फुटकर - २

Submitted by समीर चव्हाण on 29 July, 2013 - 02:49

संपादित संपादित संपादित संपादित संपादित संपादित संपादित संपादित संपादित संपादित

विषय: 
काव्यलेखन
शब्दखुणा: 
फुटकर
Groups audience: 
गुलमोहर - गझल
Group content visibility: 
Public - accessible to all site users
शेअर करा

जीव आटवुन मिळेल ह्याची आहे का खात्री
मिळेस्तोवरी जगू कुणाच्या बापाला ठाउक

एकसारखी प्रश्नांची सरबत्ती चालू
सुटका नाही तर नाही, पण उसंत लाभो

उन्मादाच्या टोकाला साधूपण स्थिरावते
आणि विरक्ती फिरून येते भोगाच्या दारी

वेगळेपणाची बाधा दुनियेला झालेली
काय नेमके करायचे ठाऊक कुणाला

कुठवर देइल साथ देह हा, मेंदू हा
कधीतरी परवड मित्रा होणारच की

बरेच जाते डोक्यावरून पण मुंडी हालवते
वाईट फार ही सवय कशाने अपुल्याला जडली

हे शेर फार आवडले

Submitted by विजय दिनकर पाटील on 29 July, 2013 - 03:29

मस्तच पुन्हा एकदा उत्तमोत्तम शेरांची मेजवानी दिलीत त्याबद्दल मनःपूर्वक आभार

मलाही मोअर दॅन ८० % शेर कोट करण्याइतपत आवडले उरलेल्या शेरात एखादी ओळ कमी आवडली असेल पण सगळेच शेर आवडले

Submitted by वैवकु on 29 July, 2013 - 04:09

अरे कसे लिहून गेलास?

वास्तव आहे.. मिष्कीलता आहे.. कोपरखळ्या आहेत.. आश्चर्य आणि तत्वज्ञानही...
वाह गुरू, मजा आ गया...!

Submitted by बागेश्री on 31 July, 2013 - 23:42

धन्यवाद, बागेश्री आणि शशांकजी.

अरे कसे लिहून गेलास?
गेल्या दोन महिन्यांत प्रचंड प्रवास केला:
मिलान-गार्नेनो, नैनीताल-मुक्तेश्वर-भीमताल, पुणे-बंगलोर, कोलकत्ता, त्याचेच आउटकम.

हा फॉर्म अभ्यासायला आवडेल... जरा माहिती देतोस का

विशेष काही नाही. ही रचना अनेक शेरांची शृंखला आहे. शेर मात्रा वृत्तात आहे. बहुतेक शेर २४, २६, २८ मात्रांमध्ये आहेत. ह्याचा फायदा असा की रदीफ-काफिया ह्यांची बंधने सुटतात, आणि स्वतःला छान एक्सप्रेस करता येतं. तोटा असा की गझलेचं स्ट्रक्चरल सौंदर्य राहत नाही.

धन्यवाद.

Submitted by समीर चव्हाण on 1 August, 2013 - 03:40