तांदळाच्या पीठाची कायलोळी/ घावन

साहित्य :

१ वाटी तांदळाचे पीठ,
१/२ वाटी बारीक रवा,
१ कांदा, १ मिरची,
३ कप दुध, अथवा दिड कप दुध आणि दिड कप पाणी
थोडे मीठ, चवीला चिमुटभर साखर.

चटणीसाठी :-
१/२ नारळाचा चव, ( किस )
३-४ मिरच्या ,
थोडी कोथिंबीर,
थोडे मीठ, व चवीला साखर.

क्रूती :-
एका पातेल्यात तांदळाचे पीठ आणि रवा दुधात किंवा दुध्-पाण्यात भिजवुन १५ मिनिटे ते अर्धा तास ते भिजत ठेवावे. नंतर त्यात १ कांदा व १ मिरची बारीक चिरुन घालावी. व नेहमीप्रमाणे निर्लेपच्या तव्यावर
डोसे करतो त्या प्रमाणे ते घालावेत. दुधात भिजवल्यामुळे एक प्रकारची सुंदर चव येते.

आधीच वर सांगितल्याप्रमाणे चटणी करावी. चट्णीसाठी वेळ नसेल तर नुसते तुपाबरोबर पण कायलोळी
मस्त लागते.

वरील प्रमाणात ७ ते ८ कायलोळ्या/ घावन होतात.

माहितीचा स्तोत :- माझी सुग्रण आई .

चटणीची तयारी .

पीठः-

तयार चटणी.

कायलोळी तव्यावर घातली.

झाकण ठेवल्यावर :-

घावन परतल्यावर

चला, गरमागरम खायला.:)