण्यात आलं. या वर्षी आलं लावलं, ते आलं. पण आल्याचं झाड खूप हळु वाढतं. जमीनी बाहेर कोंब यायला ५-६ आठवडे लागले. आता कुंडीत ४ आणि जमिनीमधे ६ अशी रोपटी आहेत. नेटवर बोस्टनच्या हवेत आले बाहेर जगते का नाही यावर दुमत आहे. त्यामुळे कुंडीतली घरात आणि जमिनीतली तशीच या हिवाळ्यात ठेवून प्रयोग करून पाहणार आहे. आल्याला काही झाले तरी चालेल पण घरात कुंड्याबरोबर एकही कीडा आला नाही पाहिजे असे फर्मान सुटले आहे. घरात पोर्च, सनरूम असे काही नाही. थेट वावराच्या खोल्यातच कुंड्या ठेवाव्या लागणार आहेत.

तुम्ही हिवाळ्यात घरात कुंड्या आणता तर काय काळजी घेता? कुठल्या प्रकारची किटक नाशके वापरता? इतर काही काळजी घ्यावी लागते का?

आला आला वारा च्या चालीवर

आलं आलं आलं
जेंव्हा कुणितरी गेलं
थंडीमधे कुंड्या आत
तरच ते टिकेल

विषय: 
बागकाम
Groups audience: 
घरची बाग
Group content visibility: 
Public - accessible to all site users
शेअर करा

मी कॉस्कोतून आणलेल्या सॉईलमध्ये फंगस नॅट्स असल्याचं नोटीस केलं आहे >> मी पण कॉस्कोतलाच आणला होता हे आठवले नि फंगस नॅट्स ने धुमाकूळ घातलेला.

Submitted by असामी on 12 September, 2017 - 17:21

Lol

Submitted by स्वाती_आंबोळे on 12 September, 2017 - 21:02

आलं लावण्यात खरतरं काहीच पॉईंट नाही अजय. सॉरी तुम्हाला नाउमेद करण्याचा उद्देश्य नाही. (पण चर्चा झाली तर सल्ले तर येणारच Happy )
आलं उगवून यायला एकतर फार वेळ जातो. त्यापेक्षा पुदिना, गवती चहा,बेझील वगैरे लावता का नेक्स्ट टाईम? सगळ्यात उत्तम कडिपत्ता लावा.
पहिलाच पेपर आहे आणि त्यात सगळ्यात कठीण प्रश्न सोडवायला घेतलाय आणि १०० मार्क मिळवायचे आहेत अस झाल्या सारख वाटल.

Submitted by सीमा on 15 September, 2017 - 00:53

>पहिलाच पेपर आहे आणि त्यात सगळ्यात कठीण प्रश्न सोडवायला घेतलाय आणि १०० मार्क मिळवायचे आहेत अस झाल्या सारख वाटल.
पण हे माहिती कुठे होतं. गंमत म्हणून एक रोप लावलं, ते आलं नाही म्हणून दुसरी कडे ३ रोप लावली. ती आली नाही म्हणून आणखी वेगळ्या कुंडीत २ लावली . ती आली नाही म्हणून वेगळ्या ग्रोसरीतून आलं आणून सावलीत अजून २ लावली असं करता करता २३ कधी झाली ते कळलंच नाही. Happy

Submitted by अजय on 15 September, 2017 - 12:15

Lol

Submitted by स्वाती_आंबोळे on 15 September, 2017 - 12:23

मै Happy

लोक एकाचे दोन करतात, अजय एकाचे तेविस करतो असे म्हणायचे का ? Lol

सगळ्यात उत्तम कडिपत्ता लावा. >> कडीपत्ता घातलेला चहा कसा लागेल देव जाणे ! Lol

अजय, शेवटी काय उपाय केला नि त्याचा फायदा झाला कि नाहि सांग रे.

Submitted by असामी on 15 September, 2017 - 12:50

पुढच्या वर्षी ५० असणार आहेत !

" बॉस्टनच्या कडक थंडीवर रामबाण उपाय- होम ग्रोन आल्याचा आलेपाक खा." अशी जाहिरात नक्की दिसणार आपल्याला इथे. :स्मितः

Submitted by शुगोल on 15 September, 2017 - 15:39

बोस्टनच्या हवेत आल्याला तिखटपणा कुठून येणार?! Proud
(माणसांचा तिखटपणा तेवढा टिकतो असं दिसतंय Proud Light 1 )

Submitted by स्वाती_आंबोळे on 15 September, 2017 - 16:27

बोस्टनच्या हवेत आल्याला तिखटपणा कुठून येणार?!
(माणसांचा तिखटपणा तेवढा टिकतो असं दिसतंय >>>> आल्यानं बिअर प्यायली तर तिखटपणाऐवजी कसलं रसायन तयार होईल? आणि असल्या रसायनाचा चहा प्यायलेल्या माणसाचा तिखटपणा टिकेल का? Proud

Submitted by अंजली on 15 September, 2017 - 17:57

आलं घरात लावा नाहीतर बाहेर , थण्डीत मरणारच कुंडीत वा बागेत मातीत लावलेले. पेरेनियल आहे ते; थंडीत मरणारच.
त्यापेक्षा, मग आलं बाहेर उप्टून धूवून, वाळवून ( मिळेल त्या व तेवढ्या सप्टेंबर उन्हात) ठेवा फ्रीज मध्ये. हव तेवढं आलं घालून चहा प्या/पाजा मार्च पर्यंत. उगाच घरात आणून ओरडा मिळॅल..
मग उरलेलं आलं मार्च सुरुवातीलाच खोचा कुंडीतल्या मातीत. वरून प्लॅस्टीक पिशवीला बारीक छिद्र करून लावा कुंडीला. मध्ये मध्ये स्प्रे मारायचं. मधून मधून , चहा पाजा मातीला.
सारखं , "आलं की नाही", "आलं की नाही" नको करायला.
येइलच ते आलं, जातय कुठे... अधून मधून कुठल्या कुठल्या ना आयडीचे नाव घेवून गप्पा मारा कुंडीत तोंड घालून. येइलच मग वर आलं.... Wink

Submitted by झंपी on 15 September, 2017 - 19:42

एवढे सल्ले मिळालेत ! तर आल्याची कुंडी घरात आणली का ? काय काय सल्ले प्रत्यक्षात करुन पाहिलेत?
जमिनीतली रोपं आहेत त्यांचं काय करणार ? फर्स्ट फ्रॉस्ट डेटच्या १-२ आठवडे आधी रोपाच्या आसपास ३-४ इंच *स्ट्रॉचा थर देऊन ठेवा. काही टेंडर पेरेनियल्स साठी असे करतात असे ऐकलं/ वाचले आहे.

* Straw is the stalks or stems of grains like wheat, barley, or oats after the grain has been harvested. हॅलोवीन च्या आसपास फार्मर्स मार्केट किंवा तत्सम ठिकाणी सहज मिळेल .

Submitted by मेधा on 19 September, 2017 - 10:51

>>Straw is the stalks or stems of grains like wheat, barley, or oats after the grain has been harvested>> ओके.

Submitted by सायो on 19 September, 2017 - 14:09

अजून कुंड्या आत आणाव्यात का नाही हे ठरत नाही.
यावर्षी आणल्या तर वेगळ्या कुंड्यात आणि मातीत लावून मगच आणायची परवानगी मिळणार आहे Happy पुढच्या वर्षी कुंड्या आत आणायचे आधीच प्लॅनिग करून वेगळी माती वापरली जाईल.
जमिनीतली रोप तशीच काय होतात ते पहायचे आहे. मी जे वाचले आहे त्याप्रमाणे पान गळून जातात पण आल्याचा कंद आत असतो तो चांगला राहतो आणि पुढच्या वर्षी त्याला परत पाने येतात म्हणे.

Submitted by अजय on 20 September, 2017 - 19:51

>>>>मी जे वाचले आहे त्याप्रमाणे पान गळून जातात पण आल्याचा कंद आत असतो तो चांगला राहतो आणि पुढच्या वर्षी त्याला परत पाने येतात म्हणे.<<<
हो बरोबर, हळदीचा भाउ आहे.
वरचा भाग पेरेनियल असतो( वरती लिहलय की) त्यमुळे पानं मरत्तातच पण रायझोम जिंवत असतो.

Submitted by झंपी on 21 September, 2017 - 00:20

वरचा भाग पेरेनियल असतो >> झंपी, तुम्हाला अ‍ॅन्युअल म्हणायचे आहे का? कारण पेरेनिअल म्हणजे वर्षामागून वर्ष टिकणारे. आणि अ‍ॅन्युअल म्हणजे जे दरवर्षी लावावे लागते.

Submitted by शुगोल on 21 September, 2017 - 00:32

Pages