दार खिडक्या गच्च लावून

Submitted by डॉ.विक्रांत प्र... on 23 November, 2012 - 09:43

दार खिडक्या गच्च लावून
जाड पडदे वरती ओढून
मी बसतो ए. सी.लावून
बाहेर असो कितीही उन

बाहेर खूप कोलाहल आहे
कुठला मोर्चा चालला आहे
पोलिसांची गाडी आणि
सायरन वाजवत आली आहे

कुठेतरी काचा तुटणार
अन् कुणाचे डोके फुटणार
उद्या पण सारे काही
पेपर मध्ये छापून येणार

निवांतपणे सारे वाचू
आता एक झोप घेऊ
फार उत्सुकता ताणली तर
चॅनल थोडे बदलून पाहू

विक्रांत प्रभाकर
http://kavitesathikavita.blogspot.in/

विषय: 
काव्यलेखन
Groups audience: 
गुलमोहर - कविता
Group content visibility: 
Public - accessible to all site users
शेअर करा