जन्मते माझ्याबरोबर वेदना

Submitted by Prashant Pore on 30 November, 2014 - 11:49

जन्मते माझ्याबरोबर वेदना
राहते आजन्म सहचर वेदना

मी सुखांशी थाटतो संसार पण
प्रेयसी असते खरेतर वेदना

तू तिथे दगडात मी चेतन इथे
हे तुझ्या माझ्यात अंतर वेदना

एकदा तक्रार मी केली तिची
आणि मग उठली जिवावर वेदना

प्रश्न साधा; "का जगावे वाटते?"
फक्त आहे एक उत्तर; "वेदना"

चेहरा का पांढरा पडला असा?
कोरली कोणी नभावर वेदना?

वेदनेचा वंश वाढावा किती ?
नेहमी असते गरोदर वेदना

विषय: 
लेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

सुंदर

Submitted by अरविंद चौधरी on 30 November, 2014 - 22:59

रदीफ छान निभावलीत<<+1

तू तिथे दगडात मी चेतन इथे
हे तुझ्या माझ्यात अंतर वेदना

वेदनेचा वंश वाढावा किती ?
नेहमी असते गरोदर वेदना

वा व्वा !

Submitted by सुशांत खुरसाले on 2 December, 2014 - 11:21

एकदा तक्रार मी केली तिची
आणि मग उठली जिवावर वेदना

प्रश्न साधा; "का जगावे वाटते?"
फक्त आहे एक उत्तर; "वेदना"

वेदनेचा वंश वाढावा किती ?
नेहमी असते गरोदर वेदना >>>> वा! खूप सुंदर

Submitted by इस्रो on 2 December, 2014 - 22:48

छान गझल. मतला पुढीलप्रमाणे वाचून बघितला

जन्मली माझ्याबरोबर वेदना
राहिली आजन्म सहचर वेदना...

अर्थात मूळ मतला उत्तमच आहे.

Submitted by वैभव देशमुख on 3 December, 2014 - 05:57

छान ! सर्वच शेर आवडलेत

''मी सुखांशी थाटतो संसार पण
प्रेयसी असते खरेतर वेदना''

क्लास !!!

-दिलीप बिरुटे
(प्रियकर)

Submitted by प्रा.डॉ.दिलीप बिरुटे on 3 December, 2014 - 21:36