Submitted by स्वाकु on 28 October, 2013 - 04:25
धरी ती अबोला मला राहवेना,
जसे गूढ आभाळ ते पाहवेना ||
मिटूनी तिचे ओठ ती का रुसावी?
गुन्हा काय झाला मला ही कळेना ||
पहाटे विझूनी दिवा रात गेली,
कसे हासवावे मला ही जमेना ||
जरी लोचनी राग होता तरी ही,
तिचा तो दुरावा मला मानवेना ||
धरी कान माझे जरी चूक नाही,
तशी ती खुलावी मला सांगवेना ||
विषय:
Groups audience:
Group content visibility:
Public - accessible to all site users
शेअर करा
ठीक
ठीक