येते समोर जेव्हा ती, फक्त पाहतो मी!

Submitted by सतीश देवपूरकर on 10 February, 2013 - 22:29

गझल
येते समोर जेव्हा ती, फक्त पाहतो मी!
आहे तिचाच दावा की, फार बोलतो मी!!

मी एकदाच गेलो स्वप्नी तिच्या पहाटे....
म्हणते अजूनही ती...स्वप्नात चालतो मी!

अधरी कधी फुलांच्या, हृदयी कधी कळ्यांच्या;
मधुनीच कैक वेळा काट्यात राहतो मी!

जुळवून भंगलेल्या ठिक-याच काळजाच्या;
दररोज कल्पनेचा प्रासाद बांधतो मी!

हे लक्ष लक्ष तारे, हे मंद मंद वारे....
तुज सांगतील सारे की, काय सोसतो मी!

मी बोलतो तिच्याशी मनसोक्त कैक वेळा!
राहून मात्र जाते जे खूप घोकतो मी!!

-------प्रा.सतीश देवपूरकर
भूशास्त्र व खानिज तेल तंत्रद्न्यान विभाग,
नौरोसजी वाडिया महाविद्यालय, पुणे.
फोन नंबर: ९८२२७८४९६१

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

मी बोलतो तिच्याशी मनसोक्त कैक वेळा!
राहून मात्र जाते जे खूप घोकतो मी

वा वा, अगदी `तू भेटतेस तेव्हा माझे असेच होते' आठवले

Submitted by गजलुमियां on 11 February, 2013 - 12:28

हे वृत्त पण छान आहे. आनंदकंद.. गागा लगा लगागा
तसं क्वचितच वापरलं जातं हे वृत्त.

Submitted by गजलुमियां on 11 February, 2013 - 12:35

हे वृत्त पण छान आहे. आनंदकंद.. गागा लगा लगागा
तसं क्वचितच वापरलं जातं हे वृत्त.<<< Rofl

गजलुमियां <<< Rofl

Submitted by बेफ़िकीर on 12 February, 2013 - 04:20

Submitted by सतीश देवपूरकर on 12 February, 2013 - 09:28