आज सागर 'गोड' जाहले

Submitted by चातक on 5 June, 2011 - 11:13

***
फेर धरला वार्‍याने दाटुनी आले आभाळं
मळभ साचला वातावरणी, धावुनी आली शितलहर
सोसाट्याच्या वार्‍याने उडाले छत बावरुन
धुळ्-केराने घेतल्या गिरक्या
झाडे-झुडुपे.. नतमस्तक...

पाहुनी नभी अवाढव्य काळे हत्ती
प्राणी मात्रांत पसरली एक भिती
अकस्मात हे आज घडले
सुर्याने ही तोंड लपविले
भरदुपारी अंधारुन आले
होते नव्हते सगळे धावपळीला लागले..

विद्युलता ती कसली भिती तिज
काळ्यामधुनी ती 'शुभ्र' चमकली
मेघांच्या गर्भातुनी, अवकाशाच्या कवेतुनी
माणिक-मोत्यांची क्षणांत तिने सुटका केली...

पाहताक्षणी 'धरे'ला त्यांनी घर आपले ओळखिले
स्वःअस्तित्त्व त्या मोत्यांनी या मातीला समर्पिले
दरवळ दरवळ दरवळीले
चैतन्य चौफेर उधळीले
मातीतुनी आज मिठागर
गोड हासले..
आज 'सागर' गोड जाहले.. Happy

***
- चातक. ०५०६२०११

गुलमोहर: 
काहीच्या काही कविता
शब्दखुणा: 
पाउसमय
शेअर करा

छान.

Submitted by जागू-प्राजक्ता-... on 5 June, 2011 - 12:03

अकस्मात हे आज घडले
सुर्याने ही तोंड लपविले
भरदुपारी अंधारुन आले
होते नव्हते सगळे धावपळीला लागले..
चातकजी,
वाह ! क्या बात है !
सब भगवान कि लीला है !
Happy

Submitted by अनिल७६ on 21 June, 2011 - 09:09

वा रे वा रे वा रे, व्वा!
लईच आवडली... Happy

Specially,

<पाहताक्षणी 'धरे'ला त्यांनी घर आपले ओळखिले
स्वःअस्तित्त्व त्या मोत्यांनी या मातीला समर्पिले
दरवळ दरवळ दरवळीले
चैतन्य चौफेर उधळीले
मातीतुनी आज मिठागर
गोड हासले..
आज 'सागर' गोड जाहले.. >

Submitted by बागेश्री on 22 June, 2011 - 03:50

दरवळ दरवळ दरवळीले
चैतन्य चौफेर उधळीले
मातीतुनी आज मिठागर
गोड हासले..
आज 'सागर' गोड जाहले.>>>

सुंदर

Submitted by बेफ़िकीर on 3 July, 2011 - 00:33

"माणिक-मोत्यांची क्षणांत तिने सुटका केली...

पाहताक्षणी 'धरे'ला त्यांनी घर आपले ओळखिले
स्वःअस्तित्त्व त्या मोत्यांनी या मातीला समर्पिले"

"आज मिठागर
गोड हासले..
आज 'सागर' गोड जाहले"

या संकल्पना खरंच छान आहेत.

Submitted by UlhasBhide on 3 October, 2011 - 11:06

तु कविता करतोस हे माहितच नव्हतं. छान आहे.

दरवळ दरवळ दरवळीले
चैतन्य चौफेर उधळीले >>> या ओळी विशेष आवडल्या. त्या 'दरवळा'च्या रिपिटेशनमुळे वेगळाच फिल आला आहे. नाकभरुन पहिल्या पावसाच्या मातीचा वास भरुन घेतल्यासारखं.

Submitted by मीरा.. on 3 October, 2011 - 12:58