ओट्सचे आप्पे

हे फुगणार नाहीत का?
फर्मेंटेशन नाही करायचे का? ओटस खायला हा आणि डोश्यांचा उपाय चांगला आहे. बाकी खीरी/उपमे बनवून पण त्यांचा पुठ्ठापणा झेपत नाही.

ओहो खालची टिप आता वाचली. करुन बघेन.

मस्तच लिखाण आणि फोटोही.

हे आप्पे बहिण करते मग आयते मिळतात खायला ;). माझ्याकडे आप्पेपात्र नाहीये.

छान.

अरे वा! हे नक्की करून बघेन.
भिजवून १० मिनिटांत करायचे पदार्थ माझे फेव्ह.! कारण आधीपासून प्लॅनिंग वगैरे फार झेपत नाही मला.

अरे वा!!! सोप्पे आहेत की. जास्त खटपट नसल्याने सकाळी गडबडीत करायला छान वाटत आहेत. फोटोपण मस्त

अरे! भरपूर ओटस पडलेत घरात. साबान्साठी आणले होते. अप्पे आवडते आणी नो भिजविन्ग कटाकटी, सो करुन बघणारच.

वॉव! मस्त दिसत आहेत ओट्सचे आप्पे. करून बघणार नक्की.
खाताना चिकट नाही ना लागत? मला फक्त धिरडी आणि दुधात शिजवून खायला आवडलेत ओट्स. उपमा नाही आवडला

ती चटणी कशी केली? पुदिन्याची आहे का? इतका मस्त हिरवागार रंग कसा काय आलाय?

वा एकदम छान झालेले आहेत आप्पे थोडे बटाटे वड्यासारखे दिसत आहेत पिवळ्या रंगामुळे.

अशा पाककृती देताना एकेक स्टेप करताना एकेक फोटो दिला तर लवकर वाचकांना जास्त फायदा होतो.

मस्त दिसत आहेत

करुन पाहीन नक्की भाच्यांसाठी तरी एकदा करुन पाहीन. त्यांना नेहमी नवीन काहीतरी हव असत. आणि खूप अ‍ॅप्रीसीऐट करतात मी काही करुन दिल की

एक विचारतो - १० मिनिटात ओट्स आणि रवा भिजतो का? रवा भाजून भिजवला तर चालतो का? एक आपला डमी प्रश्न

भाजलेला रवा असेल हाताशी तर तो भिजवा. काही बिघडणार नाही. कदाचित अजून हलके होतील आप्पे.

पूनम, तू कच्चा रवा घेतला म्हणूनच मी भाजलेला रवा चालतो का असे विचारले आहे

प्राची धन्यवाद मी भाजलेलाच रवा घेईन

सही! मस्त वाटतेय रेसिपी.
भाजलेला रवा वापरून केली तर हे गाणे जरूर गा -
(बोल ना हलके हलके च्या चालीवर )
गोल हे हलके आप्पे, हो गोल हे हलके आप्पे!
ओट्स चे हलके आप्पे ओ गोल हे हलके आप्पे!
रवा भाजून घेऊ जरा मंदशा आचेवर
...
...

ते ओट्स कुठ्ले घ्यायचे सांगा बरं

छान आहे हा प्रकार.. पण आप्पेपात्र कुठून आणू ?.. पळीत करावे लागतील

भाजलेला रवा घालून केलं तर फुलतील का?

ढोकळा मी करते तेव्हा कच्चा रवा वापरला (बेसन पिठात घालते मी थोडा रवा) तर पीठ जास्त फुलतं (फुगतं), ढोकळा जास्त हलका होतो आणि भाजलेला रवा घातला तर कमी असा स्वानुभव म्हणून वरती लिहीलं.

बी करुन बघितल्यावर तुझा अनुभव लिही. पुनम यांचे कच्चा रवा वापरुन चांगले फुगलेत आप्पे.

रवा भाजला तर पदार्थ फुगत नाही. इती साबा!

रोल्ड ओट्स आहेत की स्टील कट?

अन्जू केले तर रवा भाजून करुन पाहीन.

कृती कॉम्पिकेटेड करण्याचा उद्देश नाही पण आपण शीरा करता, उपमा-उप्पीट करताना, रव्याचे लाडू करताना रवा भाजून घेतो तर रवा इडली करताना, रवा डोसा करताना रवा आंबवून घेतो. वरच्या कृतीमधे रवा भाजला नाही की फार वेळ भिजू दिला नाही. मला ही पद्धत पारंपरिक नाही वाटली. कारण पारंपरिक पद्धतीमागे एक शास्त्र असते. कित्येक महिने मी पुर्वी उपमा करताना रवा कधी भाजून घ्यायचो नाही. पोटात तो उपमा गच्च गोळा व्हायचा. म्हणून इथे रवा भाजण्याबद्दल मत मांडले. कृती छान आहे हे पुनश्च सांगतो.

दही, ताक, सोडा ह्यातले काहीही न घालता शिजल्यावर चिकट होणार्‍या ओट्सचे आप्पे फुलतात आणि भाजलेल्या रव्यापेक्षा कच्च्या रव्याचा ढोकळा जास्त फुलतो ही माहिती रोचक आहे
त्यामुळे लवकरात लवकर करुन पाहणार आणि पूनमला कॉन्फिडन्स देणार

सही! आजच करुन बघेन

वा वा... 'भिजवण्यासाठी दही, ताक, सोडा काहीही गरजेचं नाही' यात 'सोडा' वाचुन किती आनंद झालाय काय सांगु!!!!

व्यवस्थित शास्त्रीय पद्धतीने तपासून पहा.
एका वेळी दोन मिश्रणं तयार करा. एक भाजलेल्या रव्याचं. दुसरं न भाजलेल्या रव्याचं. अप्पेपात्रातल्या अर्ध्या खळग्यांत एक मिश्रण , उरलेल्यात दुसरं. रिझल्ट काय येतो ते इथे फोटोसकट कळवा.
बाकीचे सगळे व्हेरिएबल्स : वेगळाच रवा,वेगळेच ओट्स, वेगळंच पात्र, गॅसचं वेगळंच तापमान, वेगळंच पाणी, इ. - सगळे कन्ट्रोल होतील.
फक्त एक आणि एकच व्हेरिएबल. रवा : भाजलेला, न भाजलेला.

मस्त झाले अप्पे. घरात भाजलेलाच रवा होता त्यामुळे तो वापरण्याशिवाय दुसरा पर्याय नव्हता. तरीही मस्त टम्म फुगले अप्पे.

घरात ओट्स न आवडणार्‍या मेब्रांनी यात ओट्स आहेत हे ओळखले आणि खाण्यास नकार दिला मला ओट्स आवडतात त्यामुळे अप्पेही आवडलेच.