पुढे असलेले दात तार लावून आत वळवणे - उपचाराबद्दल अधीक माहीती हवी आहे.

माझेही दात पुढे होते. मी १६ वर्षांचा असताना दोन उपदाढा काढुन जागा बनवुन क्लिप बसवुन ते मागे गेले आहेत. हे दात नॉर्मल झाले नाहीत कारण वरची हिरडीच पुढे आहे. फरक इतकाच की पुर्वी दातांमुळे तोंड पुर्ण मिटले जाऊ शकत नव्हते. आता ते पुर्ण मिटते. पण मला पेरु किंवा चिक्की पुढच्या दातांनी तोडुन खाता येत नाही.

ह्यात अगदीच विद्रुप दिसणारा चेहरा बरा होतो पण आदर्श दातांची ठेवण साधणे अशक्य असावे.

बाप रे!

आमच्या लेकीचेही दात पुढे आणि बरेच वाकडेतिकडे आहेत. तिला एका भारतीय डेंटिस्टकडे नेले होते. त्याने भितीच घातली की ही मुलगी मोठी झाली की किती वाईट दिसेल वगैरे दुसर्‍या क्लिनीकमधल्या भारतीय डॉ.कडे गेलो तर तो म्हणाला की थोडे थांबा. लेक आत्ता ८ वर्षाची आहे...

दरम्यान, लेकीने शाळेतील मोठ्या मुलींना विचारुन कितपत दुखते, कसे वाटते, काय काळजी घ्यायला पाहिजे, कोणता डॉ चांगला आहे वगैरे माहिती काढून ठेवली आहे/काढते आहे. तिच्या चौकस बुद्धीचे आणि तिला माहिती सांगणार्‍या मुलींचेही कतुक वाटते.

तुमचा अनुभव वाचून ही ट्रीटमेंट बरीच त्रासदायक आहे आणि फेलही जाऊ शकते हे समजले. खार्चिक आहे हे माहित होते.

कोणी बाहेरच्या देशात राहून भारतात जाऊन-येऊन मुलांची ही ट्रीटमेंट करवून घेतली आहे का? असल्यास काय काय गोष्टींची काळजी घ्यावी लागते?

फार चांगला आणि अत्यावश्यक असा हा धागा आहे. सुमेधा यानी अगदी सविस्तरपणे मांडला आहेच शिवाय आर्थिक बाजूही थेट दिली असल्याने मुळात डॉक्टरांकडे जातानाच बॅन्क बुक हाती घेतले पाहिजेच असे दिसते. 'सध्याची किंमत ४५ हजार आहे...' असे वर लिहिले गेले आहे. ही सध्याची म्हणजे २०१३ ची आहे का ? कारण मी इथे कोल्हापूरात चौकशी केली तर हा खर्च ६० हजाराच्या पुढे गेला आहे असे समजले. ज्या मुलीच्याबाबतीत ही ट्रीटमेन्ट करायची होती तिच्या आईवडिलांना एवढ्या एकाच कारणासाठी इतकी रक्कम उभी करणे अशक्य असल्याने त्यानी थांबायचा निर्णय घेतला आहे [आम्हा मित्रांकडून पैसे घ्यायला त्यानी नकार दिला]....मुलगीही चारपाच वर्षाचीच आहे.... मुलगीच्या दातात फट किंवा ते पुढे असणे हा पालकांच्या दृष्टीने चिंतेचा विषय होऊ शकतो....त्यामुळे उपचार आवश्यक ठरतात. पण किती पैसा खर्च करावा....आणि केलातरी त्याचे साईड इफेक्ट्स दिसतात असेही सुमेधा आणि नितीनचंद्र यांच्या लिखाणावरून दिसते.

मायबोलीवरील डॉक्टर मंडळींचे याबाबतीतील मत व सल्ला वाचायला उत्सुक आहे.

अतिशय उपयुक्त धागा..
कृपया आपली मते आणि अनुभव शेअर करा.

नात्यातील एकीचे दात पुढे होते. ते ट्रीटमेन्ट करून सरळ झाले. तिच्याच भावाचेही दात किंचित पुढे आहेत. पण त्याने तडफदारपणे सांगितलेय की कोणी हसले तर हसू दे.पण मी माझ्या दाढा काढून ती ट्रीटमेन्ट घेणार नाही.

दाढा काढाव्या लागतात का?

माझ्या मुलीचे दात पुढे नाहीत पण वाकडेतिकडे होते त्यामुळे दोन वर्षापूर्वी ती ११ असताना ब्रेसेस लावल्या. पहिल्या एक्सरेमध्ये एखाददोन दात काढावे लागून बाकीच्या दातांना जागा करून देण्याची शक्यता निर्माण झाली कारण तिची जिवणी लहान आहे. पण नशिबाने तशी वेळ आली नाही. ब्रेसेस लावल्यावर एक दोन दिवस जरा दुखणं वगैरे झालं. पण त्याचीही सवय झाली. दोनच आठवड्यापूर्वी तारा निघाल्या आहेत. दात एकदम छान दिसत आहेत. रिटेनर्स करायला टाकले आहेत जे मंगळवारी मिळतील आणि लावले जातील.

मी अमेरिकेत आहे. मला $५००० खर्च सांगितला ज्यातला निम्मा इन्शुरन्सने कव्हर केला.

बापरे, सुमेधाव्ही! एवढे करून पुन्हा ये रे माझ्या मागल्या म्हणजे अवघड आहे.
(पण तुमच्या मुलीचा ठामपणा जबरी आहे.)

अशोकमामा, तुम्ही म्हणता त्या पालकांकडे जरी आर्थिक जुळणी झाली तरीही तसेपण त्यांना थांबावेच लागेल ना? कारण मुलगी फक्त चारपाच वर्षांचीच आहे, म्हणजे तिचे दुधाचे दात पडून नवे यायला अजून वेळ आहे. की दुधाच्या दातांवरही ही ट्रीटमेंट करता येते?

नाही गजानन, दुधाच्या दातांवर लावून उपयोग नाही. इथे १० पैकी ५,६ मुलांच्या दातांना तार लावलेली दिसते. फार कॉमन आहे. सगळी मुलं १०+ ह्या वयोगटातली बघितली आहेत.

http://www.maayboli.com/node/46367

होय गजाननराव..... त्या दंतवैद्यांच्या अगोदर मित्राच्या फॅमिली डॉक्टरांनीच 'थांबा अजून दोनतीन वर्षे' असा सल्ला दिल्याचे समजते. तुमचा वरील प्रतिसाद वाचताक्षणीच मी त्याला फोन केला होता, त्यावेळी ही माहिती मिळाली होती....पण खर्चाचा आकडा मात्र बदललेला नाही.

कुठले डॉक्टर.

खरे म्हणजे दुधाचे दात पडल्यावरच ट्रीटमेंट घ्यावी.

सायो, अशोकमामा, ओके.

पण मला पेरु किंवा चिक्की पुढच्या दातांनी तोडुन खाता येत नाही

बापरे, म्हणजे ही ट्रिटमेंट करुन घेतल्यावर दात थोडे नाजुक होतात??
माझ्या एका मैत्रिणीचे दात एकदम तिरके बाहेर आलेले. पण त्यांना सरळ करण्यासाठी दाढा काढायच्या हे ऐकल्यावर तिनेही ठाम नकार दिलेला. वाचली बिचारी.

हा असला प्रकार मी कधीच ऐकला नव्हता. अ‍ॅडव्हान्स पैसे, त्यातली तीन वर्ष फक्त काऊन्सेलिंग आणि ट्रीटमेंट पूर्ण करूनही दात पुन्हा पुढे येणे... कहर आहे सगळाच.

ललीने या विषयावर एक मस्त मजेशीर अनुभव लिहिला होता - दंतमनोरंजन

तार लावल्यावरची ५-६ काय असतील ती वर्ष दात कुरूप दिसतात म्हणून तार लावायला नकार असेल तर मी समजू शकते. पण आता तारही सिरॅमिकची उपलब्ध होऊ लागली आहे, जी दातांच्याच रंगाची असते.
पण दाढा काढून घेण्यासाठी लोकांचा एवढा तीव्र नकार का असावा?
आपल्याला चारही बाजूंना ४-४ दाढा असतात. अक्कलदाढा आल्या तर बोनस. त्यातली १-१ दाढ काढली तर काय झालं असं आपलं मला वाटतं

भिती हा एक घटक असावा असे मला तरी वाटते.... मी किडलेली दाढही काढुन घ्यायला घाबरते

लहान वयात ही ऑर्थोडेन्टल ट्रीटमेन्ट केल्यावर मुलं रिटेनर्स लावायला कंटाळा करतात, आणि जरी लावले तरी तीन-चार वर्षांनी म्हणजे दातांची, जबड्याची पूर्ण वाढ झाल्यावर दात पुन्हा थोडे पुढे आल्यासारखे वाटतात, त्यामुळे करेक्शन ट्रीटमेन्ट करुन घ्यावीच लागते.

माझ्या मुलीला वयाच्या दहाव्या वर्षी पार्ल्याच्या डॉ. पारुल दोशी या ऑर्थोडेन्टीस्टकडून ट्रीटमेन्ट घेतली तेव्हा सोळा हजार खर्च आला होता. तिने रिटेनर्स फक्त रात्री झोपताना वापरले, ४ वर्षांनी आम्हाला वाटत होते की पुन्हा थोडे पुढे आल्यासारखे वाटत आहेत दात, पण डॉक्टर म्हणाले तेव्हढं नॉर्मल असतं त्यामुळे काही केलं नाही. मात्र मुलीने दहावीत गेल्यावर हट्ट धरला की तिला अगदी सरळ रेषेत दात हवे आहेत. ऑर्थोडेन्टीस्टचा खर्च त्यावेळी ५० हजार झाला होता. पारुल दोशीने तिच्याकडेच आधी ट्रीटमेन्ट झाली होती म्हणून २५ हजार सांगीतले,तरी पुन्हा इतके पैसे खर्च करायचे जीवावर आले, दातही अगदी फार पुढे नव्हते. पण मुलीने हट्टच धरला. तेव्हा पारुलनेच आम्हाला सायनच्या मानव रुग्ण सेवा ट्रस्टचा पत्ता दिला, तिथे ही ट्रीटमेन्ट फक्त ७-८ हजारात होईल असे सांगीतले. तिथल्या ऑर्थोडेन्टीस्टही तज्ञ होत्या खूप, पण तिथे जाणे येणे त्रासदायक होईल असे वाटले. तिथल्या ऑर्थोडेन्टीस्टना आम्ही विचारले तेव्हा त्या म्हणाल्या की मी अंधेरी पूर्वला तेली गल्लीच्या जवळ असलेल्या लायन क्लबच्या पॉली क्लिनिकमधे आठवड्यातून एकदा संध्याकाळी जाते, तुम्ही तिथे येऊ शकता. इथल्या पेक्षा तिथे टॄटमेन्टला थोडा जास्त खर्च येऊ शकेल. आम्ही तिथे जाऊन पुढे दीड वर्ष ट्रीटमेन्ट केली. ट्रीटमेन्ट खरंच सुंदर झाली. नंतर घरी असताना, झोपताना मुलीने आवर्जून रिटेनर्स लावले. अक्षरशः मोत्यासारखे सरळ झालेत मुलीचे दात. यावेळी साधारण १२ हजार खर्च आला. अंधेरी पूर्वच्या लायन्स क्लब क्लिनिकमधे चौकशी करा. ऑर्थोडेन्टीस्टचे नाव आहे डॉ. सीमा देवधर.

मी हि Treatment २००२ - २००३ मधे केली होती. माझे दात मोठे आणी जबडा लहान होता त्यामूळे दात वेडेवाकडे पूढे आले होते. मी Treatment Doctor सुधीर जोशी ( J M Road, Shivsagar hotel chya var , Pune ) इथे केली होती. तेन्व्हा २५००० रू खर्च आला होता. माझे वय १९ होते. माझ्या ४ दाढा काढाव्या लागल्या. Doctor खूप चान्गले होते. त्यान्नी सर्व व्यवस्थित समजावून सान्गितले. ते तेन्व्हाच म्हातारे होते सो सध्या Practice करतात की नाही माहित नाही. त्यान्ची मुलगी पण Orthodontist होती आणी त्यान्च्या बरोबरच Practice करत होती.

मला खूपच फायदा झाला. अजून तरी दात पूढे आलेले नाही.

सुमेधाव्ही, तुमच्याकरता इथे लिहायला विसरले नंतर. आमचे रिटेनर्स लागले आहेत. सध्या दोन आठवडे सतत लावायचे आहेत. आणि दोन आठवड्यांनी फक्त रात्री झोपताना 'फॉर द रेस्ट ऑफ हर लाईफ'.
आम्ही ही ट्रिटमेंट सुरू केली तेव्हा मला ह्या रिटेनर्सबद्दल अजिबातच माहित नव्हतं. जर हे कायम लावायचं हे माहित असतं तर आम्ही कदाचित पुढे गेलो नसतो (कदाचित अशाकरता की दात वाकडेतिकडे असल्याने घासलेही नीट जाय्चॅ नाहीत त्यामुळे गरज होतीच)

आमच्याकडे इन्शुरन्स कव्हर करतो म्हणून ठीके.
पण डॉक्टर म्हणून त्यांनी सांगायला हवं होतं हे आहेच पण आता हाताशी गुगल असताना रिसर्च करणं ही माझी जबाबदारी होतीच. पण मला अजिबातच कल्पना नव्हती ह्या शेपटाची. असो,
सध्या तरी ते लावायला कटकट करत नाहीये. सुरूवातीचे दोन तीन दिवस जीभ जड असल्यासारखं बोलणं होतं पण आता ते ही ठीक आहे.

मी हा धागा आत्ताच बघितला.
माझ्या मुलीला ऑगस्ट २०१२ मध्ये ब्रेसेस लावले होते ते जुन २०१३ मध्ये काढले आहेत आणि आता ती रोज रीटेनर लावते. फक्त रात्री झोपताना काढते. सकाळी ब्रश केले की लगेच लावते, कधीतरी विसरलीच तर मी तिला सांगितले की लगेच लावते.

माझ्या लेकीचे दात वेडेवाकडे होते, दातात फट होती म्हणुन मी तिला डॉ. करबेळकर (गोरेगाव वेस्ट, मुंबई) ह्यांच्याकडे घेऊन गेले होते, तेव्हा त्यांनी मला ३ प्रकाराची माहिती दिली -
१) नॉर्मल ब्रेसेस - खर्च - रु. २५०००/-
२) कलर ब्रेसेस - खर्च - रु. ३५०००/-
३) सिरॅमिक ब्रेसेस - खर्च - रु. ४५०००/-

ह्या तिनीमधुन एक सिलेक्ट करायला सांगितले होते. मी त्यांना विचारल्यावर त्या म्हणाल्या की नॉर्मल लावा. सिरॅमिक टिव्ही अ‍ॅक्टर लावतात कारण त्या आजिबात दिसत नाहीत. मग आम्ही नॉर्मल लवल्या. एक आठवडा तिला त्रास झाला पण नंतर सवय झाली. तिचा वरचा एक दात कमी आहे आणि तो ईम्प्लांट करायचा आहे. आता ती १६ वर्षाची आहे. डॉक्टर म्हणाल्या आता करायला हरकत नाही पण १८ पुर्ण होईपर्यंत थांबलात तर बरे.
त्यामुळे त्यांनी तिला रिटेनरमध्येच एक दात लावुन प्लेट बनवुन दिली आहे ती काढ घाल करावी लागते पण खालच्या दाताला त्यांनी आतुन एक बारिक वायर बसवली आहे त्यामुळे वेगळे रिटेनर बसवायची गरज नाही.

हे सगळे २५००० मध्येच झाले आहे. आता जर का रिटेनर/ प्लेट तुटले तर मात्र १००० रु देवुन घ्यावे लागतील असे सांगितले आहे.

Me swata hi treatment ghetali ahe. I had 4 molars extracted. I wore permanent braces since I was 13 and had them extracted at 21 and later on I wore retainers. He me ajoon sambhaloon thevlet. Treatment Ni Daat ekdum mast zhalet.

Nantr Mala mool zhala tevha Daat pudhe alele vatle. Doc said we cannot go against nature. every time you are pregnant, when you hit your 30s, 40s and menopause (basically all major milestones) your body will change so will your teeth alignment...it will be subtle but it will be there. So I still use my retainers and it helps.

English sathi sorry.