तेचबूक ! - आईआज्जी यो

मी मराठी सिरीअली पौर्णिमा अमावस्येच्या मुहुर्तावरच बघतो. त्यामुळे फारश्या डिटेलिंगच्या अपेक्षा ठेऊ नका.
..................

आईआज्जींचे तेचबूक अकाऊंट !

(ज्यांच्यामते या दोन भिन्न बायका आहेत त्यांनी आत्ताच घरी जा आणि पोगो बघा)

तेचबूक स्टेटस
आईआज्जी यो -- कमिंग सून

श्रीरंग गो. - आईचा घो ! अजून एक सून ... होणार या घरची

घरातल्या बायका - आन दो, आन दो ..

जान्हवी गो. - आईआज्जी नको हो. नको हो. अजून नऊ महिने थांबा की हो
[डिसलाईकड् बाय - रंजलेले गांजलेले प्रेक्षक]

शशीकला - बाई बाई बाई..

जान्हवीचे बाबा - तू गप्प बस कला

कला - पण मी म्हणते, का गप्प बसू मी? आता एका बाईने बाई बाई बाई पण नाही म्हणायचे का?

बाबांचा रिप्लाय - ह्म्मम ............. मीच गप्प बसतो.
[डिसलाईक - मालिकेचे तमाम ‘पुरुष’ प्रेक्षक]

अदिती - ईश्श! आता होऊ दे दुरावा.. होणार सून मी या घरची
[लाईकड् बाय जयचे अन्ना]

जयचा रिप्लाय - ए अदिती, हे काय मध्येच. ही चिटींग आहे. आणि जर असे असेल तर मी सुद्धा येणार तुझ्याबरोबर..

अदिती - जय, वेडा आहेस का तू?

जय - अदिती, पण आपले लग्न झालेय.

अदिती - ए चूपे माकडा. तेचबूकवर बोल्लास ते ठिकाय, पण फेसबूकवर बोलू नकोस. नोकरी जाईल तुझी. माझे काय, मी चाल्ले गोखले गृहउद्योग करायला.
[लाईकड् बाय जयचे अन्ना]

जय - अन्ना तुम्ही का तिच्या पोस्ट लाईक करताय

अण्णा - तस नाही, पण म्हटलं श्रीरंग गोखले ऑपरेशन करून देतात.
[लाईकड् बाय जान्हवीचे बाबा]

जय - च्याईला ! ए अदिती, मग माझे पण बघ ना. मी सुद्धा तिथे कुठे अ‍ॅडजस्ट होतोय का?
[लाईकड् बाय सरू मावशी]

जय - हायला सरू मावशी, खर्रच !
वीरू को मिली बसंती और जय को मिली मौसी ..
आता होऊ दे खर्चा.. होणार जावई मी या घरचा

जान्हवी - हू हू हू .. काहीही हा श्री !

श्री - तेचबूकवर सुद्धा तेच तेच नको ग्ग जानू. ती जयची पोस्ट आहे, माझी नाही.
[लाईकड् बाय - लाखो करोडो वैतागलेले प्रेक्षक]

रजनी - लै लय लई.. ले लई लैयी..

जय - ए अदिती, या लैयलाला समजले सारे.

कदम काका - घाबरू नका रे पोरांनो. ती ‘लै लय लई’ तिची ऑटो पोस्ट आहे. दर तासाला पडत असते. तिला काही समजले नाही, घ्या एडीट करून पटपट.
[लाईकड् बाय - जय, अदिती अ‍ॅण्ड सरू मावशी]

-------------------------------------------------------------------------------------------------------

दुसर्‍या दिवशी ...

आईआज्जी यो - अरे बाबांनो ‘सून’ म्हणजे मराठी नाही ईंग्लिश ‘Soon’ ..
Coming Soon .. लवकरच येतोय

श्रीरंग गो. - आईआज्जीच्या गावात.. वाचलो..

१ प्रेक्षक - आम्ही पण !
[लाईकड् बाय - लाखो करोडो होरपळलेले प्रेक्षक]

गरीबांचा पिंट्या दादा - पण मग नक्की येतोय कोण?

आईआज्जी यो - अरे येऊन येऊन येणार कोण ...

श्रीरंग गो. - आणखी कोण, आणखी कोण, गणपती बाप्पा! ए नाचो, आपले बाप्पा येणार..

श्री चे काका - अरे नाही रं येड्या, ते केव्हाचेच आलेत. म्हणजे आता तू पप्पा होणार

पिंट्या दादा - म्हणजे.. म्हणजे.. मी मामा होणार.. गरीबांचा पिंट्या मामा होणार !

१ प्रेक्षक - फायनली !!!
[लाईकड् बाय - तमाम स्त्री-पुरुष आबाल-वृद्ध सुजाण-अंजान हैरान-परेशान प्रेक्षक]

परिणामी, आई आज्जींचे तेचबूक अकाऊंट चार दिवसांसाठी हॅंग !!!!!!!!!!!!!!!!

-------------------------------------------------------------------------------------------------------

पाचव्या दिवशी ....

आईआज्जी यो - अरे बाबांनो ते एवढ्यात कुठे.... फारच आशावादी दिसताहात

तर, महाराष्ट्राच्या ईकलौत्या अन उगवत्या सुपर्रस्टारचा सिनेमा येऊ घातलाय..
ढॅंग टॅ ढॅंग ..
.......... मुंबई पुणे मुंबई - द्वितीय

[लाईकड् बाय - रिशी पकूर]
[ईन्फायनाईट डिसलाईकड् बाय - तमाम माबोकर]

मायबोली आठ दिवसांसाठी हॅंग !!!!!!!!!!!!!!!!!!!!!!!!!!!!!!!!!!!