सोलापूरी दाण्याची चटणी

सहि.....

वाह!! मस्त होते ही चटणी.
आमचे एक शेजारी कुटुंब सोलापुरजवळील तडवळ गावाचे होते. ते गावावरून आले की डबे भरभरून ही वायनात कांडलेली चटणी घेऊन यायचे. आमच्याकडे शेजारधर्मानुसार व मागणीनुसार चटणीचे पार्सल यायचेच!! मग खाऊ खाल्ल्यासारखी जाता-येता तोंडात टाकून ही चटणी बघता बघता संपायची!
गावावरून त्यांच्या घरी काम करणार्‍या गऊबाईंच्या हातच्या पातळ, खरपूस, पापुद्रा सुटलेल्या भल्या थोरल्या भाकर्‍या आणि ही चटणी आमच्या घरी आली की आम्हाला मेजवानीच असायची मस्त!

अंजली , तू व्हर्जिनिया पीनटस अमेरिकन स्टोर मधून आणतेस का on-line मागवतेस ? आणि दाण्याची आमटी कशी करतेस ?

ओके....करून बघते ग ..थैंक्स !
पण आमटी मध्ये कोणती डाळ नाही मग खूप पातळ नाही होत का?

दाण्याची आमटी माझी आई अशी करते -
उपवासाची आमटी - दाण्याचे कूट किंवा दाणे + हि. मिरची चवीनुसार + मीठ + साखर आवडत असेल तर हे मिक्सर मधून बारीक वाटायचं. तुपाची जिरे घालून फोडणी करायची. मग हे वाटण घालून लागेल तसे पाणी घालून उकळी आणायची. लिंबूरस/कोकम आवडत असेल तर शेवटी घालून एक उकळी.

नेहमीची आमटी - दाण्याचे कूट किंवा दाणे + तिखट + मीठ + काळा मसाला + चिंच + गूळ वाटण करून घ्यायचे. नेहमीची मोहरी, जिरे, हिंग, कडिपत्ता घालून फोडणी, आवडत असेल तर कांदा थोडा परतून घ्यावा. मग वाटण घालून लागेल तसे पाणी घालून उकळी आणायची. वरून खोबर्-कोथिंबीर.
मस्त लागतात या दोन्ही आमट्या.

छान पाककृती
सोलापूरी चटणीला मजा भट्टीत भाजलेल्या शेंगदाण्यांनी येते. ह्या वेळी आई आली होती तेव्हा तिने मायक्रोवेव्हमधे भाजले, जवळपास तशीच चव होती. हि चटणी करताना थोडं हिंग घालायचं हि तिची टिप

दाण्याची आमटी मस्त वाटतीये. (ही चटणी तर असतेच मस्त आमच्या गावाची) ..

आज केली होती चटणी. मस्त तोंपासु झाली. तिखटाला पांड्या मिर्च्या घेतल्या. बेताची तिखट झाली. लोखंडी खलबत्त्यात कांडली. जेवताना भाजीसारखी खाल्ली!

मीही केली काल. फुडप्रोसेसर मध्ये.
घुंघरू दाणेच होते घरी. त्यामुळे ती चव नाही आली. पण तरीही छान झाली.
धन्यवाद अंजली.

जमली! खलबत्त्यात कुटली ह्या वेळी, त्यामुळे बेताचं तेलही सुटलं तिला. मिक्सरमध्ये अगदीच भरभरीत होते. खलबत्त्यात मस्त झाली, शिवाय ते टेक्श्चरही आलं. धन्यवाद प्रमाण परफेक्ट आहे!

ह्म्म्म.. चटणी ज्वारीची भाकरी, पिठलं दही... मला भूक लागली.

माझ्या मामाची बार्शीला गिरण आहे. त्यामुळे ही चटणी आमच्याकडे तिकडून कुणी आलं की किलोभर घेऊन येतात. (आणि आम्ही ती लगेच संपवतो)

एक्दम मस्त. तोंपासु...:)

अंजली... एकदम कातिल फोटु.... अत्ता चमचाभर तोंडात टाकावी वाटत्येय

एकदम कातिल फोटु.... अत्ता चमचाभर तोंडात टाकावी वाटत्येय >>> लाजो + १०० , सोलापुरी चटणी पाहिल्यावर वाटतं कॅलरीज गेल्या ....

माझी मामी ही चटणी अशीच करते. तिचेही माहेर सोलापूर कडले. धन्यवाद अंजली. हे दाणे किराणात नाही, पण एका स्नॅक्स सेंटर मध्ये मिळतात, तिथुनच आणते.

शेंगा,लसूण,कारळे,तीळ,अळशी यांच्या वेगळ्या चटण्या करतो आणि वेगळ्या वाढून घेतो हव्या तशा.
शेंगा चटणीमध्ये शेंगदाण्यांचा प्रकार आणि कुटून/ कांडून/वाटून/मिक्सरमधून केली यावर चव बदलते - सहमत.