गाजरा 'चं'

गाजरं सोलून घ्यावीत. शेंडा बुडखा काढून किसावीत. मिरच्या धूवून तुकडे करावेत. कोथिंबीर बारीक चिरावी.

किसलेली गाजरं एका मोठ्या बाऊल मध्ये घ्यावीत. त्यात आता फक्त क्रमानी पदार्थ घालावेत, मिसळू नये- आधी मीठ, चवी साठी साखर, लिंबाचा रस, कोथिंबीर, घेतलं असेल तर लाल तिखट.

२ चमचे तेलाची फोडणी करावी-
त्यात मोहोरी, हिंग, हिरव्या मिरच्यांचे तुकडे, हळद घालावी. नंतर ही फोडणी गाजराच्या किसावर ओतावी. यात थोडं दाण्याचं कूट घालावं; सगळी कोशिंबीर सुकेल इतपत. बहुधा ३ चमचे वा जास्त लागेल. गाजरा 'चं' तयार आहे. भरपूर खावं!