महीला दिना निमित्त मी स्वतः डीझाईन केलेला व शिवलेला अनारकली.

शिवणकला हा मला अतिशय अवघड विषय वाटायचा. माझी बहीण ही खुप चांगले ब्लाउजेस शिवायची. तिने मला शिवणकाम शिकवायचा प्रयत्न केला पण मी डावखुरी असल्याने मला कटींग जमले नाही. त्यानंतर मी केव्हा प्रयत्न ही केला नाही पण शिवणयंत्र घरी असल्याने रीकाम्यावेळी नुसते पॅडल फिरवुन हौस भागवुन घ्यायचे.

सहा महीन्यापुर्वी बहीणीने फॅशनचे ब्लाउजेस व पंजाबी ड्रेसेस शिवण्याचा क्लास लावला. मला वाटू लागले कि मीही क्लास लावावा पण नोकरी मुळे फक्त रविवारीच क्लासला जाऊ शकत होते. त्यात बहीणीने व घरच्यांनी समजावले की शिवणकला ही सगळ्यांनाच जमत नाही. खुप कठीण असते. बर्याचदा काही जणींना मशीनही चालवता येत नाही, मशीन उलटीच फिरते. शिवणक्लासला ७-८ महीने जाउनही काही जणांना काहीच शिवता येत नाही. त्यामुळे तु हा नाद सोड , उगाच पैसे वाया घालवु नकोस. पण तरीही मी घाबरत घाबरत क्लास लावला. शिकवणारी चांगली असल्याने तिने मला डाव्या हाताचा वापर कसा कराव हे शिकवले. पहील्यांदा साधा कुर्ता कटींग केला. मग तिने मला शिवणयंत्रावर बसायला सांगितले. मी सुरुवात केली आणी आश्चर्य म्हणजे मी पहील्याच दिवशी खुप छान कुर्ता शिवला. शिलाई खुप सफाईदार होती. शिकवणारीला खुपच आश्चर्य वाटले. कुठेही शिलाई वाकडी तिकडी आलेली नव्ह्ती. तिने माझे कौतुक तर केलेच पण बर्याच जणांना सांगितलेही. घरच्यांनीही कौतुक केले. मग मी अनारकली ड्रेस शिवण्याचा विचार केला. पहिला अनारकलीचं कटींग क्लासटीचरने शिकवल्यानंतर तिच्या मार्गदर्शनखाली शिवलेल्या अनारकलीची फिनिशींग सुद्धा खुप छान आली. पण कळ्या ज्या पद्धतीने काढायला शिकवल्या होत्या ती पद्धत खुप किचकट वाटली. मग मी स्वतःच थोडंसं डोकं लढवलं आणी २-३ अनारकली शिवले. ते ही खुप छान झाले. मग मी महिला दिनासाठी खास एखादा अनारकली शिवण्याचा विचार केला पॅटर्न ठरवले आणी बाजारातुन कापड , लेसेस विकत घेतल्या आणी पुढील ड्रेस शिवला जो माझ्या शिवणक्लास टीचरलाही खुप आवडला. मी शिकल्यापासुन हा माझा ४था अनारकली ड्रेस आहे.