कात

Submitted by वैभव फाटक on 2 July, 2012 - 03:28

लाख दु:खे उंबऱ्याशी ठाकली
त्यात तू पेटी सुखाची झाकली

वादळाला जिंकले तेव्हाच मी
नाव पाण्यातून जेव्हा हाकली

दु:ख की आनंद व्हावा, ऐकुनी ?
"थोरली कन्या नको, द्या धाकली"

भार जेव्हा आठवांचा जाहला
मी नव्याने कात तेव्हा टाकली

वाहिली नाहीत ऐसी रोपटी,
रोपटी जी, वेळ येता वाकली

वैभव फाटक ( २४ जून २०१२)

गुलमोहर: 
मराठी गझल
शब्दखुणा: 
वैभव फाटक; मराठी गझल
शेअर करा

सहीच...... Happy

भार जेव्हा आठवांचा जाहला
मी नव्याने कात तेव्हा टाकली

वाहिली नाहीत ऐसी रोपटी,
रोपटी जी, वेळ येता वाकली

हे सुरेख्..........आवडले.......... Happy

Submitted by योगुली on 2 July, 2012 - 04:23