फडका

पुर्वी सुगंधीत गुलमोहोराला
हल्ली वास येतोय सडका
जागोजागी नव-कवीने
सांडून ठेवलाय तडका

करावा शब्दखेळ
हा तर कवींच्या हातचा मळ
अपूरे पडता प्रतिभाबळ
नव-कवीस भरला चळ

विशाल असेलही डोह
पण प्रतिभेवाचून कोरडा ठक्क
बहुतांनी समजावले तयाला
नव-कवी मात्र मख्खं

जुन्याच शाल-जोडीतला
हा एक तुकडा धडका
वाचविण्या गुलमोहोर
फिरला टवाळाचा फडका

- कविराज "नम्र टवाळ"

उपरोक्त काव्य ऑडीओ स्वरूपात, व्हिडीओ स्वरूपात ई.ई. नाना स्वरूपात प्राप्त होण्यासाठी आरशासमोर उभे राहावे व मोठमोठ्याने वाचावे. शेजारी (वाचलेच तर) आपला फोटो वर्तमानपत्रात येईल याची तजविज फुकटात करतील.