रावण पिठले

Submitted by तृप्ती आवटी on 21 July, 2008 - 13:56
प्रत्यक्षात लागणारा वेळ: 
१० मिनिटे
लागणारे जिन्नस: 

१ वाटी डाळीचे पीठ, १ वाटी नारळाचा चव, १ वाटी लसुण, १ वाटी गोडेतेल, १ वाटी तिखट (होsssय १ वाटीच), २ वाट्या पाणी, १ वाटी कोथींबीर बारीक चिरुन, मीठ चवीप्रमाणे.

क्रमवार पाककृती: 

लसुण, तेलाशिवाय वरील सर्व साहित्य एकत्र करुन घ्यावे. तेलात हिंग-मोहोरीची फोडणी करावी. त्यात लसुण चांगला लाल होईतो परतुन घ्यावा. मग वरील मिश्रण घालावे. नीट हलवुन झाकण घालुन शिजवावे. अगदी वड्या पडण्या सारखे नाही पण जरा घट्टसर पिठले होते.

वाढणी/प्रमाण: 
२ साधारण खाणारी मोठी माणसे (बहुतेक)
अधिक टिपा: 

ही मला माहिती असलेली रावण पिठल्याची कृती. हा कोल्हापुरी प्रकार आहे असे ऐकुन आहे. इथे लय कोल्हापुरी बाया-बापे हायेत. त्यांनी कृपया डोळ्यांखालुन घालावी. मी काही सुगरण नाही. त्यात नवर्‍याने पिठले कायम मेसमधे खाल्लेले. त्यामुळे मी लग्नानंतर पहिल्यांदाच हे पिठले केले तर त्याने स्वतःसाठी चिकन मागवले. चवीसाठी म्हणुन एक घास खाल्ला आणि चिकन बाजुला ठेवुन पिठल्यावरच ताव मारला Happy

माहितीचा स्रोत: 
माझे बाबा
आहार: 
शाकाहारी
पाककृती प्रकार: 
आमटी, कढी, पिठले
प्रादेशिक: 
वैदर्भीय
शब्दखुणा: 
पिठलं तिखट झुणका
Groups audience: 
पाककृती आणि आहारशास्त्र
Group content visibility: 
Public - accessible to all site users
शेअर करा

काल केले होते. फक्त तिखट आणी तेल १/४ वाटी टाकले. अहाहाहा मस्त झालेले. भरपुर केले होते. उरलेले आज आणलेय डब्यात Proud

Submitted by वर्षा_म on 30 August, 2010 - 01:18

ह्म्म्म्म्!!स्लर्प!! मीपण करते हे पिठलं..अगदी भरपूर तिखट घालून.. पण नारळ,दाण्याचा कूट वजा करून.. कालवलेल्या पिठात जिरं घालते त्या ऐवजी.. बाकी फोडणी सेमच!! गाकर करते बरोबर.. कारण भाकरीचं पीठ मिळत नाही इकडे..

Submitted by वर्षू. on 30 August, 2010 - 03:14

काल मी केलं होतं रावण पिठलं. पण तो झुणका झाला होता. चवीला ब्येश झालं. अर्थात तिखट १ वाटी वै नाही घातलं.

धन्यवाद सिंडी.

Submitted by आऊटडोअर्स on 11 February, 2011 - 20:56

रावण पिठले >>> म्हंजी रावणाने केलेल पिठलं का ?
मी काही सुगरण नाही.......आणि चिकन बाजुला ठेवुन पिठल्यावरच ताव मारला >>> ह्यातल नक्की कुठल वाक्य खरं आहे ? Uhoh

Submitted by बाजिंदा on 11 February, 2011 - 22:00

बाजिंदा, याचा अर्थ असा घेतला तर चालेल मला वाटतं. सुगरण नसतानाही नवर्‍याने ताव मारून खाल्लं म्हणजे झक्कास झालं होतं. कोणालाही जमेल करायला, अगदी तुम्हांलाही.

Submitted by आऊटडोअर्स on 11 February, 2011 - 22:14

मस्त पारंपारिक रेसीपी !
मी रावण पिठले अगदी पहिल्यांदा नगरला काकांकडे खाल्लेलं. पण तिकडे ओल्या नारळाऐवजी सुक्या खोबर्‍याचा कीस घालतात, थोडा ओवा ही घालतात. एक वाटी तिखट घातलेलं असलं, तरी जास्त तोंड भाजत नाही किंवा काही त्रास ही होत नाही, कारण बरोबरीने १ वाटी तेल ही असतं ना..!
रावण पिठलं + भाकरी + पातीचा कांदा + गाजर + कच्ची मेथी पाने (हे सगळं काश्या च्या थाळीत) = स्वर्गीय खाद्य !

Submitted by गिरिश देशमुख on 15 February, 2011 - 06:56

रच्याकने : रावण पिठल्याची जन्मभूमी विदर्भ किंवा कोल्हापूर नसून नगर-बार्शी-सोलापूर हा भाग आहे. त्या भागात घरोघरी रोज रा.पि. खाल्लं जातं Happy

Submitted by गिरिश देशमुख on 15 February, 2011 - 07:00

सिंडे मस्त पाककृती!!!
आजच करुन पाहिलं.भीत भीत पाव वाटी तिखट टाकले.पण बाकी माल मसाला वरीलप्रमाणेच घेतला.अतिशय बेस्ट झालं रावण पिठलं.सोबत वालाचं बिरडं,पोळी,ताक आणि भात...

Submitted by पूर्वा on 18 March, 2012 - 16:56

हे आहे नागपुरातलच. पण रावण झुणका अस म्हणतात. पाणी न घालताही ह्याची रेसिपी आहे. तो झुणका जास्त टिकतो असे म्हणतात.

Submitted by अविनाश जोशी on 20 March, 2012 - 02:57

अहाहा .... गावच्या आठवणी जाग्या झाला !!

सातार्‍यात ...कासला जाताना एक " प्रकृती हेल्थ रेसोर्ट " नावाचे हॉटेल लागते .... तिथे रावणपिठले असले भन्नाट मिळते .....अहाहा ......तोंपासु .

Submitted by भूत on 20 March, 2012 - 04:24

मस्त आहे.

एकदा टीव्हीवर दाखवलं होतं त्यात खोबरे, कोथिंबीर नव्हतं घातलेलं. बाकी कृती सेम. मी तसं करते.

आता खोबरं आणि कोथिंबीर टाकून बघेन.

पाकृ विदर्भातलीच आहे, असं सांगितलं होतं टीव्हीवर.

Submitted by अन्जू on 13 August, 2015 - 07:34

वैद्यसाहेब, खाल्यानंतर पदार्थ आणि तोंडीलावण्याची चव कशी होती ते आवर्जून नमुद करा.

पाणी पिण्याआधी नमुद करा हे लिहायला विसरलो.:P

Submitted by गगोपंत on 13 August, 2015 - 07:55

टीनाबाय किती उत्साही तू, इथे बघितलं कि लगेच करतेस. छान आहे.

माझं जरा कोरडं होतं ह्याच्यापेक्षा. तेल खूप सुटेपर्यंत मी परतते. पाणी जरा कमी घालते.

Submitted by अन्जू on 13 August, 2015 - 14:19

करून बघणं आलं आता! टीना, मस्त रंग आलाय तुझ्या पिठल्याला, तेल सोडले तर बाकी मस्त वाटतेय !!
पण कमी म्हणजे तरी किती तेल घातलेस तू एकटीच्या पिठल्याला ? कुतुहल वाटत आहे Happy

Submitted by maitreyee on 13 August, 2015 - 14:20

अन्जू, बेसन कच्च्ट लागेल अस वाटल गं म्हणुन जरा जास्त घातल पाणी..

maitreyee , या अश्या दोन वाट्या झाल बेसन..म्हणजे बघ अर्धी वाटी बेसन घेतल होत त्यात छोटे दोन चमचे तेल घातल..अर्धी वाटी टाकायची हिम्मत नै झाली माझी..माहिती होत ना बेसनात तेल सुटत म्हणुन.. Wink

योकु , अतलिस्ट तु तरी बेसन म्हण..मला पिठल हा शब्दच बोलायला कसतरी वाटतो. पिठल म्हटल कि हळदिच बेसन अस समोर येत..म्हणुन या प्रकाराला म्हणजे बेसनापासुन बनवलेल्या अश्या प्रकारांना घरी आम्ही बेसनच म्हणतो..

२ चमचे तेल घेतल..
त्यात हिंग जिरं मोहरीची फोडणी दिली..लसणाच्या १० १२ पाकळ्या अद्रक किसनीवर किसुन घेतल्या आणि तेलात टाकल्या..लालसर झाल्यावर अर्धी पेक्षा जरा कमी वाटी बेसन + त्यापेक्षा थोड जास्त पाणी + मुठभर बारिक चिरलेला सांभार + पाव चमचा हळद + दोन मोठ्ठे चम्मच तिखट + चवीनुसार मीठ हे सर्व मिश्रण त्यात ओतल.. कालवकुलव करुन जरा वेळ झाकुन ठेवल Happy
टाडा..झाल तय्यार..

Submitted by टीना on 13 August, 2015 - 14:44

टीना,
मस्त दिसून राहिलं पिठलं.डिट्टेलमधे लिहून काढ जो.
ते इतकाले निंबू रोजच खाते का व माय?

Submitted by देवकी on 13 August, 2015 - 14:49

ओके टीना, कौतुक आहे तुझं. काल रस्सम, आज रावण पिठलं. मी खूप परतते आणि कोरडं झालं की झाकण ठेऊन gas बंद करते. ओले खोबरे आणि कोथिंबीर घालून ह्या पद्धतीने करायचंय. बघूया मुहूर्त कधी लागतो ;).

Submitted by अन्जू on 13 August, 2015 - 14:52

Pages