ब्रिगादेरॉ डेलिसीओसो

Submitted by निसर्गा on 25 January, 2016 - 07:41

ब्रिगादेरॉ (brigadeiro)- एक ब्राझिलीयन डेझर्ट

मी हे एका इंटरनॅशनल पार्टी मध्ये खाल्लं होतं. आवडलं म्हणून मैत्रिणी कडून लगेच पाकृ मागून घेतली. ही एक पारंपारीक ब्राझिलीयन डिश आहे.

10898121_911673425523965_2242744974657316843_n.jpgलागणारा वेळ:
७-८ तास

लागणारे जिन्नस:

१ कॅन कन्डेन्सड मिल्क
१ कप Sour cream
३ अंडी
१ कप कोको पावडर
१/२ कप साखर (आवडीनुसार)
१००ग्रॅम मार्गारीन/ बटर
कलरफुल किंवा चॉकलेट स्प्रिंकल्स

इतर साहित्यः
केकचे भांडे किंवा microwave compatible भांडे

क्रमवार पाककृती:
- सर्व जिन्नस एकत्र करुन ब्लेंडरमध्ये मिक्स करुन घ्यावेत

- भांड्याला आतून बटर/ मार्गारीन लावा.

-१०-१२ मिनीटे मायक्रोवेव मधे medium power वर ठेवा.

- थोडे थंड झाल्यावर त्यावर स्प्रिंकल्स पसरुन, फ्रीजमध्ये ७-८ तास ठेवा.

- केक सारखे तुकडे करुन सर्व करा.

वाढणी/ प्रमाण
साधारण ७-८ माणसांना

अधिक टिपा:
- असेही करु शकतो-मिश्रण थंड झाल्यावर ६-७ तास फ्रीजमध्ये ठेवा आणि त्याचे हवे त्या आकाराचे बॉल्स बनवून स्प्रिंकल्स मध्ये घोळवुन सर्व करावेत. लहान मुलांच्या पार्टी साठी छान.
- स्प्रिंकल्स म्हणून सुके खोबरेही वापरु शकता.
- इथे गोड Sour cream मिळते ते मी वापरले आणि साखर कमी घातली.

माहितीचा स्रोत:
ब्राझिलीयन मैत्रिण Happy

10906018_911673475523960_397868672995398087_n.jpg

विषय: 
पाककला
शब्दखुणा: 
आहारशास्त्र आणि पाककृती
Groups audience: 
पाककृती आणि आहारशास्त्र
Group content visibility: 
Public - accessible to all site users
शेअर करा

टेंप्टिंग दिस्तंय.. स्वीट सावर क्रीम.. वॉव..
सेट झाल्यावर टेक्शचर जेली/ पुडिंग सार्खं आहे का?? कि केक सारखं??

Submitted by वर्षू. on 25 January, 2016 - 07:46

वर्षू नील...थोडं फार केक सारखं...पण फुगत नाही... एकदा खाल्ल्यावर खातच रहावं असं वाटतं...

Submitted by निसर्गा on 25 January, 2016 - 08:17

देव तुम्हाला दररोज किमान ४० मिनिटं ब्रिस्क वॉक करायची, अन किमान १ तास जिम करायची शिक्षा देवो.
नुसता फोटो पाहिल्याबद्दल मला माझ्या उद्याच्या सायकलिंगमधे १० मिंटं वाढवावी लागणारेत आता. 12.gif

Submitted by दीड मायबोलीकर on 25 January, 2016 - 11:16

sour cream ऐवजी चक्का वापरता येईल का?
किंवा दुसरा कुठला ऑप्शन?

इथे मला सॉर क्रीम मिळणे कठिण!

Submitted by साती on 26 January, 2016 - 00:51

धन्स सर्वांना...

देव तुम्हाला दररोज किमान ४० मिनिटं ब्रिस्क वॉक करायची, अन किमान १ तास जिम करायची शिक्षा देवो.>>
आणि डायटची पार लावणार>>
Sad डाएटची वाट लागते पण"chocolate के लिये कुछ भी करेगा " Wink

वर्षू नील मी फोटो टाकला तरी त्याचा उपयोग नाही होणार ... इस्रायली ब्रँड आहे आणि हिब्र्यु मधे नाव आहे Sad

Submitted by निसर्गा on 26 January, 2016 - 02:51

साती....sour cream ला ऑप्शन नाही माहित मला पण मी मैत्रिणीला विचारुन सांगते...

Submitted by निसर्गा on 26 January, 2016 - 02:52

सावर क्रीम वापरायचं आहे, ते मिळतं आणि सावर पण असतं. Proud
ते गोड आहे हे कळण्यासाठी, ते गळ्यात मारून उघडून चव बघण्याशिवाय, काही युक्ती आहे का? का रेग्युलर आणून साखर लोटायची?
आता प्रश्न, कंडेन्स मिल्कचा कॅन किती मिलीचा आहे? घरी ८ ओझचा आहे, त्या प्रमाणात कपचं माप बदलायला त्रैराशिक मांडता येईल. बरं, एक कप म्हणजे २५० मिली वाला कपच ना?

Submitted by अमितव on 26 January, 2016 - 14:55

ते गोड आहे हे कळण्यासाठी, ते गळ्यात मारून उघडून चव बघण्याशिवाय, काही युक्ती आहे का?

तुम्हि खरच विचारताय? इन्ग्रॅडिअन्ट्स वाचुन कळेल ना.

फोटो सुरेख आलाय. चवही मस्तच असणार. पण कॅलरीज चा विचार करता फोटोवरच समाधान मानाव हे बर.

Submitted by पर्णीका on 28 January, 2016 - 03:04

अमितव...१ कप= २५०मिली ...बरोबर
१ कॅन = १ १/२ कप कन्डेन्सड मिल्क (इथे मी एवढ वापरलयं)...

Submitted by निसर्गा on 28 January, 2016 - 03:20

Pages