बासुंदी फोटोसह

यम ! यम ! यम्मी! स्लर्प! धन्यवाद निल्सन!

मस्तं रेसिपी. पण फोटोशिवाय मजा नाही. आमच्याकडे आम्ही दूध उकळवायचं काम मंडळींकडे सोपवलेलं असतंय.

मस्त. आणि असे काही लिहिलेय कि वाटावे आताच करायला घ्यावी.
. इव्हॅपोरेटेड मिल्कचा टीन मिळाला तर हे काम आणखी सोप्पे होते. हे आटवलेले दूधच असते.

मी बासूंदी खात (पित) नाही , तरी पण एक प्रश्न विचारावासा वाटला - गुलाबी रंग कशामुळे येतो ??

मस्त पाकृ. मला ही घरीच केलेली बासुंदी आवडते. मी रोज पोळ्यांची कणीक पितळी परातीत भिजवते त्यामुळे ती परात अगदी सोन्यासारखी चकचकीत आहे. मी बासुंदी त्या परातीत आटवते. गॅस मोठा ठेवते. आणि इतर स्वयंपाक करता करता ती ढवळत ही रहाते . गोकूळच्या होल दुधाची करते मी.. वेलची जायफ ळ केशर घालते स्वादासाठी आणि वरुन अर्धवट खरंगटलेल्या चारोळ्या . अहाहा!!! गारेगार खायला मजा येते.

स्वस्ति, बासुंदी आटताना दुधातील लॅक्टोज साखरेचे कॅरमलायझेशन होत असते त्यामुळे तिला गुलाबी रंग येतो. गॅस मोठा ठेऊन हे काम केले तर जास्त येतो गुलाबी रंग पण ढवळत ही रहावे लागते कारण नाहीतर खालुन लागते.

ममो, परातीचा फायदा काय ? लवकर आटते का? मला सांडायचीच भिती वाटेल

पारंपारीक रेसिपी मस्त ..

मनीमोहोर, परात चांगली जाड बुडाची आहे का?

स्वस्ति, मला असं वाटतंय की दुधात जी नैसर्गिक साखर असते ती कॅरॅमलाइज व्हायला लागते अगदी मंद म्हणून तो मोहक गुलाबी रंग येतो? मोठ्या आचेवर बासुंदी आटवली तर caramelization फास्ट होऊन ब्राऊन रंग येतो ..

मै, परातीमुळे आटणे प्रॉसेस फास्ट होत असणार ..

फोटो ?

बासुंदी, रसमलाई असले प्रकार बघायला आवडतात, देखणे असतात. पण गोड खाणारा नसल्याने एक दोन चमच्यातच आऊट होतो ..

परातीचा फायदा काय ? लवकर आटते का? > > हो, थोडी आटली की पातेल्यात काढायची मग दुसरा घाणा.

शंकानिरसनासाठी धऩ्स

मै, पसरट पॅनमध्ये दूध उकळत ठेवलं तर पटापट आटते. रेसिपी छान पण बासुंदीतल्या सायीमुळे मला आवडत नाही. घशाला गाळणं बसवल्यास आवडू लागेल.

हो परात चांगली जाडजूड आहे, मिडीअम साईज आहे जूनी आहे पण रोजच्या वापरातील असल्याने चकचकीत आहे अगदी सोन्यासारखी.

पसरट भांड्यात दूध जलद आटते. आणि सुंदर गुलाबी रंग येतो बासुंदीला . रुचिरा मध्ये सुदधा बासुंदी परातीत करा असेच लिहीले आहे. पण स्टीलच्या परातीत केली तर लागू शकेल खालुन एखाद वेळेस.

बासुंदी फक्त करायलाच आवडते. प्यायला त्यामध्ये असलेल्या सायीमुळे फारशी आवडत नाही.

काय काय आठवणी आहेत याबरोबर!
घरच्या लग्नकार्यात शक्यतो हा आटवाआटवीचा कार्यक्रम एकदा तरी होतोच.

मोठ्ठी कढई स्वच्छ धुवून त्याच्या बेस ला चिकण माती भिजवून लेप देऊन ती तयार करायची. ती जर अगदीच कोरडी झालेली असेल तर थोडे पाणी घालून मग त्यात दूध ओतायचं आणि आचार्‍याच्या मोठ्या शेगडीवर ती कढई ठेवून आटवायला सुरूवात करायची. बरोबर घरातला गोतावळा जिवलग आणि मनसोक्त गप्पा. पार रात्री बारा साडेबारा वाजून जाईपरेंत. मग ती बासुंदी प्यायची गरमागरम! भारी कार्यक्रम असतो हा.

त्यात मग जर ती कोजागिरीची रात्र असेल तर खायची पण चंगळच. पातळ पोह्यांचा कच्चा चिवडा, भुईमुगाच्या शेंगा भाजून/उकडून बरोबर मीठ, भाजलेली मिरची, गूळ; कधी भेळ असलं काहीतरी खायला आणि त्यात आळीपाळीनी दूध फिरवायच्या पाळ्या. रात्री दुधात चंद्राचं बिंब दिसलं की ते दूध प्यायला घ्यायचं. कोजागिरीचं दूध म्हणतात खरं पण ती ऑलमोस्ट बासुंदी अस्तेच

ममो, बरोबर आहे. माझी आई पितळी परातीत दूध आटवून खवा आणि त्याचे पेढे करते.. कुठल्याही बाजारू पेढ्यांपेक्षा सुंदर चव येते..
मला बासुंदीपेक्षा अगदी तयार होत आलेला सेमी लिक्विड खवा खायला आवडतो

मस्त रेसिपी. वेळखाऊ प्रकरण आहे, त्यामुळे फारशी केली जात नाही. पण आवडते मात्र खूप.

सायो, साय गायब करण्यासाठी तयार बासुंदी चारोळ्या, काजू बदाम वगैरे नट्स घालायच्या आधी ब्लेंडरमधून फिरवून काढायची. छान स्मूथ होते.

मस्त पाकृ निल्सन. बासुंदी हा जबरी प्रकार आहे. पाडव्याला तर हमखास केली जाते.
दुधावर काय, गालावर काय किंवा एकंदरीत आयुष्यातही गुलाबी रंग येण्यासाठी धीर धरावाच लागतो. त्यानंतर जी काय बहार येते ती येतेच!

एकदम डीप विचार आहे ..

आहाहा मस्तच. मला अशीच आवडते बासुंदी. फक्त मला चारोळ्या नाही आवडत फारशा.

मी पण बासुंदी ब्लेंडरमध्ये घालून मग पिते.

आशुडी, क्या बात है!

मला भरपूर साय असलेली अडथळ्याची घट्ट बासुंदी भयंकर आवडते!!

हे काय भलतंच ? बुक बाईंडरच्या चुकीमुळे मालती कारवारकरांच्या पुस्तकात मध्येच काकोडकरांच्या कादंब्रीचे पान चिकटल्यासारखे वाटतेय.

>> अडथळ्यांची

बस्के

मला पुर्वी न फेटलेलं श्रीखंड आवडायचं ज्याला मी गुठळ्या असलेलं श्रीखंड म्हणायचे ..

मला बासुंदी कशी ही आवडते .. पण निगुतीने मेहेनत घेऊन केली तर खरंतर आटताना सायच जमायला नको ना दुधावर?

मला भरपूर साय असलेली अडथळ्याची घट्ट बासुंदी भयंकर आवडते!!ंंं << मलापण. बासुंदी खाल्ल्यानंतर पंधरा मिनिटांत जर डोळे आपोआप मिटायला लागले नाहीत तर बासुंदी फेल.

>>>बासुंदी खाल्ल्यानंतर पंधरा मिनिटांत जर डोळे आपोआप मिटायला लागले नाहीत तर बासुंदी फेल. फिदीफिदी
एका कडे हेव्ही व्हिपींग क्रीम मध्ये कंडेस्न्ड मिल्क बरोबर फळे टाकलेले फ्रूट सॅलड खालया वर ५ मिनीटात डोळे गपागप मिटायला लागले.

रेसिपी छान पण बासुंदीतल्या सायीमुळे मला आवडत नाही. घशाला गाळणं बसवल्यास आवडू लागेल >> +१
फारच आग्रह झाला तर मी नि मामा दोघेही बासुंदी गाळुन घेतो मग पितो

आशुडी..

ट्रेनमध्ये बसून हा बाफ वाचून अगदीच दुधाची तहान भागवायची म्हणून मी ऑफिसला येताना मसाला दूध पिऊन आले.
मलाही बासुंदी जबराट आवडते. आमचे बाबा भयंकर हौशीने हे काम करतात. हे एकच पक्वान्न असं आहे की ज्यात कमीत कमी कष्ट आहेत, त्यामुळे गणपतीत गौरी जेवणाच्या दिवशी आई मोस्टली बासुंदीच करते. मला थंडगार बासुंदीच आवडते. गरम बासुंदी अजिबात आवडत नाही. ती टू मच गोड लागते. आमच्याकडे बासुंदीसाठी साखरेचं प्रमाण एका लिटरला पाऊण वाटी साखर असं ठरलेलं आहे. थंडगार झाल्यावर त्यातली गोडी जऽरा कमी होते.

मालती कारवारकरांच्या पुस्तकात मध्येच काकोडकरांच्या कादंब्रीचे पान >>

माझीहि बासुन्दी सुन्दर होते, आम्हि बासुन्दी करताना दुध करपु नये म्हणुन आटवताना कढइ मध्ये बशी /डीश थेवतो.बशी /डीश बुडाशी गेल्याने दुध करपत नाही.
बासुन्दीची एक वाइट आठवण आहे, एकदा दुध उरले म्हणुन बासुन्दी केली आणी खाताना फोन आला की माझ्या बाबाना ब्रैन हेमरेज झाले आहे, तब्येत सिरियस आहे. सगळी बासुन्दी मग शेजारी दीली. त्यानन्तर आज तागायत बासुन्दी केली नाही.

बासुंदी आवडतेच आवडते
सगळ्यांना . काहीना खायला आवडते तर काहीना प्यायला आवडते एवढाच फरक .

अगदी 'आई खूप दिवसात बासुंदी नाही खाल्ली कर ना 'अशी फर्माईश कधीही येवू शकते इतकी आवडते .
बासुंदी बरोबर पुरी must.
आणि बटाटा उकडून भाजी .

blender वरून बघावा ह्या वेळी.
पण भरपूर साय असलेली अडथळ्याची घट्ट बासुंदी आवडणारी लोक असल्यामुळे कधी विचार केला नव्हता