अमूल्य ठेव

Submitted by तुष्कीनागपुरी on 5 October, 2012 - 08:26

विका मंगळसूत्राला
छापा पुस्तक तुमचे
समजावले मी त्यांना
धागे तोडा संकोचाचे

मंगळसूत्राच्या विना
फिरले मी दिस काही
कविता संग्रहा साठी
कशाचीच चिंता नाही

गाजे कविता संग्रह
राज्य पुरस्कार त्याला
स्वप्न पूर्ण होता त्यांचे
जन्म माझा आनंदला

पुरस्काराच्या पैशाने
मंगळसूत्र नि कुडी
आणली त्यांनी, मला ही
ठेव अमूल्य केवढी

तुषार जोशी, नागपूर
०४ आक्टोबर २०१२, १९:३०
वरनॉन हिल्स, शिकागो
http://tusharnagpur.blogspot.com/2012/10/blog-post.html

(कृष्णाबाई नारायण सुर्वे http://www.maayboli.com/node/19084 यांना सादर प्रणाम)

विषय: 
काव्यलेखन
शब्दखुणा: 
अमूल्य ठेव
कृष्णाबाई नारायण सुर्वे
कवितासंग्रह
मंगळसुत्र
Groups audience: 
गुलमोहर - कविता
Group content visibility: 
Public - accessible to all site users
शेअर करा