Name: मोड आलेल्या मुगाचे स्टफ्ड पराठे
Cook time: ३० मिनिटे
Yield: दोन ते अडीच वाट्या मुगाचे साधारण १२ पराठे होतात.
Ingredients: सारणासाठी: १. हिरवे मूग - दोन ते अडीच वाट्या २. एक मध्यम बटाटा उकडून ३. आमचूर पावडर किंवा चाट मसाला - १ चमचा ४. बडिशेपेची पावडर - १ चमचा ५. गरम मसाला - १ चमचा ६. जिर्याची पूड- १ चमचा ७. आलं आणि मिरची वाटून - दोन चमचे ८. तिखट; मीठ; साखर - चवीनुसार ९. चिरलेली कोथिंबीर - १ वाटीभर पारीसाठी: कणीक; मीठ; तेल; पाणी.

Submitted by मंजूडी on 27 July, 2013 - 02:13

प्रत्यक्षात लागणारा वेळ:

३० मिनिटे

लागणारे जिन्नस:

सारणासाठी:

१. हिरवे मूग - दोन ते अडीच वाट्या
२. एक मध्यम बटाटा उकडून
३. आमचूर पावडर किंवा चाट मसाला - १ चमचा
४. बडिशेपेची पावडर - १ चमचा
५. गरम मसाला - १ चमचा
६. जिर्‍याची पूड- १ चमचा
७. आलं आणि मिरची वाटून - दोन चमचे
८. तिखट, मीठ, साखर - चवीनुसार
९. चिरलेली कोथिंबीर - १ वाटीभर

पारीसाठी: कणीक, मीठ, तेल, पाणी.

क्रमवार पाककृती:

१. मूग भरपूर पाण्यात भिजत घालून, मग पाणी उपसून त्याला मोड येऊ द्यावेत. या प्रक्रियेला साधारण अठरा तास लागतात. तो वेळ पाककृतीच्या वेळेत गणलेला नाही.

२. मोड आलेले मूग कुकरच्या क्षमतेप्रमाणे एक किंवा दोन शिट्या देऊन शिजवून घ्यावेत. मी वरण भाताबरोबर शिजवून घेतले. मुगात अजिबात पाणी घातले नव्हते. अगदी मऊ लगदा होईपर्यंत मूग शिजवायचे नाहीत. दाणा किंचीत टसटशीत राहिला पाहिजे.

३. मूग थंड झाल्यावर मिक्सरमधे भरडसर वाटून घ्यावेत.

४. ते भरड वाटण एका भांड्यात घेऊन मग त्यात सारणासाठी असलेले सर्व घटक एकेक करून घालून पराठ्याचे सारण नीट तयार करून घ्यावे.

५. स्टफ्ड पराठ्यांसाठी नेहमी भिजवतो तशी कणीक भिजवून घ्यावी.

६. तयार केलेलं सारण कणकेच्या पारीत भरून नेहमीसारखे पराठे लाटून, तव्यावर तेल सोडून भाजून घ्यावेत.

७. लोणी/ दही/ सॉस/ चटणीबरोबर गरमागरम गट्टम करावेत.

वाढणी/प्रमाण:

दोन ते अडीच वाट्या मुगाचे साधारण १२ पराठे होतात.

माहितीचा स्रोत:

तेलकट खस्ता कचोरी आणि आलू पराठे यांतील पौष्टिक सुवर्णमध्य

आहार:

पाककृती प्रकार:

शब्दखुणा:

Groups audience:

पाककृती आणि आहारशास्त्र

Group content visibility:

Public - accessible to all site users

शेअर करा

व्वा मस्त आहेत.... सोमवारी

व्वा मस्त आहेत.... सोमवारी हाच नाश्ता..

Submitted by सृष्टी on 27 July, 2013 - 02:15

भारीच दिसतायत. करून बघण्यात

भारीच दिसतायत. करून बघण्यात येतील.

Submitted by आऊटडोअर्स on 27 July, 2013 - 02:17

मस्तच आणि पौष्टिक.

Submitted by मामी on 27 July, 2013 - 03:02

आत्तापर्यंत फक्त मो.मु.चे

आत्तापर्यंत फक्त मो.मु.चे धिरडे केले होते. आता पराठे करुन बघेन.
बाकी पराठा न फाटता लाटलेला आहे(जे मला कधीही जमलेले नाही.) पराठा ईतका छान लाटणार्या ग्रुहिणींचे मला खुप कोतुक वाटते.

Submitted by पिन्कि ८० on 27 July, 2013 - 03:41