तू दूर दूर जातांना....

तू दूर दूर जातांना, एक आठवण होशील का?
नसतांनाही तू असण्याचा भास मज होईल का?

करीन कविता आणि गाणी, तुझ्या श्रुंगारावरती,
खळीसंगे सहज लाजूनी, सांग सखे पाहशील का?

कार्तिकमासे भल्या पहाटे, जरी कधी गारठलो मी
ऊन बनुनी तव किरणांनी, कधी ऊब देशील का?

कधी भितीने, दु:खाने, गंध विरला जीवनाचा
बनून अबोली गोड हसूनी, सांग तू येशील का?

श्वास माझा तू नसतांना, अर्थहीन वाटे मला
दूर जातांना श्वासांची, सोबत तू घेशील का?