'हेल्दी ओट मफिन्स' - ब्रेकफास्ट ऑन द गो (फोटोसह)

हो सगळीच मापं- कणिक, ओट्स, साखर, तेल, दूध, दही- 'मेजरिंग कप'चे प्रमाण.

ओके! डन!!

हे लोफ पॅन्स अथवा मफिन पॅन्स नसल्यास काय करता येइल?

मला खजुर पावडर भेट मिळालीय. तिनेक आठवड्यापुर्वी बनाना लोफ बनवताना साखरेच्या जागी ती वापरली. लोफ वरुन थोडाफार फुलला, तळाला थोडे पिठ न फुलता घट्ट बसुन होते. मला वाटते खजुर पावडर नीट मिस्क झाली नसणार आणि त्यामुळे ती खाली बसली असणार.

मागे खजुर लोफ बनवताना खजुर नीट तुकडे करुन न घेतल्याने असाच जड होत लोफच्या तळाशी बसला होता. वरच्या बाजुने फुललेला आणि खालच्या बाजुने सांदणासारखा बसलेला खजुर लोफ माझ्या वाट्याला आलेला..

उद्या वरचा हेल्दी लोफ खजुर पावडर वापरुन करायचा प्रयत्न करुन पाहते . आय होप माय गँबल पेज.. (विश मी लक मैत्रिणींनो )

नंदिनी, लोफ / मफिन पॅन नसले तरी ओव्हनप्रुफ काचेचे बोल्स, वाट्या , केक चे गोल भांडे यातही करता येतिल..
>> वोक्के. करके देखेंगा.

मस्त झाले लाजो हे मफिन्स... लेक आणि नवरा आवडीने खात आहेत
मी सफरचंद वापरली यात.... (अ‍ॅपल पिकिंग ची कृपा)
लेकीची फर्माईश सजावट म्हणून ट्रूटी-फ्रूटी टाकलेत वर.... अरे हो आणि ते क्वेकर फ्लेवर्ड ओट्स वापरून चांगले झालेत.. बरेच दिवस पडुन होती पाकिटं ती वापरात आली थँक्यू हे बघ फोटो....

खजुर पावडर वापरुन लोफ केला आणि संपलाही. खजुर पावडर कोमट दुधात घालुन ठेवलेली तरी मला तळाला लोफ ब-यापैकी ओला वाटला. लेकीने 'मस्त वाटतेय पिठासारखे खायला' म्हणत खाल्ला पण मला तरी अजुन थोडा कोरडा झाला असता तर बरे झाले असते असे वाटले. यापुढे उरलेली खजुर पावडर शि-यात्/हलव्यात वापरुन संपवणार. कुठल्याही लोफमध्ये वापरणार नाही.

मागे एकदा तेलाच्या जागी शेंगदाणा तेल वापरलेले. तयार लोफला तेलाचा कच्चट वास येत होता. मग मुद्दाम लोफ करण्यासाठी सनफ्लॉवर आणले. पण एकदा लोफसाठी वापरुन झाल्यानंतर परत लोफ केलेच नाही. शेवटी ते तेल सैपाकाला वापरले. काल परत तेल आणायचा कंटाळा केला. शेंगदाणा तेल थोडे गरम केले आणि मग थंड करुन वापरले. एवढा काही वास आला नाही. आता ऑऑ ची एक बाटली आणुन ठेवायला हवी. ते वापरुन्केलेले लोफ सगळ्यात छान लागलेले.

वा, मस्तच दिसत आहेत सगळ्यांचे मफिन्स. साधना, माझ्याकडे पण बरीच खारीक पावडर पडून आहे आणि तू इथे एवढं लिहूनही मला प्रयोग करायची खुमखुमी आलीय

काल परत तेल आणायचा कंटाळा केला.>> केकसाठी तेलच वापरायचे असा अट्टहास का? लोणी-तूप वापरूनही चव मस्त लागते.

खजूर पावडर दुधात थोडी भिजत घालून नंतर ब्लेंड केली की मस्त खजूर मिल्कशेक तयार होते. नाहीतर ती लाडवातही घालता येईल.

अगो, खारीक पावडर लाडवात घाल.

खजूर आणि खारीक पावडर एकच ना ?

अगं साधना खजूर पावडर म्हणाली म्हणून तिच्यासाठी खजूर पावडरीचा उल्लेख केला, तू खारीक पावडर म्हणालीस म्हणून तुझ्यासाठी खारीक पावडर म्हटलं

खजूर वेगळा आणि खारिक वेगळी. पावडरीही वेगवेगळ्या होणार नाहीत का?

कुठल्याही कोरड्या गोष्टीच्या चूर्णाला पावडर म्हणतात आणि ओल्या पदार्थाच्या चूर्णाला गंध किंवा वाटण म्हणतात

मग तुझ्या म्हणण्यानुसार खारकेची पावडर होईल आणि खजूराचे गंध (!) (चूर्ण म्हणवत नाहीये!)

बर बास. त्यापेक्षा मफिन्स करा!

सही !
मानुषी >>>लाजो "द बेकिन्ग क्वीन ऑफ माबो"! <<< +१००
सर्वांचेच मस्त झालेत.

आज केले लाजो हे मफिन्स. मी तेलाऐवजी तूप वापरले. मस्त चव आली. मी एका अंड्याऐवजी दोन अंडी वापरली म्हणून असेल पण रंग मात्र जरा फिक्कट आलाय आणि थोडे कोरडे वाटले मला. पुढच्यावेळेला दूध थोडं जास्त घालेन.

केकसाठी तेलच वापरायचे असा अट्टहास का? लोणी-तूप वापरूनही चव मस्त लागते.

अगं तसे तर चांगले होतातच नो डाऊट. पण माझ्याकडे तुपाचा जास्त साठा नसतो आणि हेल्दी करायचे म्हटले की लोणी वापरायला जीवावर येते. अर्थात केक बनवायचा असेल तर मग मी बहुतेक लोणीच वापरते. तेल कधी वापरले नाही अजुन. (प्रयोग करुन पाहायला हवा) केकमध्ये पोत कसा येतोय हेही महत्वाचे असते. लोफमध्ये एवढा फरक पडत नाही.

खजूर पावडर आणि खारीक पावडर मधे आधी २-३ चमचे कणीक मिसळून बघा. म्हणजे ती नीट पसरेल. मफिन्स्मधे चॉकोलेट चिप्स घालताना असेच केल्याने ते तळाशी बसत नाहीत.

पूनमच्या टीपेप्रमाणे अंड्याऐवजी एक कप दही घालून ओटस् लोफ केला. मस्त फुगला वगैरे, पण १८० डिग्रीला ३० मिनिटे भाजूनही मधे ओला राहिला. मग पुन्हा २०० डिग्रीला १५ मिनिटं भाजला तेव्हा छान झाला. माझी बेपा बहुतेक नविन आणायला हवी आहे. लोफची चव आवडली. छान हलकाही झाला.
दीड कप मापाने भरपूर झालाय. डब्यात तुकडे भरून ठेवलेत. काल छान लागत होते, पण आज जरा दमट/ किंचीत ओलसर लागताहेत. का असावे असे?

माझा असा अंदाज(च) आहे फक्त की कणकेचा केक/लोफ वगैरे केले की नंतर ते ओलसरच राहते, कारण हाच अनुभव बनाना ब्रेडचाही आहे. मैद्याचे केक/ मफिन्स केले की कोरडे होतात आणि राहतात.

मग काय ते फ्रिजमधे ठेवायचे का?
आज खराब झाले - हाताला बुळबुळीत लागले ते तुकडे

हो, फ्रीजमध्ये ठेवायचे आणि २-३ दिवसात संपवायचे.
मैद्याचा केक टिकतो बाहेरही ४-५ दिवस तरी नक्की.

लाजो,
फारच उत्तम रेसिपी! गेले काही दिवस ब्रेकफास्ट चे वेगळे पर्याय शोधत होते. तेच तेच खाऊन कंटाळा येतो आणि मग नको ते (unhealthy) खाल्ले जाते. नवर्‍याला ओट्स फारसे प्रिय नाहीत, पण असे काही केले की खातो!! छोटे बाळ आहे ते पण नंतर वेगवेगळे मागेलच. त्यासाठी सध्या trials चालू आहेत. बेकिंग क्षेत्रात (आणि माबोवर पण) मी तशी नवीनच. त्या मानानी हा पहिला प्रयत्न बरा झाला. मी केलेले बदल:
१. रोल्ड ओट्स नव्ह्ते, त्यामुळे ओट ब्रान + कणिक असे केले.
२. गाजर, भोपळी मिर्ची, पातीचा कांदा असे घातले.

माझा मसाला थोडा जास्त वाटतोय. ( २.५ teaspoon + crushed red pepper). तो कमी घालीन पुढच्या वेळी.

एक विचारायचे आहे की यात तेल कमी चालेल का?

कुकरमध्ये ढोकळ्यागत करता येईल् बहुतेक्