येत नाही राग आता

Submitted by Prashant Pore on 23 September, 2013 - 00:20

येत नाही राग आता
तू कसेही वाग आता

जन्म झाला हा नकोसा
बा यमा तू जाग आता

देव भक्ताला विनवतो
एक तर वर माग आता

बोचली इतकी सुखे की
दु:ख वाटे बाग आता

का म्हणू मी संत त्याला?
लागला ना डाग आता?

हा कुणी इस्लाह केला
जाहलो बेदाग आता!

दूध पाजुन पोसवू का?
मी विषारी नाग आता

बहर, मिसरे, शेर, गझला
लाडका वैताग आता

विषय: 
लेखन
Groups audience: 
मायबोलीवर स्वागत
गुलमोहर - गझल
Group content visibility: 
Public - accessible to all site users
शेअर करा

देव भक्ताला विनवतो
एक तर वर माग आता

का म्हणू मी संत त्याला?
लागला ना डाग आता?<<< छान व सहज ओळींचे शेर आहेत.

दूध पाजून पोसवू का<<< येथे पाजुन असे करावे लागेल

Submitted by बेफ़िकीर on 23 September, 2013 - 00:42

धन्यवाद कणखरजी, बेफीजी, शशांकजी, उल्हासजी आणि सुशांत जी.

@ बेफीजी : "पाजुन" असेच लिहिले होते, टाईप करताना गडबड झाली. Happy लगेचच सुधारून घेतो.

Submitted by Prashant Pore on 23 September, 2013 - 11:30

छान!

Submitted by भाग्यश्री ७ on 25 September, 2013 - 09:44

छान आहे गझल.
कमी शब्द. मतला मस्त.
फक्त तो इस्लाह काय ते कळलं नाही. आणि त्या शेरात दोन्ही महत्वाचे शब्द उर्दू वापरल्यामुळं मजा येत नाही. (चांगला असावा वर बेफीकिरांनी कोट केलाय म्हन्जे)
>>'देव भक्ताला विनवतो
एक तर वर माग आता'
या शेराची कल्पना आवडली पण तरी च्या ऐवजी तर वापरल्यामुळे थोडा रसभंग झाला (माझा)
लाडका वैताग खूप आवडला Happy

Submitted by पारिजाता on 27 September, 2013 - 04:08