Submitted by संतोष वाटपाडे on 15 February, 2016 - 23:54
शर्यत जेव्हा लावू आपण
जाणुन मागे राहू आपण...
जातपात वेगळी असू दे
पण मातीने भाऊ आपण..
घर गळते तर गळु दे थोडे
श्रावण समजू नाहू आपण..
वह्या पुस्तके वापरतो मग
चला वृक्षही लावू आपण !!
प्रेम खरे त्यागातच असते
उगाच करतो बाऊ आपण..
नको न्याय बोक्याचा मित्रा
ये लोणी मटकाऊ आपण..
मेसेंजर अन मित्र बदलले
गेलो विसरुन याहू आपण..
भूक दुःख शेवटचे नाही
ना खचता हाताळू आपण..
-- संतोष
विषय:
शब्दखुणा:
Groups audience:
Group content visibility:
Public - accessible to all site users
शेअर करा
मस्त.....
मस्त.....