'अशी ही अदलाबदली' - पाककृती क्र.२ : ब्रह्मघोटाळ्याचे पराठे बदलून मटर पराठे

Submitted by sonalisl on 25 September, 2015 - 21:41

मूळ घटक '१०-१५ कोवळी तोंडली' बदलून 'वाटीभर फ्रोझन मटर' घेतले आहे.

लागणारा वेळ:
४० मिनिटे

लागणारे घटक -

१) वाटीभर मटर
२) एक कांदा
३) ७-८ लसूण पाकळ्या
४) २ हिरव्या मिरच्या (ऐच्छिक)......तिखटपूड असल्यामुळे ईच्छा नव्हती
५) १०-१२ काड्या कोथिंबीर
६) डावभर तेल
७) अर्धी वाटी डाळं
८) अर्धी वाटी शेंगदाणे
९) पाव वाटी तीळ
११)१ मोठा चमचा धणेपूड
१२) १ लहान चमचा हळद
१३) १ लहान / मोठा चमचा तिखटपूड
१४) १ मोठा चमचा आमचूर पावडर किंवा चिंचेचा कोळ........मी आमचूर पावडर वापरली.
१५) २ मोठे चमचे गोडा मसाला/ किचन किंग मसाला किंवा रोजच्या भाजी-आमटीला वापरू तो कुठलाही मसाला.........रोजच्या भाजीचा मसाला वापरला.
१६) अर्धी वाटी गूळ..................चवीनुसार वापरला.
१७) दीड मोठा चमचा मीठ
१८) कणीक
१९) पराठे भाजायला तेल
२०) पाणी

कृती -

१) चिराचिरी:
- कांदा, कोथिंबीर, मिरच्या हे घटक धुऊन बारीक चिरून घ्यावे.
- लसणाच्या पाकळ्या ठेचून बारीक चिराव्या.

२) मिक्सरमध्ये बारीक करणं -
- डाळं, शेंगदाणे, तीळ हे खमंग भाजून, गार करून, ह्या सगळ्यांची मिक्सरमधून (एकत्र) बारीक भुकटी करून घ्यावी.

३) फोडणी -
-कढईत तेल गरम करून चिरलेला कांदा घालून परतने. कांदा जरा शिजला कि लसूण, हळद, धनेपूड, तिखटपूड, गरम मसाला, आमचूर पावडर, मिक्सरमधून काढलेली भुकटी, चवीप्रमाणे गूळ, मीठ घालावं आणि मंद आचेवर परतावे. खुपच कोरडे वाटले तर पाण्याचा हबका मारावा.
नंतर मायक्रोव्हेव मधे गरम केलेले किंवा पॅनमधे परतून घेतलेले मटर बत्त्याने ठेचून वरच्या मिश्रनात घालावे. ४-५ मि. नंतर गॅस बंद करावा. आता त्यात कोथिंबीर घालून एकत्र करावे.
तयार पदार्थ असा दिसेल....

४) पराठ्यांसाठी पिठाचा गोळा तयार करणं -
- कणीक मळून घेणे.

५) पराठे करणं -
- कणीकेच्या वाटीत मटाराचे सारण भरून ती बंद करावी. सुरुवातीला भाकरी करतो त्याप्रमाणे हा गोळा हातात घेऊन दाबावा व चपटा करावा म्हणजे लाटायला सोपे जाते.
-तवा व्यवस्थित गरम करून, त्यावर आधी पराठे दोन्ही बाजूंनी चांगले शेकून, त्यानंतर वरून तेल सोडून भाजावे.

हे पराठे दही/ केचप/ लोणचे याबरोबर वाढावेत.