डाळ ढेमसे/ ढेमशी

धन्यवाद टीना.

मस्त

अन्जु तुला हि रेसीपी पाहिजे होती ना..
आता कर या प्रमाणे...

टिना, सांभार म्हंजे कोथमीर (कोथिंबीर) आस ल्हिना बाई, लोकाईले कडनार नाई ना

ढेमशे शिजायला किती वेळ लागतो.?

मस्त! आज नविन पाकृंची भरमार! ढेमशी फारशी आवडत नाही. डाळ घालूनच करते पण आमची लई शिंपल असतीया..अशीकरून पाहीन फोटू?

Mast recipe.

वाह! रेसिपी चमचमीतच आहे अगदी!

सृष्टी टीनाने मला दिली विपुत रेसिपी .

मस्त आहे चमचमीत, पण टोमाटो आणि चिंच मग थोडा कणभर तरी गुळ हवाच ग टीना आमच्याकडे.

चला आता डोक्यात २-३ प्रकार आहेत आणि जरा स्वतःचे डोकं पण वापरेन. मग नवऱ्याला विचारेन कोणत्या प्रकारे करू.

टीना धन्यवाद. ह्या प्रकारे ह्यावेळी जर नाही केली तरी पुढच्या वेळी नक्की करेन.

सांभार म्हणजे कोथिंबीर हे मागे टीव्हीवर कळलं. नागपूर साईडला सांभार म्हणतात बहुतेक. कुठेतरी बाकर पण म्हणतात कोथिंबीरीला.

टिने.. मला सांबार पौडर वाटली ना
बरं झालं दिनेश ने क्लिअर केलंय खाली..
तू पण रेस्पीत करेक्शन करून टाक बरं..
रच्याकने सांभार या शब्दापुढे नेहमी केश असंच वाटत आलंय.. उसको तूने धक्का दिया हय!!

ढेमशे म्हणजे? कदाचित आमच्या इथे वेगळे नाव असेल. कृपया फोटो टाका.

कृती चांगली आहे. करून पहाण्यात येईल. ढेमस्यांचे एक नाव दिलपसंद ही आहे. गुजराती लोकं टिंडा म्हणतात अन टिंडोरा म्हणजे आपली तोंडली.

चुकुन टेंगूळ वाचल

टिंडोरा म्हणजे आपली तोंडली >>> इतका आपलेपणा वाटलाच नाही कधी तोंडल्याबद्दल

रेसीपी वाचून छान वाटते आहे. ढेमशी कधीच खाल्ली नाहीत पण आता आणून बघेन. इकडे सध्या सुकाळ आहे असल्या भाज्यांचा..ढेमशी, तोंडली, डांगर, दुधी, गिलके, दोडके हेच दिसते बाजारात

आजच आणली ढेमसे. पण हरभरा डाळ नाही घरात :-(. मुगडाळ चालेल का?

बाप्पा! लोकाईले ढेमशे माहीत नाही म्हणजे आता खुप झाली..आमच्या नाशकाइले त भेटतात ढेमशे!

टीनाबाय, केली ढेमशी आज शेवटी.

मी गोडा मसाला, थोडासा गरम मसाला, चिंचेचा कोळ, ओले खोबरे, गुळ, आले लसूण मिरची ठेचा (किंचित)
तिखट, मीठ आणि दाण्याचं कुट किंवा दाणे घरात नव्हते म्हणून मी भाजलेले चणे होते त्याचं थोडं कुट केलं तेपण असं सर्व मिक्स करून पाणी घालून पातळ केला मसाला.

ढेमशी चिरली, साले काढली (दोन जून होती, बियापण काढल्या, दोन कोवळी होती त्याच्या बिया नाही काढल्या). थोडासा कच्चा तुकडा खाऊन बघितला, चव नाही आवडली ढेमशाची, सो दोन वांगी आणि एक बटाटा पण चिरला. (ढेमशी, वांगे, बटाटा भाजी).

सर्व धुतल्यावर भरपूर तेलाची फोडणी करून ह्या सर्व भाज्या परतल्या मध्ये झाकण ठेऊन जरा खरपूस, मग त्यात सर्व वरचा मसाला टाकला आणि रस्सा भाजी केली. चांगली झाली पण मला ढेमशी चवीला फार नाही आवडली. ते सांबार करतात त्यात काकडी असते तशी चव वाटली. एकदा डाळ घालून करेन.

टीना जून होती ग. जून असल्यास साले काढावीत असं वाचलंय माबोवरच. अग तुला नाही ग काही म्हणत मी .

आता एकदा डाळ घालून करेन. अगदी कांदा-टोमाटो न घालता करून बघेन फक्त ढेमशी कोवळी बघुन आणेन.

स्नू, दोडके मिळायला लागले तुमच्याकडे? मला तरी अजून गिलकेच दिसताहेत बाजारात. ते तर दोडक्यापेक्षा लिबलिबित. (दोडके आवडतात मला)
ढेमसे अजिबात आवडत नाहीत. पण हल्ली भाज्याच मिळत नसल्याने करावे लागणार आहेत. एकदा या प्रकारे करून बघेन.

टीना, आजुबाजूला दुकानं आहेत बरीच. पण सध्या घरात तूरडाळ, मुगडाळ, हिरवे मुग मटकी वगैरे बरंच काही पडून आहे. मग परत अजून चणाडाळ आणावी का विचार करत होते याआधी एकदाच ढेमशी बनवलेली. कांदा, टोमेटो, डाळ काहीही न घालता. बरी होती चव. किंचीत आंबट...

अल्पना, इथे एक आठवडी बाजार लागतो त्यात भाजी अगदी ताजी मिळते तिथे बघितले दोडके. पण थोडे कमी काटेरी (?) वाटले. घेवून ठेवते तुझ्यासाठी ह्या शुक्रवारी.