टवाळक्या (उपेक्षितांचे अंतरंग)

Submitted by टवाळ - एकमेव on 24 April, 2012 - 01:41

मित्रांनो ! मी तसा मा.बो. वरचा जुनाच पडीक आहे. म्हणजे बघा, उणीपुरी १० वर्षे काढलीत मी ईथे. सुरवातीची साडे-चार वर्षे मी अगदी साधा-सुध्या स्वरूपात जपून-जपून प्रतिक्रिया देत काढली. पण माझा येळकोट काही रहात नव्हता आणि मुळ स्वभाव जात नव्हता. शेवटी एक दिवशी माझ्यातल्या मी चा साक्षात्कार झाला आणि "नम्र टवाळा" चा जन्म झाला. बराच काळ मुख्यतः कट्टा आणि क्वचित दुसर्‍या काही पानांवर टवाळक्या केल्यानंतर आता स्वतःचे एक पान सुरू करावे अशी सुरसुरी आली. या पानाचे नाव मी "टवाळक्या (उपेक्षितांचे अंतरंग)" असे देण्याचे मुख्य कारण टवाळ या आय्-डी सारख्याच मा.बो. असंख्य चित्र-विचित्र वाटणार्‍या आय-डी आहेत आणि रोज असंख्य नविन जन्मत पण आहेत. हे आय-डी वेगवेगळ्या ठिकाणी आपापल्या मतांची पिंक टाकत फिरत असतात. बर्‍याच वेळेला त्यांची मतं, प्रतिक्रिया या खरोखर चांगल्या आणि विचार करण्यासारख्याही असतात. परंतू, विचित्र स्रिन-नेम मुळे त्यांची दखल फारशी घेतली जात नाही. अशा या उपेक्षितांनी या पानावर येऊन आपले अंतरंग मोकळे करावे ही माफक अपेक्षा या पानाच्या निर्मितीमागे आहे. अर्थात सर्व धर्माच्या, जाती-पंथाच्या, वेगवेगळ्या कंपूंच्या आय्-ड्यांना ईथे मुक्त प्रवेश आहेच.

- नम्र टवाळ

विषय:

मनोरंजन

मायबोली

Groups audience:

विरंगुळा

Group content visibility:

Public - accessible to all site users