Sunday..... Once more....

Submitted by आशिका on 14 March, 2014 - 05:21

माझा मुलगा दोन-अडीच वर्षाचा असताना एकदा त्याच्यासोबत एक nursery rhymes ची CD बघत होते. त्यातील काही गाण्याना 'ONCE MORE' असा फलक येई व ती गाणी पुन्हा दाखवली जात. लेकाने 'ONCE MORE' चा अर्थ विचारला. मी शक्य तितक्या सोप्या शब्दात त्याला सान्गितले की एखादी आवडलेली गोष्ट/क्रुती पुन्हा अनुभवता यावी असे वाटत असल्यास 'ONCE MORE' ची मागणी करतात. या चिमुरड्याने हजरजबाबीपणे यावर टिप्पणी केली " मी बाप्पाला सान्गतो की 'SUNDAY...ONCE MORE' म्हणजे आई तु अजुन एक दिवस घरी असशील".

हे ऐकले मात्र डोळ्यात पाणी तरळले. दुसरे काहीही न मागता फक्त आई तू अजुन एक दिवस घरी रहावीस ही ईच्छा, पण तीही आपण पूर्ण नाही करु शकत... नोकरीमुळे

क्षणात त्याला पहिल्यान्दा सोडुन office ला गेले तो दिवस आठवला. पाच महिन्यान्चा होता तो तेव्हा. स्टेशनवर मला सोडायला आला होता, त्याला साम्भाळणार्या बाईसोबत. बाहेरची गम्मत, झुकझुक गाडी दिसल्याचा आनन्द यात साहेब गर्क होते. पणा आईच्या कडेवरुन मला या मावशीनी घेतलय अन आई निघुन जातेय कुठेतरी हे पाहुन मात्र ते निष्पाप डोळे बघता बघता पाण्याने डबडबले.

त्याला कधीच पाळणाघरात वा तत्सम ठिकाणी ठेवावे लागले नाही कारण आमच्या आई त्याला साम्भाळतात, बाईच्या मदतीने. स्वतःच्या घरात, खाण्या-पिण्याचे सगळे लाड पुरे होत असतानाही त्याच्या नकळतच तयार होउन बाहेर पडावे लागायचे हे ही तितकेच खरे.

हा आणि असाच अनुभव बर्याच जणीन्चा असेल आणि त्यानन्तर मन ग्रासुन टाकणारी अपराधीपणाची भावना...

हा 'SUNDAY... ONCE MORE' कायमचा मनात घर करुन राहिला. बदलता काळ, वाढती महागाई,
second income ची गरज, career या सगळ्या बाबी मान्य. पण तरीही या छोट्याची 'SUNDAY ONCE MORE' ची मागणीही अवाजवी नक्कीच नाही कारण मी लहान असतानासुद्धा बाप्पाकडे असच काहीस मागत आले होते. शब्द वेगळे असतील पण भावना त्याच 'SUNDAY... ONCE MORE'

विषय:

मुक्तस्रोत(Open Source)

शब्दखुणा:

Sunday

Groups audience:

गुलमोहर - ललितलेखन

Group content visibility:

Public - accessible to all site users

शेअर करा