देशप्रेम?

Submitted by अभिजित चोथे on 16 August, 2015 - 02:54

मित्रानो थोडा वेळ काढून नक्की वाचा आणि पटले तर शेअर करा.

मला हक्क नाही तरी तुमच्या साठी माज्याकडे काही प्रश्न आहेत.
आज तुमचा व्होट्स अप स्टेटस काय आहे? तुमचा प्रोफाईल फोटो कोणता आहे? कदाचित काल होता तोच असेलच असे नाही आणि तोच असावा अशी माझी इच्छाही नाही. कारण त्यावरून तुमचे देशप्रेम सिद्ध होत नाही.

मग दुसरी गोष्ट.
कुठे आहे कालचा दिमाखात तुमच्या हातात भिरभिरणारा तिरंगा? कुठे आहे काल तुमच्या छातीवर विराजमान असणारा तिरंगी बँज?
आठवतंय का?
नाही आठवत ना? मग का मिरवलत काल हे सगळे?
का प्रदर्शन मांडलत आपल्या देशभक्तीचे?

सोशल साईट वर स्टेटस टाकणे, शुभेच्छांचे फोटो टाकणे, गाड्यांवर तिरंगा लाऊन उगाच हॉर्नचा मोठ मोठा आवाज करत फिरणे, पांढरे शुभ्र कपडे घालून कार्यक्रमात फिरणे, काहीतरी हेतू ठेऊन या दिवशी मोफत वस्तूंचे वाटप करणे. याला म्हणतात का देशप्रेम?
कोणाही सामन्याला असा प्रश्न केला तर त्याचे एकाच उत्तर असेल,
नाही!
मग कशाला म्हणायचे देशप्रेम?
वर्षातील प्रत्तेक दिवशी तिरंग्याचा आदर करणे याला म्हणतात देशप्रेम.
तुम्ही करतो म्हणाल मग कुठे आहे कालचा तिरंगा
काहीना आठवत असेल काहीना नसेल आठवत.
काहींनी तो घरातही ठेवला असेल पण तो नक्कीच आज सापडत नसेल कारण तो अडगळीत किंवा पेपरच्या रद्दीतच असेल.

कायम राष्ट्रगीताचा आदर करणे याला म्हणतात देशप्रेम.
काल देशप्रेम म्हणून केला असेल आदर पण टीवीवर प्रो कबड्डी वेळी राष्ट्रगीत सुरु असताना घरात राहता का उभे? कसे राहणार तिथ कोण असतंय बघायला . नाही उभा राहिले तर कोण विचारणारे आहे.

सार्वजनिक नियमांचे पालन करणे याला म्हणतात देशप्रेम.
आठवतोय का ट्रँफिक सिग्नल, आठवतेय का थुंकताना गलिच्छ करणारे एखादे स्टेशन .

भ्रष्टाचाराला प्रोत्साहन न देणे याला म्हणतात देशप्रेम.
कचरता का एकाद्या अधिकार्याला लाच देताना?

जास्त काही नाही हो आपल्या देशाला सुंदर बनवेल, आपल्या देशाचे शासन नीट चालेल अश्या सर्व गोष्टी करण्याची तयारी असणे याला म्हणतात देशप्रेम.

करतो का आपण या गोष्टी?
खरे उत्तर द्यायचे झाले तर काही चांगल्या गोष्टी आपण करतोही पण तेवढ्याने आज च्या युगात भागणार नाही.त्या काहीची जागा सर्वने घेणे गरजेचे आहे तरच आपण पुढे जाऊ कारण आज जग चंद्रावर पोहोचले आहे आणि आपण एवढी प्रगती (फ़क्त भौतिक मानसिक न्हवे ) करून अजून डोंगरावरच आहोत.
मी लिहिले आहे म्हणजे मी वेगळा आहे असे नाही मीही तुमच्यातलाच एक आहे. बदल तुमच्यात माझ्यात सर्वांच्यात गरजेचा आहे.
जय हिंद जय भारत.