पंगती साठी वापरावयाचे रनर्स कुठे बनवून किंवा आयते मिळतील?

मागे माझ्या आईच्या मैत्रिणीच्या ओळखीत एक बाई होत्या, ज्या जुन्या जरीच्या साड्यांपासून सुरेख सतरंज्या/ जाजम बनवून देत असत. माझ्या आईने एक जाजम बनवून घेतले होते. २ साड्यांचे सतरंजीच्या आकाराचे तुकडे घेऊन, दोन्ही मध्ये पातळ स्पंज किंवा तत्सम काहीतरी मऊसे घालून, छान दोर्‍याच्या डीझाईनने ते जाजम बनवलेले आहे. आता त्या बाईंचा कॉन्टॅक्ट गहाळ झाला आहे. >>>>
प्रत्येक सतरंजीमागे ८० ते १२० रु. घेतात. शिवाय ते आपण दिलेल्याच साड्याचे आपल्याला देतील याची खात्री नसते. त्याला थोडा वेगळाच वास येतो. सौ. ने घरी अशा २ करुन घेतल्या आहेत.
अकोल्यात अजुन ही ती माणसे आहेत बनवुन देणारी. पण करु नको
त्यापेक्षा हँडल्युम मधे छान भेटतील.
त्याला मराठीत आसनपट्टी म्हणतात. ईंग्रजीत माहीत नाही.

निंबुडा ते "पंक्ती' ऐवजी "पंगती" असं लिहाल का? मला धाग्याचं नाव वाचुन आधी काही ़ कळलं नाही.

मुक्तेश्वर कुलकर्णी, तुम्ही म्हणताय ते वेगळे आहे बहुदा!

त्या प्रकारात आपण दिलेल्या साड्यांचे लांब लांब धागे/पट्ट्या करुन विणतात.

मी ते पतंगी साठीचे रनर्स वाचलं होतं.
रच्याकने, ऑनलाईन किंवा गुगलून बघ.. भारी भारी डिझाईनचे टेबल रनर्स भेटतील तुला. अगदी थिम नुसार सुद्धा.

http://www.tenthousandvillages.com/products/tabletop/tablecloths-runners << गुगलने इथे सांगितलंय.

http://www.saffronmarigold.com/catalog/directory.php?cPath=43_29 << इथे

आणि इथे पण

http://www.tradeindia.com/Seller/Textiles-Leather-Products/Home-Textiles...

निंबे..इथेतरी टेबलावर घालायच्या पट्ट्यांना रनर्स म्हणतात....
खाली बसायला आसनपट्टी.. छान नाव आहे..

त्याला मराठीत आसनपट्टी म्हणतात. >>> हो. आम्ही पुण्याच्या खादी भांडारमधून खास जाऊन आणली आहे. त्यांच्याकडे पण एकच उरली होती. ती महाग असते. ६५० ला एक - ज्यावर ३ माणसं खेटून बसू शकतात. पण लहान मुलांना त्यावर बसवून रांगेत खायला खूप आवडते, असा अनुभव आहे.

पुर्वी महानगरपालिकेच्या शाळेत असायच्या अशा पट्ट्या... आताशा जास्त कुणी घेत नाही म्हणाले ते. त्यामुळे आसपासच्या खादी भांडार किंवा तत्सम थोडेसे पारंपारिक गोष्टी मिळणारे, सुती कपड्यांचे दुकान बघा. जाताना एकदम ५+ हव्या असतील तर ऑर्डर द्यायच्या तयारीने जा.

मी ते पतंगी साठीचे रनर्स वाचलं होतं. >>> मी पण!

मागे माझ्या आईच्या मैत्रिणीच्या ओळखीत एक बाई होत्या, ज्या जुन्या जरीच्या साड्यांपासून सुरेख सतरंज्या/ जाजम बनवून देत असत. माझ्या आईने एक जाजम बनवून घेतले होते. २ साड्यांचे सतरंजीच्या आकाराचे तुकडे घेऊन, दोन्ही मध्ये पातळ स्पंज किंवा तत्सम काहीतरी मऊसे घालून, छान दोर्‍याच्या डीझाईनने ते जाजम बनवलेले आहे. >>>>>>>>> असा प्रकार माझ्या लेकाला अंगावर पांघरायला, आईने दिलाय. आईच्या दोन साड्याची खोळ करुन आत पातळ स्पंज भरलाय. तीने ठाण्यातच ते करुन घेतलय. जर हवे असेल तर मी आईला विचारुन पत्ता किंवा फोन देवु शकेन्. तीने सुती साड्या वापरल्यात त्यामुळे स्पंज असला तरी गरम होत नाहि. किंवा थंड हि पडत नाहि.

हल्ली मुंबईत ठिकठिकाणी जुन्या चादरींपासुन आसनपट्टी, गालीचे वै. हातमागावर विणुन देणारी मंडळी आली आहेत.. आम्ही त्यांच्यांकडुन गणपतीला गावी जातान लांबच लांब आसनपट्टी बनवुन गेतल्या होत्या..

अच्छा, आसनपट्टीला रनर म्हणतात होय?

मला वाटलं, स्वयंपाकघरापासून ते पंगतीपर्यंत खाद्यपदार्थांची झटपट ने-आण करण्यासाठी "धावते" रनर्स हवे आहेत!

सोलापूरला पूर्वी टेक्स्टाईलच्या कारखान्यात असे साधे रनर मिळत असे. आता माहित नाही. पण सतरंजी सारखेच पण कमी रुंदीच्या लांब पट्ट्यांप्रमाणे. धुवायला पण सोपे. अर्थात त्यात सिल्क, भरतकाम इ. केलेले नसायचे. पण मिळायला हरकत नसावी.
जुन्या साड्यांपासून गोधडी करून देणार्‍या बायका घरोघरी दुपारच्या वेळेत येत. आता ते बंदच झाले असेल. पण त्यांच्याकडे हव्या त्या आकारात पट्टया कापून शिवून मिळत.

मी तसला प्रकार कोरेगाव पार्क (पुणे) परिसरात बघितला आहे. तेथे असल्या प्रकारची कामे केली जातात. बहुदा त्या राजस्थानी स्त्रिया असाव्यात.

याला "भोजनवळ" असेहि म्हणतात....आमच्याकडे आहेत अश्या भोजनावळी...