Name: भेंडी आणि पालकाची भाजी
Cook time: १० मिनिटे
Yield: २ खव्वय्यांसाठी/३ जणांसाठी
Cuisine: दाक्षिणात्य
Ingredients: अर्धाकिलो धुवून; पुसून कोरडी करून एक ईंच याप्रमाणे तुकडे केलेली भेंडी ५ जुडी पालक-ही देखील धुवून; कापलेली. ही पाने देखील जराशी कोरडी हवीत; नाहीतर भाजी बुळबुळीत होईल. (१ जुडी पालकात ८-१० काड्या या प्रमाणाने) १५-२० लसूण पाकळ्या (देशी) २ छोटे चमचे मुगडाळ(भिजवायची गरज नाही); २ सुक्या लाल मिरच्या; फोडणीचे जिन्नस; कडीपत्ता; कोथिंबीर फोडणीसाठी तेल; हळद; मीठ चवीनुसार; हिरव्या मिरच्यांचे तिखट -४ छोटे चमचे किंवा १ मोठ्या लिंबाचएवढा गोळा

Submitted by चिन्नु on 13 December, 2012 - 04:52

प्रत्यक्षात लागणारा वेळ:

१० मिनिटे

लागणारे जिन्नस:

अर्धाकिलो धुवून, पुसून कोरडी करून एक ईंच याप्रमाणे तुकडे केलेली भेंडी
५ जुडी पालक-ही देखील धुवून, कापलेली. ही पाने देखील जराशी कोरडी हवीत, नाहीतर भाजी बुळबुळीत होईल. (१ जुडी पालकात ८-१० काड्या या प्रमाणाने)
१५-२० लसूण पाकळ्या (देशी)
२ छोटे चमचे मुगडाळ(भिजवायची गरज नाही), २ सुक्या लाल मिरच्या, फोडणीचे जिन्नस, कडीपत्ता, कोथिंबीर
फोडणीसाठी तेल,
हळद, मीठ चवीनुसार, हिरव्या मिरच्यांचे तिखट -४ छोटे चमचे किंवा १ मोठ्या लिंबाचएवढा गोळा

क्रमवार पाककृती:

गॅस पेटवून त्यावर कढई, पॅन ठेवा. त्यात राई-जिरा, सुक्या लाल मिरच्या तोडून फोडणी करा. मुगाची डाळ घालून लालसर होईतो भाजा (जाळू नये). आता कडीपत्ता, कोथिंबीर, लसूण पाकळ्या घालून थोडे परता. कांदा घालून परता. आता पालक, भेंडी, हि.मि.चे तिखट, हळद, मीठ घाला. तिखट सर्व फोडींना लागेल असे हलके मिक्स करा किंवा कढई उचलून आतील पदार्थ जपून टॉस करा. भाजी शिजल्यावर बारीक कापलेली कोथिंबीर घाला.

वाढणी/प्रमाण:

२ खव्वय्यांसाठी/३ जणांसाठी

अधिक टिपा:

पोळी/फुलक्यांबरोबर छान लागते ही भाजी.
फोडणीत एखाद आमसूल घालू शकता.
तिखट आवडीनुसार कमीजास्त करावे.
हिंग घातले तरी चालेल.

माहितीचा स्रोत:

सासुबाई

आहार:

पाककृती प्रकार:

प्रादेशिक:

शब्दखुणा:

Groups audience:

पाककृती आणि आहारशास्त्र

Group content visibility:

Public - accessible to all site users

शेअर करा

अर्धाकिलो धुवून, पुसून कोरडी

अर्धाकिलो धुवून, पुसून कोरडी करून एक ईंच याप्रमाणे तुकडे केलेली भेंडी + ५ जुडी पालकाची पाने- हे २ खव्वय्यांसाठी ?? प्रमाण काही गड्बड झालय का?

Submitted by अश्विनी डोंगरे on 13 December, 2012 - 04:55

अश्विनी, ही भाजी अंग चोरते.

अश्विनी, ही भाजी अंग चोरते. फुलक्यांबरोबर केली तर २ जणांना पुरेशी होते. अर्थात ती दोनजणं खव्वय्ये हवेत, वर भेंडी आवडायला हवी वगेरे.
आमच्याकडं मिळणार्‍या पालकांच्या जुडीत साधारण ८-१० काड्या असतात. बाकी हिशोब करून घ्या.