शल्य ना दुर्लक्षिल्याचे...

Submitted by सुप्रिया जाधव. on 8 October, 2012 - 11:44

प्रश्न ना दुर्लक्षिल्याचा...
राग येतो ठेचल्याचा !

रक्त गोठू दे हवेतर..
त्रास होतो पेटल्याचा !

दु:ख होते, दु:ख आहे
दे पुरावा सोसल्याचा !

तू असा पाहू नको ना...
भास होतो संपल्याचा !

कोण पश्चाताप होतो !
जन्म सारा रेटल्याचा

मांडला अन मोडलाही...
खेळ झाला भोंडल्याचा !

हारल्यावरती समजते...
गर्व नडतो जिंकल्याचा !

गझल साक्षात्कार आहे
जीवनाला भेटल्याचा !

-सुप्रिया.

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

आई गं SS
काय गझल लिहिलीत सुप्रिया तै!!

बिन मतल्याचीय का ?....असो फरक पडत नाहीच म्हणा !!
Happy

Submitted by वैवकु on 8 October, 2012 - 11:58

प्रश्न ना दुर्लक्षिल्याचा...
राग येतो ठेचल्याचा!

मी हा शेर लिहिताना दुर्लक्षिल्याचा आणि ठेचल्याचा यांच्या जागेची आलटापालट नक्की केली असती.. Happy

Submitted by आनंदयात्री on 9 October, 2012 - 00:22

योगुली , अनिल तापकीर ,पुरंदरे शशांक

आनंदयात्रीजी ,

पण माझा अनुभव वेगळा आहे Happy

मनःपुर्वक धन्यवाद मंडळी.

-सुप्रिया.

Submitted by सुप्रिया जाधव. on 9 October, 2012 - 00:46

तू असा पाहू नको ना...
भास होतो संपल्याचा !

कोण पश्चाताप होतो !
जन्म सारा रेटल्याचा

छान शेर!

Submitted by विजय दिनकर पाटील on 9 October, 2012 - 01:48

प्राजु ,
बेफिकीरजी,
बिनधास्त,
ज्ञानेशजी, (विशेष)
विदिपाजी

धन्यवाद मंडळी.

-सुप्रिया.

Submitted by सुप्रिया जाधव. on 9 October, 2012 - 06:14

रक्त गोठू दे हवेतर..
त्रास होतो पेटल्याचा !

तू असा पाहू नको ना...
भास होतो संपल्याचा !

मांडला अन मोडलाही...
खेळ झाला भोंडल्याचा !

गझल साक्षात्कार आहे
जीवनाला भेटल्याचा !

>>>>>>>>>>>>>>

हे शेर आवडले !

Submitted by रसप on 9 October, 2012 - 06:23

तुम्ही तुमच्या मनातले बोलता अन कवि त्याच्या...>>>>>>>>>>>>एक्सॅक्टली सुप्रियातै ,

ग्रेट वाक्य!!(टोला!!;) ).................
...ख्रिस गेल स्टाईल् !! एकदम १२ रन बहाल या फटक्याला !!
देवसरान्चा " दूसरा" चेन्डू (देवसरान्सकट....)एकदम ग्राऊण्डच्या बाहेरच अगदी!!

Lol Lol Lol

Submitted by वैवकु on 10 October, 2012 - 03:43

सुप्रियाजी, वैभवा!
दुस-यांच्या मनातील बोलता वा लिहिता येत नसेल तर तो कविच कसला?
तो तर फक्त आपल्याच सुखदु:खांना कुरवाळणारा एक सामान्य मनुष्यप्राणीच!
‘परकायाप्रवेश’ हा तर अस्सल कलाकाराचा एक प्रमुख गुणविशेष आहे,. असे जाणकार मानतात!
बाकी आमचे भूषणराव म्हणतात तेच खरे. याला म्हणतात काव्य व याला म्हणतात कवी/गझलकार!
ते म्हणतात..................

क्षूद्र संवेदनांचे उदातीकरण!
का न यावे मराठी गझलला मरण!!
Hats off to बेफिकीरजी!

वैभवा! ही गझल हुडकून, डोळेफाडून वाच! बघ काही प्रकाश पडतो का डोक्यात ते!
थोडेसे आपल्या पायावर उभे रहायला व बिनकुबड्यांचे देखिल चालायला लाग!
किती दिवस आम्ही तरी वाट बघायची तुझ्या तंदुरुस्तीची!
...............प्रा.सतीश देवपूरकर
.............................................................................................

Submitted by सतीश देवपूरकर on 10 October, 2012 - 11:57

तू असा पाहू नको ना...
भास होतो संपल्याचा !

हारल्यावरती समजते...
गर्व नडतो जिंकल्याचा !

>>>>>ंखुप मस्त !!!!
Happy

Submitted by Vaishali1708 on 16 October, 2012 - 02:18