Submitted by स्वाकु on 16 February, 2014 - 00:40
स्वप्न मी जे पाहिले ते भोगतो आहे
आसवांना आज ही कुरवाळतो आहे
या जगाची रीत कोठे वेगळी होती
मीच माझे घाव हे गोंजारतो आहे
शक्य नाही भावनांशी खेळणे आता
भेट वेडी मी तुझी मग टाळतो आहे
बांधले जे मी मनाशी फास प्रेमाचे
संपणारे श्वास मी कवटाळतो आहे
द्यायचे देऊन झाले संपले आता
राहिलेले श्वासही मी जाळतो आहे
विषय:
शब्दखुणा:
Groups audience:
Group content visibility:
Public - accessible to all site users
शेअर करा
