चालला आहे कशाचा खल अता?

Submitted by Prashant Pore on 27 September, 2013 - 08:12

चालला आहे कशाचा खल अता?
पाहिजे बदलावयाला दल अता!

व्हायचे होऊन गेले! जाऊ दे!
ना कशाचाही मनाला सल अता

वादळाने ध्वस्त केली झोपडी
पण तरीही हा दिवा प्रज्वल अता

कोण तू? कुठली? न तुजला जाणतो
एक नाते जाणतो; निर्मल अता

पाश संसारातले उद्गारती
सोडुनी दे वासनांवर जल अता

मायबापाला म्हणावे पंढरी
नांदतो देहांत त्या विठ्ठल अता

भेटतो येथे ठकाला ठक महा
तू तसा तर मी असा; बोंबल अता

(सदर गझल ही श्री. निशिकांत देशपांडे यांच्या गझलेवर तरही आहे.)

विषय: 
लेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

छान गझल.
<पाश संसारातले उद्गारती
सोडुनी दे वासनांवर जल अता

मायबापाला म्हणावे पंढरी
नांदतो देहांत त्या विठ्ठल अता

भेटतो येथे ठकाला ठक महा
तू तसा तर मी असा; बोंबल अता> फार आवडले .

Submitted by अमेय२८०८०७ on 29 September, 2013 - 11:17

कणखर जी, अमोल जी शतशः धन्यवाद.

डॉक्टर जी : जबरदस्त उपक्रम... __/|\__

निवडक १० त नोंदली Happy

Submitted by Prashant Pore on 30 September, 2013 - 13:36

बोंबल अता मध्ये काफिया रदीफ जितक्या सहजपणे उतरलाय अगदी समोर आहात अन् बोलत आहात असे वाटण्या इतपत बोलकेपणे ...तितक्या सहज कुठेच नाही काफिया रदीफ असे आहेत म्हणून शेर केलेत की काय असे जाणवते आहे .....असो मुळात अनेक काफिये व रदीफ बरच कमी फिट होत आहेत गझलेत असे वैयक्तिक मत आहे प्लीज दुखावले जावू नेये ही विनंती

Submitted by वैवकु on 1 October, 2013 - 15:18