तुम्हाला तुमच्या वाढलेल्या / वाढत्या वयाचा गिल्ट येतो का???

Submitted by सिंथेटिक जिनियस on 14 December, 2016 - 10:20

आपण लहान असतो तेव्हा आपल्याला आपण कधी एकदाचे मोठे होतो असे सतत वाटत असते.लहानपणाची मजा जरी वेगळी असली तरी प्रत्येकाला मोठेपणाच्या एलाईट क्लबात सामिल व्हायचे असते.मी लहान असताना स्वतःला दाढीमिश्या काढून आपण मोठे झालो आहोत अशी स्वतःची समजुत करुन घ्यायचो.वडील म्हणायचे तुलाही येतील दाढी मिश्या,जरा कळ काढ .यथावकाशात मला भरघोस दाढीमिश्या आल्या.मी नवतरुण होतो.दाढी कोरणे ,मिश्या वाढवने असले प्रकार कॉलेजमध्ये करायचो.त्यावेळेस आमच्याकडे यझदी गाडी होती ,ती गावातून सुसाट पळवणे हा माझा छंद होता.
काही दिवसांपुर्वी मी आरश्यात बघत असताना लक्षात आले की आपले केस पांढरे व्हायला लागले आहेत.पुर्वीची दाढीची काळीभोर खुंट आता बरीच पांढरी पडायला लागली आहेत.तरी मी दाढी वाढवली.यथावकाश आजुबाजुचे माझे तरुण मित्र मला " ओ काका " अशी हाक मारुन चिडवायला लागले.ज्या षोडशा मला दादा म्हणायच्या त्या काका म्हंणायला लागल्या तेव्हा माझी झिंग उतरली.विचार करु लागलो ,आता आपण नवतरुण राहीलेलो नाही.आपण ३० नुकतेच पार केले आहे.त्यादिवशी नेहमीप्रमाणे मैदानावर चालायला गेलो.एक रनिंग करणारा मित्र भेटला ,त्याच्या बरोबर थोडे रनिंग करुन बघुयात म्हणून पळायला सुरवात केली.अवघ्या काही सेकंदात धाप लागायला लागली.हातानेच त्याला पुढे जायला सांगितले व तिथेच थांबलो.घरी येताना बाईक चालवत येत होतो,आजुबाजुने नवतरुणांच्या बाइक्स सुसाट जात होत्या ,मी बराच संथ चाल्वत होतो,दहा वर्षापुर्वीचा यझदीवरचा वेग मला आता भीती दाखवत होता.मला आठवायला लागले ते कॉलेजमधले दिवस ,१८,१९ वर्षांचा असताना अंगात असलेली रग,बेदरकारपणा कुठल्याकुठे उडून गेला होता.राहीले होते फक्त ७० किलोचे संथावलेले शरीर.वयाने त्याचे परिणाम दाखवायला सुरवात केली आहे.
अजुन मिडलाईफ यायला खुप वेळ आहे.पण त्याची आतापासुनच भीती वाटायला लागली आहे.साठीतले रोग आजकाल चाळीशीत आले आहेत.न जाणो आपल्यालाही चाळीशीतच डायबेटिस ,हार्ट् ब्लॉकेज असे काही जडले तर?
मग या वाढत्या वयाविषयी इतरांना काय वाटते ते विचारुन बघितले.सगळ्यांनी माझाच विचार परत माझ्यापाशी बोलुन दाखवला.मित्र ही तेच बोलत होते.साला आजकाल पुर्वीसारखा जल्लोष वाटत नाही कशात.
या वाढत्या वयाचा शाररीक ,आर्थिक , लैंगिक ,भावनिक सर्व् पातळ्यांवर परिणाम होतो.हळवेपणा वाढतो,होपलेसनेसही वाढत जातो.एखाद्या फटाका मुलीने दिलेले किलर लुक तितकीशी शिरशीरी आणत नाहीत ,जेव्हढि कॉलेजमध्ये यायची.शेतीच्या कामात मी नियमीत लक्ष घालत असल्याने तिथे अजुन वयाचा परिणाम तितपत जाणवत नाही.असो ,मी माझेच पुराण सांगत बसत नाही.तुम्हाला ,स्त्री पुरुष दोघांना माझे काही प्रश्न.
१. तुम्हाला तुमच्या वाढलेल्या/वाढत असलेल्या वयाचा त्रास होतो का?
२.वाढत्या वयाचे काय शाररीक ,मानसिक,आर्थिक परिणाम होत आहेत.? पॉझिटिव्ह की निगेटिव्ह.
३. वयाबरोबर सौंदर्य लोप पावत असे म्हणतात ,अदर सेक्सला तुम्ही कमी अपील होत जात आहात का? यावर उपाय काय ?
४.आपल्याला सुयोग्य आहाराने वय लपवता येते,आपण तरुण दिसतो हे कितपत खरे आहे?
५.ग्रेसफुल एजिंग हा काय प्रकार आहे ते मला समजले नाही,कुणी सोप्या शब्दात सांगितले तर आभारी राहीन.
धन्यवाद.

विषय: 
आरोग्य
Groups audience: 
आरोग्यम् धनसंपदा
Group content visibility: 
Public - accessible to all site users
शेअर करा

ग्रेसफुल एजिंग हा काय प्रकार आहे ते मला समजले नाही,कुणी सोप्या शब्दात सांगितले तर आभारी राहीन.
धन्यवाद.
>>>>>
अमिताभ बच्चन आणि शाहरूख खान या दोन सुपर्रस्टारना फॉलो करा किंवा आपल्या मातीतील उदाहरण हवे असेल तर मायबोलीवूडचा सुपर्रस्टार स्वप्निल जोशीकडे बघा. हल्ली तो मराठी कोण होणार करोडपतीमध्ये दिसतो. यापलीकडे जायची गरज नाही. ग्रेसफुल एजिंगचा सिलॅबस ईथे कवर होतो Happy

Submitted by ऋन्मेऽऽष on 14 December, 2016 - 11:16

>>५.ग्रेसफुल एजिंग हा काय प्रकार आहे ते मला समजले नाही,कुणी सोप्या शब्दात सांगितले तर आभारी राहीन.<<

निसर्गाचं चक्र उलटं फिरवण्याचा केविलवाणा प्रयत्न न करता, वय वाढल्यावर जगाला आपण कसं दिसु याचा विचार न करता, शरीर/मन या दोन्हिंना आवश्यक आणि पोषक अशी जीवनशैली आत्मसात करुन जगणं याला मी तरी बाबा ग्रेसफुल एजींग म्हणतो. यात तुमचा समाजातला वावर (रियल आणि वर्चुअल दोन्हि) आणि त्यातुन एक्स्पोज होणारी मचुरीटि हि धरली जावी. Wink

ऊदा. द्यायचं झालं तर वहिदा रेहमान, शर्मिला टागोर आणि लताबाई.

Submitted by राज on 14 December, 2016 - 13:04

ऋ, सगळी उदाहरणं पुरूषांचीच का रे? राजनी बघ कशी दुसर्‍या बाजूची उदाहरणे दिलीत. हा भारतीयांतल्या सेक्सिझमचा परिणाम असेल का? ह्यावर धागा काढायला हरकत नाही. Wink

Submitted by भास्कराचार्य on 14 December, 2016 - 13:12

भास्कराचार्य, राजनेही सर्व उदाहरणे स्त्री जातीचीच दिली तर व्हाई शूड गर्ल्स हॅव ऑल द फन असे मी का म्हणू नये?
मला वाटते ज्याला जी उदाहरणे पटकन सुचली त्याने ती दिली.
मलाही सईचे उदाहरण द्यायला आवडले असते पण मूळात तिचे वय तर व्हायला पाहिजे.

गंमत बघा
पण आतापर्यण्त आलेली उदाहरणे चित्रपटसृष्टीतीलच आहेत...

असे का?

Submitted by ऋन्मेऽऽष on 14 December, 2016 - 13:24

30 ch zaley na 50 tar nahi.... carry ur age gracefully..... radupana karaicha band Kara.....30 nantarach life chalu hote...

Mhanje 18 te 28 madhe vel asto , stamina asto pan paisa nasto. To kamvnyat apan busy asto....30 madhe financially settle zalele asto.. looks , clothes , traveling var kharch karu shakat asto..... 30 ulatli, pori kaka boltat mhanun ajobansarkhe dhotarahi vaprayla suru karnar ata???? Come on... ugich gale kasle kadhtay mhatare zaloy mhanat

Submitted by अनिश्का. on 14 December, 2016 - 13:26

पुरुषांना तरुण फक्त स्त्रियांना आकर्षित करायलाच दिसायचे असते..... का ?

Submitted by ऋन्मेऽऽष on 14 December, 2016 - 13:33

Aasumal no way....tasa tar synthetic yanchya line madhe KRK la ubha karava ka??

Submitted by अनिश्का. on 14 December, 2016 - 13:36

Aasumal no way....tasa tar synthetic yanchya line madhe KRK la ubha karava ka??

Submitted by अनिश्का. on 14 December, 2016 - 13:36

ग्रेसफुल एजिंग व्हावं तर नरेंद्र मोदी यांच्या सारखं
काय जोश, काय तडफ
त्याच्या निम्म्या वयाच्या राहुल गांधी, केजरीवाल आणि उद्धव ठाकरे यांच्या कडे बघून वाटते की या लोकांना आत्ताच म्हातारपण आलंय. कसले केविलवाणे दिसतात.
मोदी आजही 20-22 तास काम करतात दिवसाला, याच्या शतांशने देखील या वयात बाकीचे करू शकणार नाहीत

Submitted by आशुचँप on 14 December, 2016 - 13:45

ग्रेसफुल एजिंग व्हावं तर नरेंद्र मोदी यांच्या सारखं
काय जोश, काय तडफ
>><<
+786

आणि आपले पवारसाहेब. मी तरी जेव्हा केव्हापासून त्यांना बघतोय एकाच वयाचे, एकाच एनर्जीचे, एकाच ध्यासाने पछाडलेले एकच एक दिसत आलेत. वय थांबलेय त्यांच्यासाठी !

Submitted by ऋन्मेऽऽष on 14 December, 2016 - 13:55

गिल्ट का यावा बरे?
अर्थात काळजी वाटते कधीकधी आणि मग त्या काळजी वाटण्यातुन काळजी घेतली पण जाते कधीकधी जसे की मधूनच डाएटचे खूळ घुसते डोक्यात किंवा मग ऐन थंडीचे पहाटे वॉकला जावे वाटते पण मग जरा वजन आवाक्यात आले की ये रे माझ्या मागल्या Wink

बाकी तो स्वप्नील खरच ग्रेसफुल दिसतो त्या करोडपतीमध्ये.... True Gentleman

बाकी मोदींच्या ग्रेसफुल असण्याबद्दल पण sahamat

Submitted by मानसी वैद्य on 14 December, 2016 - 14:23

अगदीच राहवत नाही म्हणून लिहितोय,
ग्रेसफुल ऍजिंग म्हणजे काय बघायचे असेल तर कर्वे नगर च्या चितलेच्या दुकानात जाऊन बसावे,
विविध वयोगटातील बायका तिकडे येतात,
त्यातल्या काही आज्या अगदी लक्षात राहतात,
कॉटन ची मस्त इस्त्री असलेली साडी, मॅचिंग ब्लाऊस, गळ्यात नाजूशी चेन, किंवा छोटेसे पेंडेन्ट, केसांचा (पूर्ण पांढरे आणि विरळ असले तरी)बॉब कट किंवा एक पिन लावून मागे बांधलेले
आणि वागण्यात एक प्रकारची अदब,
एक्दम कोथरुडच्या गायत्री देवी Happy

Submitted by सिम्बा on 14 December, 2016 - 21:08

आणि BTW शाहरुख /सलमान हे ग्रेसफुल ऍजिंग चे उदाहरण बिलकुल नाही,
रादर ऍजिंग कसे नसावे याचे उदाहरण आहे,
अमिताभ त्याच वाटेने चाललेला लाल बादशाह वगैरे मध्ये, तो वेळीच सावरला.

Submitted by सिम्बा on 14 December, 2016 - 21:10

चांगला विषय Happy बरेच लिहिण्यासारखे "अनुभवाचे" बोल आहेत.
पण तत्पूर्वी मला फेसबुकवर शोधा..... Proud अन लेटेस्ट फोटो टाकलाय तो बघा

Submitted by limbutimbu on 14 December, 2016 - 22:27

सिम्बा, मी फक्त शाहरूख लिहिले. सलमान कश्याला मध्ये आणत आहात. त्याचे नाव कोणी घेतले ईथे.

@ आसूमल का नाही चालणार? कॅरेक्टरने ढिला आहे पण ते वेगळे झाले ना..

@ शाहरूख तुम्ही फक्त त्याचे चित्रपट बघत आहात. त्याची रील लाईफ. पण त्याची रिअल लाईफही बघा. त्याचे ईंटरव्यू फॉलो करा. वयानुसार आलेली आणि अपेक्षित असलेली मॅच्युरटीला धक्का न लावता तो कसा सळसळत्या उत्साहाचे प्रतीक आहे हे बघा

Submitted by ऋन्मेऽऽष on 14 December, 2016 - 22:54

तुम्हाला तुमच्या वाढलेल्या / वाढत्या वयाचा गिल्ट येतो का??? >>>> नाही !
प्रश्न असा हवा होता -- तुम्हाला तुमच्या वाढलेल्या / वाढत्या पोटाचा गिल्ट येतो का??? Wink

Submitted by स्वस्ति on 15 December, 2016 - 00:38

वाढ्त्या वयाने कदाचित निरुत्साही वाटणं किंवा क्वचित्/नेहमी तब्येतीची काळजी वाटणं समजु शकतं, पण गिल्टी का वाटावं? काहीही हां.

बायका वय लपवतात म्हणे, मला तशी गरज वाटत नाही. माझं वय ऐकल्यावर किंवा बरोबरचा मुलगा माझाच आहे ऐकल्यावर लोकांचे डोळे विस्फारतात आणि 'वॉव' लुक्स येतात ते मला जाम थ्रिलिंग वाटतात. मी लगेच वय राउंड ऑफ करुन एखादं वर्ष अ‍ॅडच करते. गिल्टी कशाला मला चांगलं प्राउड वाटतं. Proud उलट मी नेहमी म्हणते कि बायकांनी लवकर लवकर प्रऊढ ( हा शब्द बरोबर लिहिताच येत नाहीए) दिसावं. कुठेही हिंडाफिरायला किती मोठी मोकळीक असते. तुम्ही कशा दिसता, फिगर कशी आहे, काय घातलं आहे याचा अ‍ॅनॅलिसिस कमी होतो. तुम्ही एकट्याच फिरलात तरी नजरा पाठलाग करत नाहीत, कमीत कमी टोचत तरी नाहीत. काकु संबोधनाने जरा जास्तच सेफ आणि कॉन्फिडंट वाटायला लागतं ( मला तरी वाटेल.) ज्यांच्याबद्दल कॉन्शस व्हावं अशा पुरुषांच्या वयाची रेंज कमी होते Lol ( अर्थात तरुण मुलांना पटापटा प्रेमात पडायला काकवा वयाच्या बायका पण चालतात ही गोष्ट वेगळी, पण तरी त्यातल्या त्यात.) थोडीशी फिगर ४-६ पोउण्डाने इथे-तिथे झाली तरी लगेच मेनो, डिलिवरी इ कारणं देवुन समोरच्याची बोलती बंद करणं शक्य असतं. Wink किती आणि काय काय अ‍ॅड्वान्टेजेस आहेत वाढत्या वयाचे........ गिल्टी का वाटावं? मी तर वाट बघते आहे लवकर लवकर अशा वयाच्या स्टेजला पोचण्याची. सिम्बाने लिहिलं तसं 'ग्रेसफुल गायत्रीदेवी' होण्याची घाईच आहे मला. म्हणजे मी (मनाने) मुक्त आणि (कदाचित) जास्त सुरक्षित जगु शकेन.

Submitted by मीरा.. on 15 December, 2016 - 01:16

धाग्याचे शीर्षक गंडलेले आहे का? वय वाढणारच की? त्यात कसली अपराधी भावना? 'लाज वाटते का' किंवा 'दु:ख होते का' असे म्हणायचे आहे का?

Submitted by बेफ़िकीर on 15 December, 2016 - 01:35

बेफी शिर्षकाचं काय घेऊन बसलात, त्यांनी ऋन्म्याला गुरू केलाय मग धागे तर विणणारचं की , शिर्षक काही असो.

Submitted by श्री on 15 December, 2016 - 02:29

>>> हल्ली लोक + ७८६ का लिहीतात? <<<<
७+८+६ = २१ हा गणपतीचा आवडता आकडा Proud म्हणून सातसोछह्यासी लिहितात... Lol

Submitted by limbutimbu on 15 December, 2016 - 03:53

वय वाढल्याचा गिल्ट कशाबद्दल? थोडी चिंता वाटते हे नक्की. आयुष्यात काहीही टिकून रहात नाही हे खरं, सतत गोष्टी बदलत असतात. आजकाल कुटुंब व्यवस्था बदलली आहे. पूर्वी एकत्र कुटुंबात बरेच लोक हाताशी असत. आता कुटुंबात फक्त दोन तीन किंवा फारतर चार लोक असतात. एखादा आजारी पडला तर दुसर्याला सोबत राहावं लागतं. त्यातून मनाचं स्थैर्य सांभाळायच. मुलं लहान असतील तर त्यांच, स्वत:चा व्यवसाय/नोकरी... इ.
वाढतं वय काय घेऊन येईल सांगता येत नाही. मूड चेन्जेस, आर्थिक अस्थिरता, भविष्याची चिंता, मुलाच्या भविष्याची चिंता आणि अनेक गोष्टी.
आजार, वाढते वैद्यकीय खर्च. शेवटी पैसा.... तोच बहुधा आजकाल आराम देतो, मानसिक सुख देतो.
खूप पैसे असले की कुटुंबीय पुढे मागे करतात, मुले विचारतात, वैद्यकीय खर्चाची तरतूद असल्याने त्याची चिंता वाटत नाही. श्रीमंत असा वय वाढलेला पुरूष कमी वयाच्या ललनेशी लग्न करू शकतो. हेच सर्व स्त्रियांना ही लागू पडतेच.

त्यामुळे वय वाढलं तरी चिंता नको, पैसे वाढवा. मग वाढलेल्या वयाची चिंता वाटणार नाही, किंवा गिल्ट पण येणार नाही.

Submitted by दक्षिणा on 15 December, 2016 - 09:05

Pages