ही जगाची रीत नाही[तरही]

Submitted by छाया देसाई on 3 August, 2011 - 04:29

दग्ध बी रुजवीत नाही
ही जगाची रीत नाही

शोधसी जेथे प्रकाशा
स्नेह त्या समईत नाही

कोरड्या वातीस ज्योती
मंदशी जळवीत नाही

वाळल्या पुष्पास भ्रमरा
प्रीत खिजगणतीत नाही

राग नाही सूर नाही
हे तुझे संगीत नाही

मोहवी जो तनमनाला
गंध तो मातीत नाही

सूर्यही झेलून छाया
रात्रिला उजळीत नाही

गुलमोहर: 
मराठी गझल
शब्दखुणा: 
तरही गझल
शेअर करा

छायाजी,
मस्त ग़ज़ल. प्रत्येक शेर सशक्त. ही दुसरी वेळ जेंव्हा पहिली तरही ग़ज़ल आपणाकडून आली आहे. शुभेच्छा.

Submitted by निशिकांत on 3 August, 2011 - 09:55