कसे आवरावे हे वास्तवाचे ओझे?

Submitted by सुधाकर.. on 9 September, 2012 - 14:28

एक वाट तुझी एक वाट माझी,
दिठीतल्या आसवां सुख नसे राजी.

एक हाक तुझी एक साद माझी,
भेटताना क्षितीजे ही भासतात खुजी.

एक क्षण तुझा एक क्षण माझा
क्षणाच्याही सुखासाठी असुसला राजा

एक हात तुझा एक हात माझा
भेटताना ऋतूं गंध दरवळेल ताजा.

एक स्वप्न तुझे एक स्वप्न माझे,
कसे आवरावे हे वास्तवाचे ओझे?

विषय: 
काव्यलेखन
शब्दखुणा: 
गम
Groups audience: 
गुलमोहर - कविता
Group content visibility: 
Public - accessible to all site users
शेअर करा