आशेचा वारा नाही , इच्छांचे वादळ नाही ..

Submitted by सुशांत खुरसाले on 23 September, 2014 - 02:24

आशेचा वारा नाही, इच्छांचे वादळ नाही
या डोहामध्ये आता कुठलीही खळबळ नाही

दिवसाच्या गर्भामधला हा प्रकाश फसवा दिसतो
अन् रात्रीच्या डोळ्यांना उरलेले काजळ नाही

खंबीर कुणी ठरवावे, मी भरीव नाही इतका
फुंकून सूर उमटावे इतकाही पोकळ नाही

त्याच्या शब्दांची वाचा गेलेली आहे मित्रा
ते झाड असे की ज्याच्या पानांची सळसळ नाही

नात्याला गांभिर्याचा संसर्ग जाहला आहे
अमुच्यामध्ये कोणीही उरलेले अवखळ नाही

तुमच्याच स्मृतींच्या दारी मी ठिबकत आहे नुसता
पण माझ्यापर्यंत माझा आलेला ओघळ नाही

--सुशांत...

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

नात्याला गांभिर्याचा संसर्ग जाहला आहे
अमुच्यामध्ये कोणीही उरलेले अवखळ नाही

अफलातून !

या गझलेसाठी सलाम ! Happy

धन्यवाद !

Submitted by सुप्रिया जाधव. on 23 September, 2014 - 02:53

अमुच्यामध्ये कोणीही उरलेले अवखळ नाही<<< जबरदस्त ओळ

सुंदर गझल

शेवटच्या ओळीत 'माझ्यापर्यंत' ह्या शब्दात एक मात्रा वाढत आहे.

अभिनंदन! Happy

Submitted by बेफ़िकीर on 23 September, 2014 - 10:26

नात्याला गांभिर्याचा संसर्ग जाहला आहे
अमुच्यामध्ये कोणीही उरलेले अवखळ नाही

अफलातून !

या गझलेसाठी सलाम
वा वा वा

Submitted by मयुरेश साने on 24 September, 2014 - 05:21

अतिशय सुंदर गझल... काजळ पोकळ, ओघळ फ़ार आवडले..

फुंकून सूर उमटावे इतका मी पोकळ नाही >> ’मी’ च्या जागी ’ही’ घालून वाचले... Happy

Submitted by मिल्या on 25 September, 2014 - 04:57

’मी’ च्या जागी ’ही’ << मिल्याशेठ +१
मलाही हाच बदल सुचलेला पण म्हटलं सारखं सारखं काही न् काही सांगीतलेलं बरं नाही म्हणून सांगीतलं नाही . पण हा बदल सुधारणा घडवेल हे नक्की . पटल्यास अवश्य करावा .

Submitted by वैवकु on 25 September, 2014 - 11:16

क्या बात है सुशांतराव....तुमच्या शेरांना खरचं वेगळं कोंदण असत राव..

Submitted by दुसरबीडकर on 5 October, 2014 - 12:27