मज आठवते आई

Submitted by जे.डी._भुसारे@y... on 17 June, 2012 - 06:10

लाखो चांदण्या नभात,
कोण उधळून देई.
उल्का तुटून येताना,
मज आठवते आई.

सडा शिंपण रांगोळी,
छान चितारली भूई.
कुंकू रेखताना कोणी,
मज आठवते आई.

थवा पक्षांचा नभात,
नक्षी गुंफण्याची घाई.
पक्षी एकांडा दिसता,
मज आठवते आई.

रात्र थकून झोपली,
कोण गातसे अंगाई.
तान्हा लुचे दिसताना,
मज आठवते आई.

तिन्ही सांजेच्या वेळेला,
का ग हंबरती गाई.
चिर निद्रेत झोपली,
मज आठवते आई.

विषय: 
काव्यलेखन
शब्दखुणा: 
जे.डी.
Groups audience: 
कवि आणि कविता
गुलमोहर - कविता
Group content visibility: 
Public - accessible to all site users
शेअर करा

गजरा माळतात, कुंकू रेखतात ,नक्षी काढतात , असे खास वापरण्याचे शब्द योग्य ठिकाणी वापरलेत तर कविता जास्त परिणामकारक होईल , गैरसमज नसावा. चांगल्या हेतूने सुचवत आहे.

Submitted by shilpa mahajan on 19 June, 2012 - 08:54

>>गजरा माळतात, कुंकू रेखतात ,नक्षी काढतात , असे खास वापरण्याचे शब्द योग्य ठिकाणी वापरलेत तर कविता जास्त परिणामकारक होईल , गैरसमज नसावा. चांगल्या हेतूने सुचवत आहे.>>

शिल्पाजी नेमक तुम्हाला काय म्हणायचाय ते खरच लक्षात येत नही.

Submitted by जे.डी._भुसारे@y... on 10 July, 2012 - 08:35

वैशाली अ वर्तक,
प्रतिसादाबद्दल धन्यवाद.

Submitted by जे.डी._भुसारे@y... on 21 July, 2012 - 04:32

माझ्या कार्यालयात नव्याने नियुक्त झालेल्या तरुणीचा पहीला पगार हातात येण्यापुर्वीच त्या तरुणीच्या आईचे निधन झाले आणि त्यावेळेस मला वरील कविता सुचली.

Submitted by जे.डी._भुसारे@y... on 22 July, 2012 - 07:23

खूपच छान, त्या मुलीच्या वाटेला जे दु:ख आलय ते कोणाच्याहि वाटेला येऊ नये पण तुम्ही आईचे योग्य वर्णन केले आहे.

Submitted by मानसी विलास वैद्य on 23 July, 2012 - 01:07

अफाट!!

तिन्ही सांजेच्या वेळेला,
का ग हंबरती गाई.
चिर निद्रेत झोपली,
मज आठवते आई.

ग्रेट समारोप!

Submitted by रसप on 2 August, 2012 - 04:25