बॅचलर कोळंबी (फोटोसह)

Submitted by शेवगा on 16 August, 2012 - 21:39
प्रत्यक्षात लागणारा वेळ: 
३० मिनिटे
लागणारे जिन्नस: 

कोळबी -१/२ किलो
कांदे- ३
खोबरे -ओले असेल तर १-१/२ वाटी.(मी इथं खोबरयाची बारीक पूड वापरली आहे)
लसून -५/६
आलं- १/२ इंच
टोमटो - ३ लालबुंद
ति़खट - २/३ चमचे
कश्मिरी मिर्च पावडर - १ १/२ चमचा
तेल - १ डाव मोठा
कोथिबींर - चवीप्रमाणे
दहि - २ चमचे
हळद - १/२ चमचा
धने-जिरे पूड - १ चमचा
काळे मिरी - ४
लवंगा -४
दालचिनी - १ इंच
मीठ - आवडीनुसार

क्रमवार पाककृती: 

बॅचलर कोळंबी, खरंतर नाव वाचून गम्मत वाटली ना !!!
पण याची रेसिपी माझा नवरा बॅचलर असताना करायचा, कारण काय तर म्ह्णे आम्हाला तुमच्या बायकासारखा मसाला करता येत नाही म्हणून आम्ही सगळ एकत्र करतो....टेन्शन नाही !!!!! म्हणून याचं नाव बॅचलर कोळंबी Happy

पण आता आजिबात करत नाही Sad का तर म्ह्णे आता बॅचलर नाही ना Happy
पण खर खर सांगू का खरच खुप सोपी आहे ही.

बरं ते जाऊदे आपण रेसिपी बघु.

१) कोळंबी निवडून स्वच्छ करून; त्याला दही, हळद, मीठ, धने-जिरे पूड पेस्ट लावून बाजुला ठेवा.

IMAG0296.jpg

२) आता मसाला करु, एका पॅन मध्ये फक्त १ चमचा तेल घाला, तेल गरम झालं की, त्यात काळे मिरी, लवंगा, दालचिनी, भाजून घ्या, मग त्यात कांदाचे मोठे काप करुन ते सुद्धा परतून घ्या. मग त्यातच लसून,आलं भाजून घ्या. आता टोमॅटो अणि खोबरं घाला आणि १/२ चमचा मीठ घालून छानपैकी शिजून घ्या अणि मग कोथिंबीर घाला. हा बघा असा.....

IMAG0299.jpg

३) आता हे सगळा मसाला मिक्सर मधून चागंला बारीक करुन घ्या.
४) एका मोठया भांड्यात तेल गरम करून त्यात तिखट आणि कश्मिरी मिर्च पावडर टाकून मग त्याला चांगल तेल सुटल्यावर त्यात हा मसाला चांगला परतून घ्या आणि आवडीनुसार मीठ टाका.

IMAG0301.jpg

५) मग त्यात कोळंबी घालून त्या मस्तपैकी परतून घ्या आणि ३ वाट्या पाणि घालून शिजून घ्या..
ही बघा आपली तयार बॅचलर कोळंबी Happy

IMAG0306.jpgIMAG0308.jpg

वाढणी/प्रमाण: 
३/४ जणासाठी
अधिक टिपा: 

१) भात किंवा पोळी/भाकरी बरोबर छान लागतो.
२) जर आवडत असेल तर चिंच घातली तरी खुप छान लागतो. (आमचे हे सातारा कडचे असल्याने ति़खट लागते, चिंच आजिबात चालत नाही. Sad

माहितीचा स्रोत: 
आमचे हे .......
आहार: 
मांसाहारी
पाककृती प्रकार: 
मासे व इतर जलचर
शब्दखुणा: 
मासे
कोळंबी
Groups audience: 
पाककृती आणि आहारशास्त्र
Group content visibility: 
Public - accessible to all site users
शेअर करा

तरी म्हटलं बॅचलर कोळंबी ओळखायची कशी ? बॅचलर मुलगी / मुलगा ओळखण्यासारखं नाही हो ते . Proud
मस्त रेसीपी.

Submitted by श्री on 16 August, 2012 - 21:46

धन्स श्री , aashu29, टोकुरिका
पण केवढं ते तेल्.....दह्यामुळं सुटलेलं दिसतय!! >>>>>>>>> आग मी जरा अस काही करायच असल की जरा हात मोकळा सोडावा लागतो Happy
श्रावणात असा अत्याचार नका हो करू >>>>>>> आग इथ मी फक्त सोमवार पाळते.... आमच्याकडे आठवड्यातून २/३ वेळा non-veg असतच.... काय करणार- नवरा अणि मुलगा फक्त non-veg आवडत.

Submitted by शेवगा on 17 August, 2012 - 00:22

वा वा वा
एकदम कातील दिसतेय कोलंबी

आमच्यासारख्या दुर्लक्षित बॅचलारांसाठी एकदम उपयुक्त
माझ्या खिचडी बरोबर सुद्धा हे "कोम्बिनेषण" भन्नाट लागेल Biggrin

Submitted by मुरारी on 17 August, 2012 - 06:47

धन्स सगळ्याना shrushti14@gmail.com , इंद्रधनुष्य, सस्मित, anusaya, बेफ़िकीर,प्रसिक, प्रसन्न अ !!!!

श्रावण संपल्याचे सार्थक झाले.>>>>>>>> मला पण Biggrin Biggrin
माझ्या खिचडी बरोबर सुद्धा हे "कोम्बिनेषण" भन्नाट लागेल >>>>. खरच छान लागेल, मी पण ट्राय करेन... Happy

Submitted by शेवगा on 22 August, 2012 - 21:03

अरे, बघितलिच नव्हती ही पाकृ..

छान वाटत्येय.. नवरोबांना करुन देइन Happy माझ्यासाठी भाज्या घालेन Proud

Submitted by लाजो on 22 August, 2012 - 21:31

चला या वेळी डीश फोटोसह आली, नाहीतर मागच्या वेळी फोटो काढेकाढे पर्यंत संपून गेली होती.. Happy
झक्कास दिसतेय कोळंबी.. उद्या शुक्रवार...हं .. ठरलं पक्क! Happy

Submitted by चंबू on 22 August, 2012 - 23:06

छान वाटत्येय.. नवरोबांना करुन देइन माझ्यासाठी भाज्या घालेन >>>>> नक्की ट्राय कर खुप सोपी आहे, आणि तू non-veg आजिबात खात नाहीस ?????

Submitted by शेवगा on 23 August, 2012 - 01:36

चला या वेळी डीश फोटोसह आली, नाहीतर मागच्या वेळी फोटो काढेकाढे पर्यंत संपून गेली होती.. >>>>>>>>>>>>> या वेळी मी सगळ्यानां सागिंतल होत....फोटो काढल्याशिवाय जेवण नाही Happy

धन्स बित्तुबंगा !!!

Submitted by शेवगा on 23 August, 2012 - 01:39

शेवगा. रेसिपी सुपर्हिट्टं झालीये माझ्याकडे..
आज नुस्ताच मसाला करून फ्रीझ केलाय Happy
मसाला भारी वेळ घेतोय पण तो तयार असलाकि कमीतकमी दोन वेळा तरी करी करता येते झटपट!!!
मटन याच मसाल्यात करून झाले.. टू गुड

Submitted by वर्षू. on 3 September, 2012 - 03:24

अरे वा ! हे चाखलच, अर्र्र वाचलच नव्हतं मी. भारी आहे. एकदम मस्त. करावंच आता Happy धन्यवाद !
आहा काय मस्त वाटेल गरम गरम भात अन ही बॅचलर कोळंबी ! सगळे फोटो एकदम कातिल Proud
तुमचे नाव अन कोळंबी म्हटल्यावर "डांबवणी" ची आठवण झाली.

Submitted by अवल on 3 September, 2012 - 23:46

धन्स वर्षू नीलू.. मस्त टेंमटिंग दिसतेय तूझी डिश.... मी सुद्धा कधी कधी जास्त करुन ठेवते.फार उपयोगी पडतो...

धन्स अवल आणि प्रिति १
.
तुमचे नाव अन कोळंबी म्हटल्यावर "डांबवणी" ची आठवण झाली.>>>>"डांबवणी" म्ह्णजे काय असत? मला माहीत नाही Sad

Submitted by शेवगा on 3 September, 2012 - 18:18

शेवगा... एखाद्या आळसावलेल्या रविवारी मस्त पाऊस पडत असताना अशी झणझणीत गरमागरम तोंपासू डिश हाणून मग ताणून देण्यात स्वर्गसुख आहे... (अर्थात हे माझं नव्हे आमच्या ह्यांचं मत! नॉनव्हेजच खाणार्‍यांच्या बायकांचा रविवार उलट जास्त बिझी जातो... या रविवारच्या चोचल्यांची सोय केल्याबद्दल धन्स! Happy )

फक्त विचारायचं होतं ५-६ लसूण म्हणजे लसूण पाकळ्याच ना?

माहीतीच्या स्त्रोतमध्ये आमचे 'हे' वाचून गंमत वाटली आणि तुमच्या ह्यांचं कौतुकही! Happy
नावपण इंटरेस्टिंग आहे पाकृ चं

"डांबवणी" म्हणजे बहुदा शेवगा + कोळंबी असा प्रकार असावा असं वाटतंय....! Happy

Submitted by dreamgirl on 4 September, 2012 - 00:32

बॅचलर कोळंबी... भारीये. Happy

हे असे धागे उघडायचे म्हणजे जल्ला स्वतःलाच त्रास करुन घेण्यासारखे आहे.. Proud

Submitted by सेनापती... on 4 September, 2012 - 00:35

५-६ लसूण म्हणजे लसूण पाकळ्याच ना >>>>> हो ग !!! मी अजुन नवीनच आहे ना इथे Happy

नॉनव्हेजच खाणार्‍यांच्या बायकांचा रविवार उलट जास्त बिझी जातो >>>> अगदी खर आहे Happy

धन्स dreamgirl आणि सेनापती Happy

Submitted by शेवगा on 4 September, 2012 - 20:35

आग तृष्णा ही माझ्या नवरयाची रेसिपी आहे (त्याला काय कळतंय कशा बरोबर काय घालायच नाही ते Happy )
पण जर तुला वाटत असेल तर दही नाही घातल तरी चालेल ग, दही न घालता सुद्धा छान होईल ही कोळंबी Happy

Submitted by शेवगा on 10 October, 2012 - 17:39