साक्षी - ज्युनियर मास्टरशेफ - लिंबोटी - वेद - वय ९ वर्षे

मी केलेली मदत : गॅसवर ठेवायला, उतरायला , फोटो काढायला आणि इथे लिहायला मी मदत केली.
बशीत काढून घेणे इ. त्याने केले आहे, त्यामुळे इथला प्रमाण आणि फोटो यांची सांगड घालू नका.

लागणारा वेळ : १० ते १५ मिनिटे
साहित्य : लिंबू - १/२
जिरेपूड : १/४ चमचा
काळं मीठ(नसेल तर साधं मीठ चालेल) : १/४ चमचा
साखर : १/४ चमचा

कृती :
१) लिंबाच्या फोडीतून बिया काढून टाका.
२) त्यावर वरील सर्व साहित्य पेरा.
३) छोटं कढलं घेउन त्यात लिंबाची पाठीची बाजू ठेऊन गॅस पेटवा. गॅस मंद असुद्या. मधे मधे लिंबू हलवा पण पालथं करू नका
४) मीठ, सा़खर विरघळून रस बाहेर येऊ लागला की गॅस बंद करा.
५) थोडं गार झाला की चोखून चोखून रस खा.

आजारपणात तोंडाची चव जाते त्यावर हे उत्तम घरगुती औषध आहे.

माहितीचा स्त्रोत : सासुबाई सुलभा नाटेकर