क्रिकेट - २

द. आफ्रिका वि ऑसीजचा पहिला कसोटी सामना प्रचंड खळबळजनक झालेला आहे. पहिल्या २ दिवसांतच ३१ बळी गेलेत. पहिल्या डावात २८४ धावा केलेल्या ऑसीजने आफ्रिकेला केवळ ९६ डावात गुंडाळून वर्चस्व मिळविले. पण दुसर्‍या डावात कांगारूंना सर्वबाद ४७ अशी नामुष्की पत्करावी लागली. एकवेळ त्यांची धावसंख्या ९ बाद २१ अशी होती. शेवटच्या जोडीने २६ धावांची भागीदारी करून थोडीफार नामुष्की टाळली. दुसर्‍या दिवशी दोन्ही संघांनी मिळून २९४ धावा केल्या पण २३ विकेट्स पडल्या. त्यातल्या १३ विकेट्स उपाहार ते चहापान या २ तासातच गेल्या. दुसर्‍या दिवसअखेर आफ्रिका १ बाद ८१ आहे व विजयासाठी ३ दिवसांत अजून १५५ धावा करायच्या आहेत. डोकं शांत ठेवून ते खेळले तर अडीच दिवसातच आफ्रिकन्सना सामना जिंकता येईल.

पराग,

तेच लिहीत होतो तेवढ्यात तुमची पोस्ट आली सुद्धा.

आजच्या ऑसीज वि आफ्रिका सामन्यात प्रथमच एक नवीन विक्रम झाला. कसोटी सामन्यातले चारही डाव (पूर्ण किंवा अपूर्ण) एकाच दिवशी खेळले जाण्याचा विक्रम आज झाला.

>>> मास्तुरे क्रिकेट -२ असे नाव द्या.नवीन धागा फारच जनेरिक होतंय.

बदल केला.

मुरलीधरन निवृत्त झाल्यापासून श्रीलंकेच्या संघाचे एका सामान्य संघात रूपांतर झालंय. पाकिस्तानविरूद्ध कसोटी मालिका हरल्यावर आजच्या पहिल्या एकदिवसीय सामन्यात श्रीलंका दारूण पराभवाच्या मार्गावर आहे (सर्वबाद १३१).

सचिन, द्रविड व लक्ष्मण निवृत्त झाल्यावर आपलं असंच होणार का?

२००७ व २०११ च्या विश्वचषक स्पर्धेतल्या उपविजेत्या श्रीलंकेचे ग्रह फिरलेले दिसताहेत. पाकड्यांविरूद्ध कसोटी मालिका ०-१ अशी हरल्यावर आता ५ सामन्यांच्या एकदिवसीय मालिकेत ते १-३ असे मागे पडलेत. आजच्या सामन्यात पाकड्यांना फक्त २०० धावांत रोखल्यावर श्रीलंका एक वेळ ३७.४ षटकांत ३ बाद १५५ अशा भक्कम अवस्थेत होती. विजयासाठी ७४ चेंडूत फक्त ४६ धावा हव्या होत्या व अजून ७ गडी बाद व्हायचे होते. संगकारा व जयवर्धने हे दोघेही ५० च्या पुढे पोचले होते.

अचानक संगकारा बाद झाला आणि काही कळायच्या आतच पत्त्याच्या बंगल्यासारखा त्यांचा डाव कोसळला व ४५.२ षटकांत सर्वबाद १७४ अशी दारूण अवस्था होऊन पाकडे जिंकले. आफ्रिदीने धमाल केली (६५ चेंडूत ७५ धावा व ३५ धावांत ५ बळी).

तिकडे आफ्रिका व ऑसीज सामनाही रंगतदार अवस्थेत पोचला आहे. उद्या ५ व्या दिवशी ऑसीजना विजयासाठी अजून १६८ धावा हव्या आहेत व ७ गडी बाद व्हायचे आहेत.

मस्त झाला आजचा सामना. ऑसीजनी जबरदस्त झुंज देऊन जिंकला. पाँटिंग बर्‍याच दिवसांनी बरा खेळला (६२ धावा). मिशेल जॉन्सनने दोन्ही डावात १-१ चे बळी घेतले, पण दोन्ही डावात चांगली फलंदाजी केली (३८ व ४० धावा).

३ महिन्यांपूर्वी कसोटी क्रमवारीत ५ व्या क्रमांकावर पोहोचलेला भारत, विंडीजविरूद्ध २ कसोटी सामने जिंकल्याने आता २ र्‍या क्रमांकावर आलेला आहे. प्रथम क्रमांकावर इंग्लंड (१२५ गुण), नंतर भारत (११७), नंतर द. आफ्रिका (११६), ऑस्ट्रेलिया ४ थे (१०५), श्रीलंका (९९) व ६ व्या क्रमांकावर पाकडे (९८ गुण) आहेत.

भारतासाठी नेहमी त्रासदायक ठरणारा पाँटिंग नेमका भारताच्या मालिकेच्या आधी फॉर्मात आलाय. त्याने लागोपाठ दुसर्‍या डावात अर्धशतक केलंय (किवीजविरूद्ध आज नाबाद ६७). मिशेल जॉन्सन दुखण्यामुळे मालिकेबाहेर गेलाय, पण पॉंटिंग आपल्याविरूद्ध नक्की खेळणार.

सौरभ गांगुली आज संपलेल्या हरयानाविरूद्धच्या रणजी सामन्यात - पहिल्या डावात १७८ चेंडूत १३५ धावा व दुसर्‍या डावात २२ चेंडूत २१. निवडसमितीला त्याचा पुन्हा विचार करायला हरकत नाही.

बिग बॉसमध्ये सायमंड्स -

http://www.loksatta.com/index.php?option=com_content&view=article&id=198...

हरभजन, श्रीशांत व हेडनला पण बिग बॉसमध्ये एंट्री दिली पाहिजे. त्यांच्याशिवाय मजा येणार नाही.

ऑस्ट्रेलिया-किवीज यांचा दुसरा कसोटी सामना एकदम मस्त चाललाय. किवीजला ऑसीजनी पहिल्या डावात १५० मध्ये गुंडाळल्यावर त्यांना फक्त १३६ च करता आल्या. सामन्याच्या एकूण ३० तासांपैकी केवळ ९ तासांतच २० गडी बाद झालेत. होबार्टची खेळपट्टी इतकी जबरी असेल वाटलं नव्हतं.

किवीजना १४ धावांची आघाडी मिळाली आहे आणि दुसर्‍या दिवसाखेर त्यांच्या ३ बाद १३९ धावा झाल्या आहेत (एकूण आघाडी १५३ धावांची). जर किवीजनी बर्‍यापैकी फलंदाजी करून ३०० धावांचे लक्ष्य ठेवले तर त्यांना कसोटी जिंकायची चांगली संधी आहे.