' तू …एक सोबत '

कधी नि:शब्द , कधी हळवी
डोळ्यातून बोलणारी , सहवासात खुलणारी
मनाला सांधणारी ,
बरोबर चालणारी.. दूर क्षितिजापर्यंत
तू …

कधी चांदण्यात हरवणारी,
कधी पावसात बरसणारी,
जणू सावलीसारखी भासणारी,
तर कधी नात्यांच्या पलीकडची
तू …

आयुष्याच्या अनेक रंगात रंगणारी,
कधी समजावणारी,
अन् कधी सावरणारी,
नि:स्वार्थ शब्दात सामावणारी
तू …

तिन्ही सांजा ओढ लावणारी,
रितेपण संपवणारी,
अगदी हवीहवीशी वाटणारी,
आयुष्यभराची तू … एक सोबत

अथ पासून इति पर्यंतची …तू एक सोबत !!!